كيف حالكم صبايا؟ من زمان ما نزلت مواضيع بسبب انشغالي هالفترة .. بس من قبل يومين فضيت شوي قلت خليني أصور مكياجي وبلشت بالتصوير وتحميل الصور للجهاز وتعديلهم
متل ما هو باين بالعنوان .. تقريبا من سنة اشتريت باليت من ماركة توكي دوكي واول مرة بجرب هالماركة وصراحة الشادو بهالماركة فظيييييييييييع قوة لون وثبات وألوان ولا أروع ومن غير برايمر .. ألوان حقيقية ظاهرة وفظيعة .. وان شاء لله راح أبلش أجمع شادواتهم ..
الماركة بتنباع عنا بسيفورا والباكيجات كتير مميزة وملفتة للنظر ..
كلمة توكي دوكي كلمة يابانية تعني sometimes ( بعض الوقت )
اسم الباليت روبري robbery palette بتكون من 3 باليتات وكل باليت فيه 4 ألوان شادو وبلاشر واحد .. هدا الباليت كان ليمتيد اديشن .. لكن في بعض ألوانهم موجودة بالمحل single shadow وحتى شكلهم مميز جمجمة على قلب روعة
لما أفتح العلبة بكون داخل التلات باليتات مع مراية صغيرة بس مش هالجودة هي وقلتها واحد
شوفوا ما أحلى ألوانهم روووووووعة
نيجي لاول باليت من الجهة اليمين وهو خاص لعمل السموكي آيز smoky eyes
ملاحظة حطيت السواتش على ظهر يدي لان كانت اوضح لكم!!
الاسماء متل ما هم مرقمين
1- bullets ( لون سيلفر بلمعة قوية )
2- liberty ( لون أخضر غامق شوي وبلمعة )
3- adios ( اسود مطفي تقريبا matt )
4- la gun ( لون بترولي كمان بلمعة )
والبلاشر اسمه polpetting ( لونه خوخي بلمعة فضية )
نيجي للباليت التاني اللي بالوسط وألوانه رووووعة وخاصة الاخضر التفاحي بجننننننن لوني المفضل بهدا الباليت
ألوانه صيفية وزاهية
1- candy cane ( لونه أبيض لؤلؤي ) روعة لعمل الاضاءة تحت الحاجب
2 soya ( أخضر تفاحي ) هاللون خيااااالي والمشكلة ما فيه منه لون لوحده وحجمه صغير بالباليت وحيخلص هالصيفية
3- meteo ( لون نيلي )
4- ninja dog ( لون بنفسجي )
والبلاشر اسمه momobella ( لونه مشمشي بلمعة دهبية ) وهالبلاشر فاشل ونفسي أشيله من كل الباليت لانه هو وقلته واحد .. لماينحط على الوجه ما بيعمل كتير لون بس بعمل جليتر ما بحب الجليتر بفضل الشيمر الناعم او البلاشر المطفي
الباليت الاخير اللي على اليسار وهو لعمل مكياج برونزي او ترابي ..
1- savana ( لون دهبي )
2- lion pappa ( لون بيج )
3- bulletto ( لون بني ) بحب أحدد فيه حواجبي
4- ercolino ( لون نحاسي ) وهاللون المفضل عندي بهدا الباليت روووووووعة
والبلاشر اسمه royal pride ( لون برونزي بشيمر دهبي ) خياااااااالي
مجموعة مناكيري الحالية ( كان عندي كتيييييييييير ) بس كله تركته لخواتي لانهم بحبوا المناكير ..
اول لونين من اليمين من ماركة borghese
*لون التوتي اسمه b325 palermo plum
*لون الاحمر اسمه b240 che bella red
اللي من china glaze
* وردي غريب وحلو اسمه 945 life preserver
* دهبي حلو كمان وبستخدمه اكتر شي فوق اي لون مناكير 950 lighthouse
اللي من piggy polish
* أخضر غريب ومميز بنفس الوقت اسمه keep it teal
*نيلي اسمه start spreading the blues
واخر واحد وأبشع واحد من sally hansen *بيج متل لون الفاونديشن القديم 
مش عارفة القى رقمه او اسمه بس في ورقة على الجنب عليها رقم تحت بجوز يكون رقمه مش متأكدة 4857-08
اللوس باودر اللي عندي من shiseido شيسيدو تركتها من فترة ما بعرف ليش كل ما أحط منها على وجها بيطلع وجهي كأنه عليه غبرة :I: .. استبدلتها ببودرة أحلى ومرتاحة عليها راح أخبركم عنها
الفاونديشن اللي بستخدمه حاليا من جيفنشي givenchy اساس سائل اسمهPhoto’Perfexion Fluid Foundation SPF 20 PA+++
انا بناسبني كريم الاساس اللي على وردي .. اللي عندي درجته 2 perfect petal نفس لون بشرتي
يتبع بالرد الثاني …
والباقين 4 او 5 فرش من كلينك وبوش
بهتم للفرش الاساسية بس ومجموعتي قليلة .. يعني الفرش الاساسية بس
فرشاة من real techniques جودتها ممتازة وبالمستقبل ممكن أشتري باقي فرشهم
انا بستخدم هالفرشاة لتوزيع الفاونديشن ومرات للبلاشر كمان حلوة
فرشاة من e.l.f اشتريتها قبل 3 او 4 ايام بس بـ 3 دولار وطلعت وااااو ناعمة وحلوة .. بستخدمها لتوزيع الباودر وهي أصلا لتوزيع الباودر
فرشاة من studio basics للدمج كمان حلوة وسعرها مناسب
بيس base من جيفنشي .. مبهدل لاني ما بستخدمه ههههه
عندي حاليا ماسكارتين وحدة من جيفنشي والتانية حصلتها عينة من استي لاودر .. حلوين
الايلاينر الكريمي اللي عندي بستخدمه من ماركة physicians formula بيجي 3 طبقات انا بستخدم الاسود بس ، اللي تحت .. صراحة حلووو
بعض من الارواج
من sei bella سي بيلا روج باللون المشمشي رووووعة لونه حلووو
اسمه peach silk
من inglot انجلوت روج لون برتقالي بتعجبني ريحته اكتر من لونه
رقمه 156
وعندي روج من استي لاودر estee lauder أظن ليميتد كريمي رووعة وحلو .. بس ما بخليكم تشوغوه من الداخل ( سر ) ههههه والله حالته حاله كسرته بنتي باخد منه بالفرشة هيك بعمل لاني حابه لونه كتير
اسمه 23 rich currant لونه روزي على لحمي رووووووعة وريحته كمان حلوة ..
نكمل بالرد الثالث
خفيف وناعم عالعيون وبنظف منيح من الميك اب .. وبعده بيجي الي من استي لاودر كمان حلو بس لانكوم احلى بالنسبة لي
جربت كلينك ما اعجني بعطيه تقيم 6/10 ، جربت من ناتشورال لوكس حلو مش بطال بعطيه تقيم 8/10 ، جربت من ميبيلين فاااااااشل صفر /10
الاي لاينر السائل اللي عندي من سيفورا sephora سهل التحكم فيه وحلو نوعا ما ، عاجبني وهدا اول اي لاينر سائل بستخدمه بحياتي .. بجوز لو أجرب ماركات تانية أغير رأي فيه .. ما بعرف كيف غيره .. هدا اللي بستخدمه وماشي الحال معي
هدا ليب جلوس من ماركة مروان خير …. لونه حلو بستخدمه مرات لحاله ومرات فوق الارواج
اسمه L candy
كمان ليب جلوس من تارينا تارنتينو tarina tarantino شفاف بس فيه لمعة دهبية رووووعة فوق اي روج وريحته ليمون
اسمه مكتوب بخط صغير ومن كتر اليوم ما اشتغلت عالكمبيوتر بطلت أشوف :confused:أظن bibaruca ما بعرف هيك حاليا شايفة اسمه ههه
ليب تينت من لاش lush بلون برونزي روووعة وريحته كوفي وطعمه كوفي latte
برايمر من e.l.f سعره دولار واحد بس تخيلوا !!!!
عمري ما استخدمت برايمر لاي شادو عندي .. لانه كل الشادوات اللي عندي ثابتين والوانهم ظاهرة ما حسيت في داعي للبرايمر .. بس لما شفت هدا البرايمر وسعره رخيص قلت خليني اجربه … جربت حطيت على ايدي شادو من فكتوريا سيكريت دون برايمر وحطيت من نفس الشادو مع برايمر وفعلا اللون أوضح .. يعني هالمنتج بنفع وحدة بلزمها تعمل مكياج لساعات طويلة او لمناسبة .. ما جربت كم ساعة بضل او بثبت
تعبت .. راح أكمل باقي مكياجي الى اشعارا أخر
اتمنى يعجبكم موضوعي وتستفيدوا منه .. واي سؤال انا حاضرة
والشدوهات باين عليهم حلوين