اولا رحبوا فيني لأني جديده بقراطيسي في المنتدى 😮
ثانيا: انا بصراحه أتمنى الله يوفقني بمشروع على قدي ابدا فيه من الصفر واتمنى الاقي شريكه
تساعدني ونتشارك الافكار ونتفق ونكون يد بيد افيدها وتفيدني ,,,
بعد معاناه وليالي من التفكير وتعصر المخ شنو اسوي شنو اسوي ماتوصلت حق نتيجه مع اني
ولله الحمد املك المواهب المتعدده وكل شي احط يدي فيه يكون رائع بس ليلحين ماقررت شنو 
وانا بصراحه يايتكم وكلي امل باني احصل طرف ثاني تساعدني واساعدها ونسوي مشروع ناجح
باذن الله:o
عن تجربة .. ما في أبرك من التجارة
أنا تخرجت تخصص تكنولوجيا تعليم و انتظرت الوظيفة بدون فايدة … تخرجت بمعدل 3.32 من 4 قبل دفعتي بفصل و نجحت في الامتحان النظري و العملي لوظيفة اخصائية تكنولوجيا في وزارة التربية
اللي تخرجوا عقبي و اللي معدلاتهم أقل مني و اللي رسبوا في المقابلة أو العملي توظفوا و أنا ما توظفت ( و أعرفهم بالاسم )
أنا ما حطيت يدي على خدي
دخلت مجال تجارة النت على قدي و الله العالم اني كنت محتاجة الفلس!
و خلال 7 أشهر فتحت مؤسسة استيراد و تصدير تدر علي في أسبوع واحد ضعف راتب شهر من الوزارة..
و اليوم اتصلوا فيني الوزارة علشان أروح اقدم الطلب و أوراقي عندهم من جديد.. شرطهم إني أقفل المؤسسة لأن ما يصير موظف حكومة عنده سجل تجاري!!!!!!!!!
و أنا فضلت العمل الحر مع إنه حلمي أشتغل في التربية و حلمي آخذ الماجستير
هذي تجربتي… و إن شاء الله تفيدج
بس انتي شنو في بالج او على الاقل شاركينا بالاشياء اللي سويتيها
عشان نقولج راينا ونشاركج الافكار
تحياتي 
انا الحين محتاره بعد في شنو ابتدي مشروع
و يالله افيدونا يالتاجرات
و بالتوفيق
واشتغلت بالديكور بس لاهلي وربيعاتي ومثل مانتي عارفه الكل يدور الرخص وانا اللي اكلتها
واشتغلت فتره بتجارة الميك هم على الاقارب ووقف الشغل
بس واتمنى اني احصل فكره وشريكه !!
انا انصحج انج تستمرين بالبحث عن ما هو جديد ومتميز
وسبحان الله الرزق اللي لج نصيب فيه راح يستمر معاج للأبد
لان الرزق من الله تعالى
فخلي حمولج على الله وارتجيه بالدعاء ولا تيأسين
وبحثي واسعي وحاولي وفشلي ويمكن تخسرين لين ما تووووصلين للنجاح
والاكيد انج بتوصلين تحياتي لج الغالية
والا اشرايكم يا بنات