مسائكم ورد .. 
بندخل بالموضوع علي طول ..
بنات وقت الدوره آنآ ما بهتم بنفسي بشكل صحيح يعني الحمدلله النظافه الشخصيه من هالناحيه مافي اي مشاكل بهتم بشكل كبير وحريصه جداً
بس من ناحيه آكل وشرب وآعشاب هذي لا معدومه عندي ، يعني من التعب والالم وبسبب العمل وظروفه آضل ع المسكنات الكثيره يعني عادي اخذ ٨ حبات مسكن خلال اليوم وآنواع مختلفة ولا اهتم بشرب الآعشاب الي تخفف الآلام ما آتحمل ولا اصبر ع الآلم وآشرب بارد وما احب آلبس ملابس ثقيله آبداً ، وآعرف ان هذا غلط وما يصير يعني بس اهتم بالنظافه الشخصيه والتغير باستمرار ومشكلتي كمان اني لما اتحمم وقت الدورة ما احرص علي اني اكون دافيه يعني عادي نفس آي يوم عادي من آيام حيااتي
وحبيت آهتم من هالناحيه لآن كثير ناس قالولي بيطلع عليك بعدين هالآشياء لازم تهتمي آنك تدفي حالك وتشربي آعشاب
وحقيقة خفت من آمر متغير علي وملاحظه هالشي " آنا الحمدلله مافيني اي مشكله صحيه خلال الدورة الا الآلم وهذا طبيعي لبعض البنات والدوره منتظمه جداً ولا اي شيء غير طبيعي كل شي تمام بس لاحظت ان آيام الدورة بدأت تقل بشكل تدريجي وسوري بنات حتي الدم صار آقل بكثير يعني آول ما بلغت وكان عمري ١٢ كانت ٧ آيآام بعدها صارت ٦ وبعدها ٥ الآن ٤ آيام ومن اليوم الثاني بالليل يخف الدم ويصير شي بسيط جداً وحتي آول آيام مش كثير زي آول ، وما بعرف هل هذا مشكله آم لا آم هو شي طبيعي ؟ "
طبعاً من خلال بحثي بالنت طحت علي بعض الوصفات والبرامج الخاصه بالبدويات وهم آحسن من يعرف بهالآمور ماشاء الله عليهم .. خبراء بالاعشاب وفوائدها ودايم ما يستغنوا عنها ..
هااي بعض البرامج والنصائح المهمه الي نقلتها من النت لعيونكم لتستفيد منها كل بنت ومتزوجه ولتحمي نفسها من المشاكل الي تصير بسبب الآهمال وقت الدوره
ليـوم موضوعي غيـررر
وهذآ بطلب من العضوات ..
طبعـاً اللي عارفتني وعارفه موآضيعي بتدري اني ما اجيب واكتب إلا ششي مجرب ..
أكيد كل وحده منـآ مرت عليها هالسسالفه .. فلانه جيكره ماتنبلع (ماينشرب سورها) ومع هذا زوجها يموت بترابها
وفلانه مزيونه موووت وزوجها مايدري عنها ولا يدري وينها ..
وفي منا شكثر من تقبل ع زواجها ياتروح تجمع خلاقين والوقت كله يروح بالسوق والدوجه
يا تهتم بنفسها خلطات شعر وبشره ..
بس نسيتو شي مهم !!
شي الرجال يبيـه واذا مو موجود عندج .. مايبي الا فرقاج
واذا موجود مايهدج لو فيج كل عذروووب..
أكيد عرفتو شـ تكلم عنه ؟!
في بنات واجد مايعرفون يهتمون بنفسهم
ومايدرون هم خربانات ولا لأ ؟
بس متى تعرف ؟ لا جت عند الزوج وتفشلت فشيله ذيك الساعه عرفت الاهتمام وعرفت انها خربانه
مع ان ناس واجد يقولون معقوله في حريم مايهتمون !
ألحين مابي اعطيكم تجارب عجايز وسوالف طويله عريضه تغث الوحده وتخليها ماتهتم !
انا الشي الخفيف والسهل اداوم عليه والشي اللي فيه تعقيد لو ان حياتي واقفه عليه ما اسويه ..
أول شي
كل وحده تعرف متى موعد دورتها ..
قبل لاتجي الدوره بأيام زهبي شغلج كله عشان اول ماتجيج تهتمين ..
وبعلمكم بـ الشي السهل والنظام او علي قولتكم الجدول مو مهم كل وحده وطريقتها ..
—————
روحي العطار وأخذي منه ..
رشآد حق نص دينار ..
حلبه حق دينار ..
سويده نص دينار ..
محلب ربع دينار ..
فلفل اسود ..
مغل أو مغله ( هذي شكلها نفس المره بالضبط بس طعمها غير ولونها اغمج من المره )
بخور الهواء ..
كمون ..
دآرسين ..
مسمار ..
—————
دلاغات + ليقنز القطن (الليقنز يكون ضيج وماسك يعني لو تلبسين دراعه مايغثج ويلف الدراعه)
أول شي تسوين اللهوم وتحطينه بقوطي
وهو عباره عن :
فنجال فلفل اسود
فنجال رشاد
فنجال حلبه
فنجال كمون
فنجال مسمار
فنجال محلب
طبعا كله ينطحن ويصير نفس البودره ماعدا الرشاد يبقى نفس ماهو ماينطحن ..
وتحطينه بـ علبه
هذا اول ماتقعدين من النوم ألهمي قد ماتقدرين ملعقه ملعقتين ثلاث مايضر بعد كل ملعقه اشربي ماي
اللي ماتعرف تلهم تحط المقادير هذي مع تمره وتغفصها يعني تعجنها مع التمره بس اللهوم احسن
لأن ماتحسين بطعمه علي طول تلهمينه بماي
اما التمره بتاكلينها وتحسين بطعمها وتنغثين ماتكملين
—————
الشي الثاني
نقوعه ..
طبعا هذي تشترينها جاهزه من العطار
وتدقينها بالنجر لين تنجرش وتكسر بعدين تحطينها بالمطحانه وتطحنينها لين تصير بودره
هذي كميتها كبيره وماتخرب تقعد عندج سنين عادي حطيها بـ علبه كبيره واخذي علبه صغيره حطي فيها شوي
لأستعمالج اليومي تنشرب مع القهوه او تحطينها بماي دافي في بطل ماي الصحه وتشربينها
( على فكره النقوعه هذي اشربيها يوميا ع الريق وقبل النوم لمدة شهرين ورا بعض وبتجين تدعين لي
هالشي يخلي بطنج لاااااااازق بظهرج روووووووووووعه والله العظيم جربو وشوفو يصلح مع الرجيم ترا)
وهذا شكل النقوعه لاشريتيها جاهزه
—————
نجي للشغله المهمه :
بطل ماي صحه حطي فيه ..
10 حبات محلب
كسرة مغل
كسرة مره
شوية سويده ..
وصبي ماي دافي
هالشغله عجيييييييييييييييييييييبه شوي عليها
تنشفج من تحت جربوها هالدوره وخلوها تخلص دورتكم واراهنكم ان ماقلتو صرنا فرق عن قبل
بقولكم سالفه صغيره عن هالشي
(وحده من جماعتنا ولدت نفاس وماتهتم ابد .. وبعد ماطلعت من النفاس الا هي قااااضيه رطبه حيل
بالعربي خربانه .. قالت لها جدتي سوي هالشي وشوفي هي ناقده اول شي تقول محلب ومااي بيخلوني زينه
مستحييييل انا خربانه .. جتها الدوره وسوت اللي قالت لها جدتي (وحتى بدون دوره عادي) اقسم بالله يابنات
انها ماخلصت الدوره الا وهي نااااااااااااااااااشفه والله انها للحين تدعي لجدتي كانت متحطمه حيل)
يعني هالشي لايطوفكم خلوه كل دوره رفيجكم
كل مانقص الماي زيديه
وهذي كل مامريتي ع هالبطل اشربي منه ماله وقت محدد بس لازم لازم تخلصينه مو يقعد عندج ايام نفس ماهو
الممنوعات الحين ..
/ أهم شي يابنات لاتجوعين نفسج لازم لازم تقعدين الصبح وتريقين الساعه 6 وتقعدين 12 وتغدين وبين الوجبات اكلي
يعني الجوع هو السبب في خراااب المره والرجيم ممنوع ايام الدوره ..
/اي مشروب غازي ممنووووووع والبرد
/الماي لاتشربينه بارد دااااااااااااااااافي ترا مو زين
/لادخلتو الحمام لاتطولون اقضي حاجتج وقومي بسرعه هذا يسبب هوا بالرحم ولاترشين ماي واجد وحاولي انج ماتغسلين من تحت
بالرشاش استبدليه ايام الدوره بالقوري حق البر حطي فيه ماي وغسلي ترا كثرة الماي وقوته ع المنطقه وقت الدوره يخرب
/لاتشيلين شي ثقيييييل
/الدلاغات لاتطيح من رجولج هي والسروال ضروووووووووووووري
/هالأكل لاتاكلينه وقت الدوره : الملوخية..البامية..البصل الأخضر..البطيخ والشمام..الطماطم
/لاتسبحين ابد بس ثالث يوم تسبحي وتنشفي بسسسرعه ولاتطلعين بالهوا خليج مدفيه نفسج
/الحمضيات وخاصة الليمون..الموز..
/وفي طريقه بعلمكم فيها يسوونها الحريم قبل وانا اسويها طبع ويوم درت جدتي قالت هالشي زين من علمج فيه
انا سويته ع النيه (الكوتكس احط 3 فوق بعض انا ينزل معاي واجد فـ احط 3 ) ولما درت جدتي قالت الحريم قبل يسوون جذي
عشان الرحم ماينزل الثلاث يرفعون الرحم لـ فوق يكونون ضاغطين عليه
بخور الهواء ..
هذا خامس يوم تبخري فيه من تحت
طريقتي احط مبخر مانبيها يعني مو زينه حي الله مبخر واحط فيها جمرتين بخور
واخذ من البخور واحط عليه واخذ المبخر وادخل الحمام (عزكم الله) بعدين قطي الشورت او السليبوانتي واقفه حطي المبخر
بين رجولج وخليج واقفه عشر دقايق
بعدها اطلعي والبسي سروال طويل ودلاغات ودفي نفسج عدل ولاتقربين للهوا كلش لامكيف ولا هوا عادي
والحين بعطيكم شنو الريوق هو اهم شيالغدا و العشا عادي اي شي ..
اللهوم اللي سويناه وقلت لكم تلهمونه سوو عجينه نفس الجباتي او خبز صاج للي يعرفونه اخذي عجين مقدار خبزه وحده بس
وحطي معاه قفشة لهوم واخلطيه عدل وخليه 5 دقايق بعد الخمس دقايق حطيه بالمقلى او ع الصاج وسويه خبزه واخر شي
حطي عليها سمن او زبده او اذا تبين تدهنينها بـ جبن قلاص عشان تقبلين الطعم بس
وسوي دارسين بالقوري واكلي الخبزه واشربي كوب دارسين وردي نامي اذا بتنامين هذا الريوق
طبعا بين الوجبات بعد الريوق بعد الغدا قبل العشا هذا تشربون اعشاب
تشربون من النقوعه
تشربون اللي نقعناه في بطل (محلب+مغل+مره+سويده)
بنات هالشي تحسون فيه صعوبه الحين بس صدقوني مافي اسهل منه
اذا حضرتي اغراضج قبلها بـ مده وعلمي الخدامه تسويلج الريوق جذي وبس مافيها صعوبه
بنات من أول يوم لـ ثالث يوم اخذي بالملعقه رشاد وألهميه والله العظيم ينزل الدم كله وينظفج
أتمنى إنكم تستفيدون من هالموضوع
واللي ماتهتم تلتفت لعمرها من الحين وتهتم
هذا الموضوع منقول من مدونة حواء لعضوه اسمها دانه الرشيدي
السلام عليكم ورحمة الله وبركاته
أخباركم بنات
البوم جبت لكم خلطات وادويه طب بدو على قولتهم وبإذن الله
تلقون العافيه معاها
تصلح للبنت والمتزوجه
أنا مجربتها بنفسي لانو جتني فترة أهملت نفسي بالدوره
الشهريه رغم إن أمي مو مقصره ودائم تقول لي إكلي مو زين
تجوعين نفسك وإنتي عليك الدوره ما كنت مهتمه كنت احسب
إن البنت ما يجيها ( خوا ) زي المتزوجه
بس صراحه حسيت بتغير بسيط كأني مو مرتاحه او بداية هوا
بسيط معاي فقلت بالحلق على عمري
وحت سويت لي كم خلطه تحت إشراف أمي والحمد لله من
دوره الى دوره حسيت بتحس كبير
الخلطه عباره عن ماش وفلفل وزنجبيل تخلطينهم بنسب
متساويه وتطحنينهم وتحطينهم بعلبه وملعقه صغيره بس على
الريق مع كوب حليب لازم على الريق وبالصبح بدري حتى لو إنك سهرانه زي حالاتي
أنا أصحي على الساعه 9 كذا وأشرب حليب ومعاه خبزه وجبنه أو زبدة الفول السوداني وأرد أنام مرة ثانيه
أشرب شاي الاعشاب عاااادي مكون من خلطات معروفه
وشئ أشربه مع القهوه كل البدو يعرفونه ( صعوط)
مكون من …( مره …محلب ..خوا وجوا …شوي حلتيت …نونخه …زعفران …عنزروت )
تطحنينهم وتحطينهم مع فنجان القهوه ….وإذا ما تحبين
القهوه حطيهم في قارورة صحه وأشربيهم مع الماي بدال الماي
بإذن الله راح تخلصك من الآلام والهواء والتجمد الدم
و
بس
وخليك كذا كل الدوره وبإذن الله راح تحسين بالعافيه
بس الممنوعات معروفه زي المواد اللزجه والبطيخ وغيره
وإالبس شرابات طوال فترة الدوره وسروال طويل وتجنبي
الجوع لانه أساس الخراب زي ما تقول امي وبالليل أشربي
حليب مع شوي حلبه بس مو مطحونه حب وهذب بس بالأيام الثلاث الاولي فقط
ويارب أفتدكم لانو قلت لكم من قلب
دعواتكم لي
من منتدي حوامل لعزيزه النفس
السلام عليكم ورحمة الله وبركاته
طبعا الموضوع تم البحث عنه في مواقع النت بشكل كامل لعيون الاخت(ام اجمل طفل)
ومحتوي على الوصفه وتجارب الحريم اللي استخدموها:
اول شي اشكر جارتي ((لعتيبيه ))هي اللي عطتني طريقة وصفة العتيبيات وجربتها والحمدالله نتايجه من اول استخدام طبعن تستخدمينها بس وقت الدوره والنفاس
تعدل الافرازات اللي عندك وتنشفك وتخليك تحسي بنظافه وتنظفك صححححححححح
نجي للخلطه وهي طريقته
كاس ماش -نص كاس شمر -نص كاس حلبه -ربع كاس حبه سودا -ربع كاس كمون -ربع كاس فلفل ابيض -ربع كاسفلفل اسود -ربع كاس سكر نبات
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق وبنات ترى الفلفل الابيض هو اساس الموضوع وهو الزين فيه كله حتى الاندنوسيات هذا سرهم في تضييق والتنشيف والحركات اللي عارفينها هذا اللي مزينهم
وسكر النبات علشان يزين لك طعم الخليط ويصير حالي
وهذا لهوم النفاس والدوره اللي اكثر التاجرات يبيعونه للحريم
وهذي طريقة قشر القهوه للتضييق اللي يبيعونها التاجرات بعد واتمنى من المشرفات مايحذفون الموضوع للفائده وكسب الاجر
وهي قشر قهوه – كمون -نانخه -زعتر بري -كلها عند العطارييين
اخلطوه واطحنوها او لاتطحنوها براحتكم اول شي قشر القهوه حلو للتنحيف خاصتن الكرشه وهالخلطه حلوه للتنظيف الارحام وحلوه للتضيييييييييييييق والخلطه هذي موجوده بكتاب اسرار الحريم وذكرها جابر القحطاني ومدحه والتاجرات اكثرهم يبيعونها واستخدامها وقت الدوره والنفاس وماله وقت معين يعين كم يوم تستخدميه يعني سويها وحطيها لك بترمس وتقهوي منها مثل القهوه العاديه ولاتنسون تحطون بالتمر الخلاص شوي رشاد وزبده او سمن غنم وقت الدوره والنفاس وبتشوفون وشلون راح تخلون عن عملية التضييق وبعد لحم جسمك بيصير مشدود مو مترهل
والخلطتين كلها تنفع للمتزوجات وللبنات واخيرن ادعولي
هاي طبيخه الآعشاب منقول من منتدى حواء لام ود الشمريه
السلام عليكم ورحمة الله وبركاتة
هذة وصفة الطبيخة وهى قديمة من ايام الجدات مايستغنن عنها ابد
وهى مفيدة فى الكثير بنسبة للنساء ومن فوايدها انها مدرة للطمث
و تخلص الجسم من الافرازات والسوايل المضرة التى تتسبب فى
كبر البطن والجوانب والسمنة المضرة بسبب احتباس السوايل في الجسم
ومفيدة ايضا فى التهابات الرحم والبول اعزكم الله وتنظم الهرمونات
والدورة وتساعد فى ازالة السدد مع الاستمرار فى تناولها
المقادير للطبيخة
——————–
كوب محلب -كوب رشاد -كوب حبة البركة -كوب عدس – كوب ماش
بيالة كمون -بيالة حبة حلو -بيالة ينسون- نص بيالة دارسين مدقوق
20حبة فلفل الهواء-10قرنفل -ملعقة صغيرة فلفل اسود كسرتين
مرة-نص كوب فؤة مدقوقة
الاستخدام تؤخذ ملعقة صغيرة وتضاف الى الماء المغلى
وتغلى لمدة نص دقيقة وتشرب بعد خمسة دقايق
طول ايام الدروة وخاصة على الفطور
بارك الله فيكى على المواضيع الحلوة
آهلين فيكي آميره نورتي يا غاااليه .. آتمني الكل يستفاد لان في زي من لا يعرف هالآمور
يبدو الموضوع فيه معلومات مهممممممة لكن اكثر اسماء و الاشياء لم افهمها
انا مثلك بضبط بضبببببببببببط من ناحية عدد ايام و ال كم مش عارفة هذاا عادي ام لاا
عموما انا وقت دورة ما اعرض نفسي نهاااااااااااءية للبرد اين كان و جووع كمان ممنووووع و اشرب ديما نعناع داافي و ما اشرب بارد اشياء كثيرة الممنوع ما اكلها وقت دورة هل هذا يكفي ام لا خصوصا اني ما فهمت اكثر الاشياء مذكورة و اظن في اعشاب ما عندنا
اش رايكم في برنامجي يكفي و لا لا يكفي ??
آنا زيك يا آم مصعب ما بعرف حقيقه آتمني البنات يفيدونا كمان بس انا بدي اعمل اللهوم والشراب .. والآسماء تبع الآعشاب قولي الي ما عرفتيه وانا ابحثلك عن معاني ثانيه لهه باللهجه تبعكم
والله موضوع مميز و مفيد جدااا
شكرا اينانا
هلا فيكي مغتربه سدني نورتي يا غااليه