ياليت اللي عندها خبرة وين ممكن أعالج الفك والاسنان (يعني في اي مستشفى )تخبرني
ولها الاجر ان شاء الله تعالى…
ووين تنصحوني اروح اتسوق ….عاد أهم شي تكون البضاعه تمام والسعر :shy:
ووين ممكن أحصل محلات تبيع العود ودهن العود ،بس مايقصون على:gum:
ووين تنصحوني اتكشت ….. بس لا تقولولي بوكت لاني مااحب الشواطي وأشكال الناس
عليها ………عافانا الله
ابي طبيعه وشلالات وحيوانات ،وبراااااااااااااااااااد
ولكم جزيل الشكر ،والله يعطيكم العافيه
رجاااااااااااااااااء ردوا بكرة السفر:salam:
اتمنى لج الشفاء العاجل.
اما بخصوص المستشفياات.. تقريباا في مستشفى في بانكوك على ماعتقد اسمه الامريكي في شارع سلومبيج 4 بالقرب من شارع العرب.
والمستشفى تقريبا المرضى 80 % عرب وفي مترجمين عرب واماراتيين. .
اما بخصوص دهن العود وهالسوالف.. ترا مب اصلي وكله تقليد..لاتشترين ابداااا.. اشتري في الامارات اضمن واجود واحسن..
اما بخصوص التبضع في بانكوك : في سوقين : باتونام وتوكيو سنتر. فيه سوالف حلوووووووووه ولكن تقليد.. يرفعون السعر غااااااالي ووايد.. وكاسريهم..
اما بخصوص البراد الحين موسم البرد عندهم. واحسن الحدائق : حديقه الفيله والثعابين.. لاتنسين تركبين الفيل.
وشكرا
جزاج الله ألف خير اختي ام مهير ،ومشكوره على النصايح الحلوه
والـنايت ماركت عندهم يهبل.. جو غيييير … ما تتمللين منه ابدا هو يبدا على ما اذكر الساعة 7 بالليل … بس شنو .. واايد حلو
انصحج تروحين هناك…. والناس بعد وايد حبوبين وهاديين.. مب نفس بانكوك وايد عصبيين..
وبالتوفيق
مشكوره وما قصرتي ،صدج انتوا اهل الشدائد
انا ناويه اروح Chiang mai
وكلامج شجعني اكثر
بالنسبة للمستشفيات في تايلاند فانصحج تسيرين مستشفى بم رنج راد 0 و اللي يسمونه العرب المستشفى الامريكي)
و بالنسبة للاسواق : عندج في بانكوك ام بي كيه + باتونام
و في شانغ ماي عندهم مركز على ما اعتقد ان اسمه : اير بورت سنتر ( قريب من المطار )
و ايضا السوق الليلي روعة ..بضائع رخيصة + متنوعة و تناسب للهدايا
في شنغماي ممكن تروحون للشلالات في منطقة مرتفعه
و عرض الفيلة
مصنع الحرير
مصنع المظلات
و الله هاذا اللي اذكرة الحين
و ان شاء الله اذا ذكرت شئ بأخبرج
جزاج الله الف خير
ونستودع الله دينكم واماناتكم
انا من 3 اسابيع رجعت من تايلند وكنت رايحة فحوصات
طبعا عندج مستشفى بم رن جراد الامريكي واسعار فحوصاتهم حلوة ارخص واحد ب 500 درهم اعتقد واغلاها اللي يسمونة الفحص الشامل 1800 درهم اعتقد
وفية مستشفى يديد اسمة المستشفى الملكي سمعت انه ارخص من الاول ومعالجتهم اوكي بعد
بالنسبة للسوق روحي ام بي كي تقريبا 6 ادوار بس يهبل وروحي سيام مول وسنترال
بالنسبة للكشتة ما واحلي اروح مكان وما اقدر اتفلسف
وفية عندهم اسواق بو طوابق نسيت اسمها تبيع بالجملة ورخيصة
امم وهذا اللي اقدر افيدج فية بس نصيحة مني ما بتنسينها
اللبسي نعال سحاتية واتجنبي الكعب لان شوارعهم مب سيدة
واللبسي عباه مسكرة لان روحة العلاج ما تستاهل الكشخة والمكان كله عرب واللبسي تحت العباه شيء مريح عملي مثل بناطلين القطن وقميص تي شيرت خفيف بترتاحين وايد
وشلي عباه احتياط وكم شيلة
وموفقة
ميرة جمال
جزاكم الله الف خير ….
انا خلاص الحمد لله رحت ورديت بالسلامه ، رحت مستشفى بمرنجراد صراحه روعه فحوصات
سريعه ونظام ….وامكانيات ….واسعارهم حلوه
ورحت بي ام كي والنايت ماركت وسبنسر روعه
بس صراحه شنغماي روعه راحه وجمال وابرد من بانكوك والتسوق وايد افضل