أنا بشرتي دهنية يا بنات..وبالفتره الاخيره قمت استخدم جل مقشر خفيف (ديفرين) قبل النوم كان وصفه لي الدكتور من فترة..
الصباح بعد ما أغسل وجهي بغسول نيتروجينا أحط كريم مرطب وبعدها احط كريم الاساس السائل، واستخدم بعدها الأساس المضغوط أو بودره..وبس اوصل المكتب الاحظ انه عند خدودي بالذات الاساس يتقشر ويجف حيل وتطلع قشور..
بشرتي مو صافيه فيها بعض الاثار والمسامات،،
أحس انه فيه شي بطريقة مكياجي او بالاشيا اللي استخدمها غلط..أتمنى بنات اللي عندها خبرة تساعدني
وشكراً لكم (f)
إذا تبين نصيحتي .. لا تكثرين أساس فوقه لأن الشكل بيطلع مأساااااااة ويخوف بعد .. إذا تقدرين تقطعين الأساس أحسن لج وإذا ما تقدرين حاولي اترطبين بشرتج باستمرار 24 ساعة لأن الرطوبة اتساعد القشرة إنها تطيح عكس ما يعتقد البعض إن الجفاف أحسن !! الجفاف يخلي القشور تلزق أكثر ويسبب تسلخات بالبشرة
وإذا عندج مرطب مائي ترى مفعوله هم بعد حلو .. انا عندي من كلينك تحسين بشرتج ناعمة ومنتعشة من غير دهون
ولا تنسين الحماية .. 30 وطالع لأن البشرة من غير شي ما اتحمل الشمس فشلون وهي مقشرة ؟؟ غرقيها بالحماية لا تحترق عليج
وأي سؤال من عيوني .. أختج خبرة بكريمات التقشير ودكاترة الجلدية 