——————————————————————————–
هام لكل عرايس جدة بعد الموقف الي صار لنا معهم احذروا التعامل مع أزهار ريما
في عطلة الربيع كان عندنا فرح واتفقنا مع محل أزهار ريما(المحل مشهور و له فروع كثيرة في جدة بعضها باسم الزهور العربية) بعد ما نصحتنا فيه صديقة أختي ومدحتهم لنا واشترطنا عليهم أنهم يركبوا الكوشة قبل العشاء لأن زواجنا إسلامي وأكدنا على المعازيم انه زواجنا بدري
في البداية طلب منا محلهم نكلم القاعة يفتحوا لهم وقالوا لنا عشان نقدر نركبها من بدري وبالفعل كلمنا صاحب القاعة وقال انه سيرسل واحد خارج الدوام مخصوص ليستقبل
أزهار ريما
وفي يوم الفرح شوفوا كيف لعبوا في أعصابنا من الساعة 2 إلى الساعة 7 قريب العشاء وإحنا في اتصالات عليهم عشان يروحوا القاعة ويبدؤوا تركيب الكوشة وهم كل شوي يعتذروا بشيء: ساعة يقولوا خلاص احنا في الطريق ، وساعة يقولوا عندنا شغلة نخلصهاونروح ،، وساعة يقولوا مسكة العروس إلي طلبتموها صعبة وإحنا شغالين فيها ما خلصت وهكذاااااااا،، إلى أذان العشاء طبعا إحنا رجعنا من الكوفيرة ودخلنا القاعة لنفاجأ إنهم يادوب بدءوا في التركيب وبدأ المعازيم يجووا وجات المنشدة وطبعا اضطرينا نجلسهم في بهو القاعة لان العمال في الصالة يشتغلوا وياريت فوق هذا كملوا الكوشة زى ما اتفقنا معهم إلا ناقصة أشياء كثيييييييييرة وأساسية
والمسكين أبو العروسة واقف معاهم لابس بشته ومتكشخ ويا عيني عليه ما اتهنى إلا قاعد يصارخ عليهم :mad2: ويعجلهم ومعازيمه في قسم الرجال يسألوا فين أبو العروسة وما دروا عنه وعن المشكلة إلي هو فيها وشوي يتصل علي ويقول خلاص انتهوا رايحين واشوف الا الاقي ناقص المدخل ما حطوا أي شيء فيه ولا البلكونة حتى الممر كنا متفقين يفرشوه بالتل ويدخلوا وسطه ورد منثور طبعا هذي النواقص كلها مايقدر العمال يحطوها لين مانتصل بالمسئول وهو يكلمهم عشان يحطوها واستمروا على كده كل شوي نكتشف شيء ناقص وهات يااتصالات وأعصابنا صارت زى الزفت ماانتهوا إلا والناس قد بدؤوا يتجمعوا في البهو وطبعا ما لقيوا أحد في استقبالهم لأننا داخل نتصايح مع العمال
وأخيييييييييييييرا انتهوا ( طبعا اي كلام) وفتحنا الصالة
وبدأ الفرح لكن أم العروسة كل مين شافها قال لها ايش بك ولا اتهنت ياعيني عليها 🙁 كانت في هم وغم و اتصالات مع أزهار ريما لأنهم ما جابوا ورد الرش ولا مسكة العروسة ولا كاسة العصير ولا دفتر التوقيعات والعروسة قربت توصل وطبعا كل هذا والأعصاب خلالالالالالالالاص تالفة طبعا لان هذا ترتب عليه أشياء كثيييييييييرة : تأخرت الزفة ، وتأخر العشاء ، والمعازيم بدءوا يخرجوا لأننا كتبنا في بطاقة الدعوة موعد الزفة والله فشششششششششششششلة ما بعدها فشششششلة والسبب
أزهار ريما
نسيت أقول لكم انه اكتشفنا انه محلهم كان عنده تسليم عشرين كوشة في ذاك اليوم
عشان كده حبيت أقولكم وأنبهكم وليس كمن سمع كمن رأى وخاصة إذا كنتم أهل العروسة وللعلم انه صديقة بنت أختي صار لها نفس الموقف مع أزهار ريما في يوم شبكتها وصلوا معازيمها وما وصلت كوشتها تخيلوااااااااااا الموقف 😥
طبعا إحنا ماسكتنا رحنا لهم ثاني يوم وطالبناهم بتعويضنا لكن طبعا مماطلة يوم ورا يوم ولحد الآن ما انتهينا معهم بشيء وأنا اتصلت على المسؤل حقهم وقلت له إني راح افضحه وانزل في المنتديات عنه وقال لي بنعوضكم لكن ايش يعوض عن الفشيلة إلي صارت لنا مع
معازيمنا ؟؟والنفسية إلي قابلنا بها معازيمنا
معليش طولت عليكم لكن السالفة مو سهلة والي عندها فرح تأخذ الحذر وتتعظ من إلي صار لنا وسلامتكم:confused:
الله يجزاك خير اللي نبهتي البنات
مايفكروووا إلا بمصلتحم والفلووووووس وانتوا ياعيني عليكم تبهدلتوااااااااا
يارب مايصيرلي موقف مثل هالمواقف في ليله عرسي الله يستر:sad:
والحمدلله انو ما حاعمل عندهم شي معنو لهم فرع مرا قريب مننا
بس سبحان الله ماجا في بالي اني اروح عندهم
ع العموم مشكووووووووووورة ع النصيحة والله يجزاكي خير
آلسلآم عليكم ؤرحمه آلله ؤبركآته
الله يكون بالعون
<<<<<داشة عرض
في آمآن آلله
××