انا من الكويت … وزرت دبي في اخر شهر واحد ورحت للقرية العالمية ودشيت الركن الاماراتي واكو حريم اماراتيات يبعيون عطورات ودخون شغل بيت شريت منهم دخون غناتي لان ريحتة عجيبة من اول ما دشيت الركن
ورديت الكويت وكل يوم اشب منة الى من خلص
اسم المحل مكتوب على الجيس الهاجس في خورفكان
اهوة دخون معطر .. شكلة مثل الكور يعني مكور بس ريحتة عجيبة
بنات ابي اسئلكم منو تعرف المحل ؟
وخورفكان بعيدة عن دبي والا وين وجم تبعد يعني ؟
………………………………………….. ….
زين بنات انا بخاطري اخلط العطور مثلكم واسوي دخون لنفسي لان ما شاء الله كل بنات الامارات يعرفون وانا ودي اسوي مثلكم بس ما اعرف شلون التركيبات
وبخاطري اتعلم على الدخون المكور شكلة مثل الدائرة بس تحسين ان الكورة ملينانة عطور بس شلون اسوي ما اعرف
ويوم كنت بدبي سألت اللي يبيع بالرصاصي شنو بنات الامارات يشترون للعباية والشيله عطور ؟ وابي العود اللي يشترونة البنات وبعدين يسقونة شنو احسن شي ؟ وعطاني وقالي روحي الرصاصي اللي بالديرة واشتري منة الصندوق الاخضر ..؟
الحين انا شريت وقعدوا عندي ما اعرف اسوي ولا شي شريت بخور ربع كيلو بس
بنات حابه اتعلم منكم
منو تعلمني ؟
ومن وين اشتري اذا شي ناقص من عندي ؟ مع الاسعار
اوكي اذا مكرر وين الموضوع اللي انا نزلت مثله فيديني فيه
شوفي الغاليه المحلات اللي تكون في المعارض هذيل اغلبهن حريم يسون الدخون يعني مب محلات والكور او القروص او الاشكال المربعه هذا الدخون يشكلنه الحريم ولو عندج رقم مكتوب على الغرشه طرشيلي اياه وانا اشوفلج من الحرمه اللي تبيعه واطرشلج اياه فالج طيب يا بنت العم
وعن المخلطات كل وحده من اللي يبيعن يحتفظن باسرار خلطاتهم عشان ماوحده تضرب بضاعة الثانيه بس فيه مخلطات معروفه بشكل عام وانا بطرشلج على الخاص بعض المخلطات اللي اعرفها وبنشد الوالده عن المخمريه او اي شي خاص انتي تبينه
وافضيحــــتاه!!
هلا إختي السموحه منج!!
بخصوص الدخون تراه أغلبه الحريم يسوونه في البيوت مثل ما قالت الإخت روزس!!
وبعد تلقين في بعض المحلات مثل ياس – الرصاصي – أجمل – موزان – عبد الصمد القرشي
بس طبعا وأنـا أقولج إن اللي الحريم يسوونه غير غير،، وعلى حسب العطور المركزة
كان ودي أساعدج والله،، بس إذا عندج الرقم إتصلي بالحرمه،، وشوفيها يمكن تقدر توصله لج
وحبيت بس تشوفين في قسم التاجرات بتلاقين أغلب الإماراتيات يسوون دخوون روعـه،،
إختاري النوع اللي تشوفين إنه عليه إقبال وطلب كبير!!
سامحيني هذا اللي أقدر أساعدج فيه!!
 |
اقتباس |  |
 |
المشاركة الأساسية كتبها روزس_بوظبي |  |
 |
| يااااااااااامرحبا ملايين ولا يسدن في هل الكويت فديتكم والله مفتشله اهلنا في الكويت ينشدون ومحد يرد عاد هاي فضيحه في حقنا وانا بالصدفه دخلت هالقسم
شوفي الغاليه المحلات اللي تكون في المعارض هذيل اغلبهن حريم يسون الدخون يعني مب محلات والكور او القروص او الاشكال المربعه هذا الدخون يشكلنه الحريم ولو عندج رقم مكتوب على الغرشه طرشيلي اياه وانا اشوفلج من الحرمه اللي تبيعه واطرشلج اياه فالج طيب يا بنت العم وعن المخلطات كل وحده من اللي يبيعن يحتفظن باسرار خلطاتهم عشان ماوحده تضرب بضاعة الثانيه بس فيه مخلطات معروفه بشكل عام وانا بطرشلج على الخاص بعض المخلطات اللي اعرفها وبنشد الوالده عن المخمريه او اي شي خاص انتي تبينه |
||
 |
 |
يامرحبا ترحيب ينشر فالاخبـار
ترحيب من شاعر تحرك شعوره
من الفرح رحبت بك نثر واشعار
يامرحبا باللي يشرف حظـوره ……. ( منقول )
مشكورة يالغاليه على الرد اللي اسعدني وفرحني يا قلبي
وبنات الامارات كلهم اموت فيهم مع اني ما اعرف ولا وحدة فيهم واتشرف بمعرفتج يالغاليه
خلاص ان شاء الله باجر بطرش لج الرقم لاني اتصلت عليهم بس ما ادري شلون طريقه الاتصال يمكن في ارقام داخليه عندكم ما ادري شلون بس حاولت اتصل اكثر من مرة ما يصير للاسف
من كثر ما انا محتفظة في الجيس حطيتة عند امي بالتجوري حتى ما يضيع باجر اكتب لج الرقم يالغاليه
بالنسبة للمخمرية … احنا عندنا واحد من العايله متزوج من زمان اماراتيه والحين المرة عيوز واهية عندنا بالكويت ما شاء الله عليها عيالها وبناتها كلهم تزوجوا الله يبارك لها فيهم يارب
وما شاء الله عليها بين فترة وفترة وبالمناسبات تسوي لنا عطور وعود معطر شي عجيب وخيال وتسوي لنا مخمرية يكون لونها احمر اتوقع زعفران بس عمري ما شفت ولا شميت مثلها شي عجيب
جربت اكثر من محل بالمخمرية بس ماااااكو على مخمريتها بس المشكلة انها ماتبي تعلم احد بطريقتها مع انها ما تبيع ولا شي بس تسوي لنا بين الفترة والثانية
مشكووووووووووورة يا عمري
|
اقتباس | |
|
المشاركة الأساسية كتبها روح_ الورد | |
|
|
وافضيحــــتاه!! هلا إختي السموحه منج!! بخصوص الدخون تراه أغلبه الحريم يسوونه في البيوت مثل ما قالت الإخت روزس!! |
||
|
|
هلا بلي نهليبـــه … وشوفـــه يشرح البال
ولو رحبت ما يكفي … لكِ مليون ترحيبــــه ……. ( منقول )
مابين الخوات زعل واعتبركم خواتي والله الشاهد علي اني احب اهل الامارات واكبر دليل اني طلعت مع الاهل مسيرة يوم فزتوا بكاس الخليج لاني كنت عندكم في دبي
فعلا الحريم غير غير غير غير ومليووووون غير عن السووووق
يوم كنت بدبي تعاملت مع ام خلافي ماشاء الله عليها طرشت لي كل خلطاتها وشرينا منها شي عجيب عطوووووورها ماشاء الله وفوق هذا اسلوبها اللي ينقط عسل
مشكووووووورة يالغاليه على الرد
بكتب لج كذا طريقة وان شاء الله تعيبج ( كلها منقوله ) انا ما جربت ولا طريقة …
طريقة الاخت "نواري "
دخون الوالدة
المقادير
5اكواب عود بودر
4أكواب مسك أبيض بودر
4 أكواب سكر
ملعقة صغيرة مسك أسود
10 تولات عنبر أسود
10 تولات عطر عربي أو فرنسي
6 تولات دهن ورد
5 تولات فيجي بحريني
غرشتين ماء ورد
الطريقة
يطحن العود والسكر والمسك ثم ينخل
يذوب العنبر الأسود في دهن الورد على نار هادئة جدا جدا إلى أن يصبح سائلا ( لاتخلونه يحترق )
يضاف اليه العطور المخلطة سواء خلطة عربية أو فرنسية بالاضافة الى الفيجي
تخلط جميع المواد مضافا اليها ماء الورد بالتدريج مع مرعاة عدم صبه مرة واحدة إلى أن يصبح عجينة متماسكة
تقطع على شكل أقراص أو بالشكل والحجم المطلوب ثم تجفف لمدة يومين وحسب الرغبة لمن تريد أن تكون الاقراص صلبة أو لينة
من الأفضل وضعه في زجاجات مغلقة حتى لاتتسرب الرائحة
(f) (f) (f)
الطريقة الثانية
تاخذين شوية عود خاص للدخون
وتحطينة في المنحاز ( الهاون ) مع قطعة عنبرة تقريبا كبر نصف الليمونة
وتبتدين بالدق علية حتى تذوب العنبرة وينعم العود
وبعد ذلك تسكبين علية فنجان ماء ورد وملعقتين مسك ابيض بودرة
وتواصلين الخلط والدق وبعد ذلك توضعينة في اناء
وتصبين علية شوية عطر مثل عرق العنبر وموتيا وفل
وفي هناك عطور خاصة للدخون والعود في المحلات المتخصصه
وبعدين بتكون عندك عجينة وابدئي بتكويرها اواعمليها علي شكل اقراص
وصفيها في صينية واتركيها يومين ثم ضعيها في زجاجة الدخون وصبي عليها شوية عطر
واحكمي اغلاقها وبعد اسبوع اتبخري فيها
(f) (f) (f)
الطريقة الثالثة
عود يباع عند محلات بيع العطور العربية يسمى هذا العود (السحال)
بعض العطور العربية مثل عرق العنبر
عرق الزعفران _ عرق الفـل _ شوية دهن ورد
قليل جدا من عرق المسك الاسود
تسكب المقادير السابقة على سحال العود ويقلب جيدا
وينثر علية القليل من المسك الابيض البودرة ويترك اسبوع حتى يخمر ثم يستعمل
اتمنى اكون افدتج
كيف حالكم ؟؟؟؟
يا بنات انا كمان ابي طرق الدخون
يا ليت اللي تعرف تكتبه هنا او اذا بغت على الخاص