بنات البحرين تعالوا نتشارك الافكار ونسوي مشروع صغير 2024.

السلام عليكم ورحمة الله وبركاته

بصراحة موضوعي هذا في بالي من زمان بس اليوم شدني موضوع احد الاخوات فلنكن يدا بيد بنات قطر فشجعني ان نفتح موضوع مماثل لبنات ديرتي بنات البحرين

مثل ما تعرفون الوحده منا كثير تحاتي المستقبل مع الغلاء اللي دابح العالم والرواتب اللي يالله تقدر تغطي المصاريف الاساسيه وننتظر اول الشهر على احر من جمر عشان نقبض الراتب

فأكيد كلكم مثلي تفكرون شلون تقدرون تساعدون في توفير راتب اضافي واكيد فكرتوا تفتحون مشروع حتى لو صغير يعود عليكم بالنفع

وطبعا دايما نفكر في مشروع ويوم نبغي نبدأ نحصل عقبات وصعوبات قدامنه ونوقف

من هالعقبات راس المال او شلون نسوق للمشروع او شلون نبدأ شلون نوظف هوايتنا وتصير مشروع كبير وشلون نشهر تجارتنا….الخ

وفي البعض عندها فلوس بس ما عندها فكره لمشروع حتى تبدأ

وفي بعضنا عند مشروع بس موب عارف شلون يطوره

صح وإلا انا غلطانه؟؟؟!!

فعشان جذي اشرايكم نتشارك في طرح افكارنا ومشاريعنا وهواياتنا وكل وحده عندها راي وفكره لا تتردد في طرحها وتخبرنه يمكن نقدر نساعد بعض

وعسى يكون هالموضوع فاتحة خير علينا ونصير كلنا تاجرات ونلاقي لأفكارنا ومشاريعنا مجال ومتسع حتى تلاقي النور والانطلاق

اتمنى اللاقي تشجيع وردود حلوه يا بنات البحرين لا تفشلوني …:o

السلام عليكم

بالتوفيق ان شاء الله

و البداية دايما تكون صعبة .. و لكن مع الاصرار ممكن الانسان يحقق الي يبيه

بالتوفيق لكم يا بنات البحرين

مشكوره مشرفتنا انا حلوه شرف لنا مرورج على الموضوع واتمنى تزودينا بخبرتج

غلا روحي التوفيق للجميع مشكوره على مرورج

حبيبتي همس الثلج موفقه ان شاء الله
اما عن اسماء العطور والبخور ممكن تدخلين على ركن العطور
بتحصلين البنات حاطين اسماء للعطورات المميزه واللي مرغوبه
وحاولي اختي تجيبين دايما العطور الجديده والمشهوره والمعروفه

وين تفاعلكم يا بنات البحرين ؟؟؟؟؟!!!!!

مشكوره اختي قصايد على مشاركتج بالموضوع

وفعلا التسويق يعتبر نوعا ما مشكله وهذا الي انا اواجه حاليا انا عندي مستحضرات تجميل من مكياج وكريمات للجسم والشعر واكسسوارات وابيعها على معارفي واهلي ..

وهم اسوي بطاقات عمل للمحلات وسويت لكذى وحده بس طبعا بدون مقابل لانهم من الاهل وانا اللي اقترحت عليهم يسون وفعلا انشهروا من ورى البطاقه بس انا اللي ما انشهرت ههههههه

صج ماني عارفه شلون اوسع تجارتي بشكل صحيح ومثل ما تعرفين لو بنفتح محل يبيلنا مبلغ موب سهل..

تصدقين اختي قصايد ودي يصير لنا رابط احنا اللي عندنا تجاره نمارسها من البيت ونسويلنا معارض في المدارس والا مراكز او حتى صالات مثل اللي يسونه اخواتنا الخليجيات

ما تحسين انا احنا نفتقد هذا الشي في البحرين ما في تشجيع على التجاره من هذا النوع؟؟

اختي حلو موضوعج
انا من قبل فكرت ان اشتري بضاعه وابيع بس المشكله البحرين من يشتري واذا اشتروا قالوا لي اخر الشهر راح نعطيج ،، شنو الفايده الحين

شي ثاني انا يعجبني البنات اللي يسون سفرة عجم وأأجرونها ترى هذي الفكرة جدا رائعه خصوصا في مواسم الاعراس وماشاء الله البحرين كل يوم اعراس وحفلات وجلوة

بنت النور
وعجبني شغلج بالنسبه للبطايق ليش ماتواصلين لان وااايد ناس تبي بطايق حلوة وفي نفس الوقت اسعار حلوة
يعني تسوين كذا نموج وتعرضينهم في ركن العروس عندنا وراح يكون اقبال عليج