بنات البحرين سؤال عاجل عن مشروع التوظيف 2024.

.

اقتباس

المشاركة الأساسية كتبها بحور اشواق

	يا بنات ابي اسالكم اذا في حد عنده فكره انا مقدمه في مشروع التوظيف وراجعتهم مره وحده و ما حصلت لي وظيفه بس فيه شئ ان هم يصرفون لي مبلغ 120 دينار كل شهر وانا ما اراجعهم ابي اعرف كم شهر بيصرفون لي هالمبلغ ( وانا ما أراجعهم ) ؟

هلا بيج اختي

عشان ما ينغلق ملفش وتحصلين على 120 لازم تراجعينهم تقريبا اسبوعيا

وطبعا بيكون التأمين ضد التعطل لمدة 6 شهور فقط وانتين وحظش البعض ما تصير ليهم استمرارية في الحصول على المبلغ

وبعد هم يعرضون لش وظايف ولازم ما ترفضين واجد على الاقل روحي مقابلات 😉

خيو راجيهم أحسن عشان تستفيدين من الفلوس
في ناس يقطعونها عليهم اذا ما راجعوا خصوصا اللي ماعندهم بكالوريس

اذا عندش شهادة بكالوريس راجعيهم في الشهر مرة واذا ثانوية كل أسبوع مرة
أني سألت الموظفة قلت اليها مثلا اذا شهر ماراجعتهم ويش ايصير قالت عادي لأن عندش بكالوريس فيمكن ايصيد ظرف أوشي بس أحسن راجعينا

تدرين أذا اروح اراجعها من أول ما أقعد على الكرسي أقول اليها ((لايوجد وظائف شاغرة))تضحك وتقول الله كريم

علينا نسعى والرزق على الله…..
موفقين جميعا

أشلونج أختي أنا مقدمه عندهم ودوني معهد بيسان للبيع بالتجزئه
ولاا يبون يحكموني علشان اشتغل او ارد الفلوس الي عطوني ايها
بس الله وثم الله … لازم تشتغلين معهم لاا يودونج محكمه عاد
تعالي شوفي هالشغل مالهم ……
1 .كسار الظهر
2.اذا انت حامل بصير لج نزيف مثلي المره الثاني يعني صادني مرتين.
3. وكل ما تتاخرين ولاا اترجعينهم حدج 20% بعدها سجـــــــــــــــن والله.
4. الموطن البحريني متعب في حياته من كل ناحيه حتى في الحب .. يعني
بيجبرج كفيلج الهو ريالج على انج انومين …….الله يكون في العون .
—— قبل يعني الـــــ 100 % بصيـر موت من كثر الهم والقلق والديون
والله الشاهد على ما اقول .. صادني دوره في راسي من كثر التفكير
وانا توني 20 سنه .. الله يحفظني من كل شر ويحفظ المؤمنين والمؤمانات
واذا تبين شي على الخاص ما عندي مانع.

وعلى فكر انا ما مشوه لي 120 الي تتكلمين عنها يعني يمكن انتي بعد
والله العالــــــــــــــم

اذا كان حظج موو أوكي بالكثير شهرين لا غير واذا بعد حطوا الباااااال شهر لا غير
لكن في ناس سبحان الله ماتراجعهم الا مره وحده لكن 4 شهور يمشون ليهم

فمن جذي أنتي وحظج معاهم والأفضل تراجعينهم عشان تستفيدين منهم مووو تصيرين مثلي باااااارده ولا أروح ارجعهم وفي النهايه قطعوه عني

اختي راجعتهم مره وحده بس لكن ما شاء الله مشوا لها مال 3 شهور.

ووحده اعرفها راجعتهم مره وحده بس وعطوها مال شهر وقطعوه عنها..

يعني انتي وحظج..