ابي اخذ فراشي متعوده على اشيه موماركه
والحين حابه اغير ابي شي ماركه
وماعرف اسعارهم ياريت تساعدوني
يعني كل ماركه وجم سعرها
ساعدوني الله يجزيكم خير 
أول شي عندج فراشي ماك، وهذول اسعارهم متفاوته بس أغلى من الباقي،واعتقد كل ما كبرت الفرشاه زاد السعر
فيعني عادي تلاقين الفرشاه ب20 دينار
وعندج بعد سيفورا، عندهم فراشي يديده اللي لونهم سلفر، هاذلين في نفس جودة ماك والاسعار أقل بشوي
انغلوت عندهم فراشي واسعارهم حلوه ومقبولة
مكياجي بعد عندهم فراشي والبدي شوب، وهاذلين ارخص الفرش
وبعد مب كل فرشاه شرط تكون ماركة، لان في فراشي مايسوون ومب مهمين اصلا
بس أهم أهم شي بالنسبة لي فرشاة الشدو، وهاذي في منها وايد أنواع
والفرشاة المشطوفة على قولتهم، وهاذي اللي تصير مايله
وهاذي صورتها
وهي حلوه حق رسم الكحل والشدو والحواجب، وانا عندي اياها من ماركة عااديه ماخذتها من المعرض 3 بدينار خخخخخخ واستعملها حق الحواجب
وفرشاة الكحل اذا انتي تستعملين كحل كريمي أو جل
عندي من ماركة بن ناي وايد حلوه، ويفضل ان تكون ضعيفه
واذا انتي مب محترفة رسم كحل، في فرشاه من ماركة بنفت، تلاقينها في فيسز وهي صايره عوية
وتلاقينها بعد في سيفورا اظن
وومكن بعد فرشاة البلاشر والبودرة
أما الباقي انا ما اشوفهم مهمين مثل اللي حق الفاونديشن (عندي اليد وايد احسن)
او اللي حق الشفايف، او المروحه اللي تشيل الفايض من تحت العين
واختاري الفرشاه اللي تكون من شعر طبيعي أفضل من الصناعي
وماتكون ناااااعمة وايد ولا خشنه يعني نص ونص
وفي بعد محل يبيع فرش رخيصه وشكلها زينة في ذي سنتر، صاير عند كوستا كوفي
شفت عنده المروحه اتذكر ب4 دينار وفيها شعر وايد وبعد عندهم فرش على 8 دينار أعتقد
وعندج بعد فرش بن ناي يبيعونهم في صالون خوله بس مادري على جم، وهي عاد كله اسعارها دبل الدبل
اممم وبعد جيكي نزيه، اعتقد عنده فرش للصالونات
يعني انتي نوعي من كل بستان زهرة وبتصير عندج مجموعة حلوة
كفيتي ووفيتي
وننطر راي البقيه
أنا شخصياً كنت متعودة على فراشي مب ماركة ورخاااااص
بس بعدين قمت أشتري لي من ( ماك ) بصراحة فراشيهم روعة وصج تضمنين يتمون عندج فترة طويلة
عندج فراشي حق الآي شادو . . وحق الحواجب . . ورسمة الكحل أسعارهم هاللون 9 إلى 12 دينار
وفرشاة البلاشر << أحبها
في عندهم العصا طويلة أو العصا قصيرة
أنا أفضل القصيرة كإستخدام شخصي هاللون 13 دينار يمكن
وفرشاة الروج
وفرشاة إلي تمسح بقايا الآيشادو وايد حلوة! ما أذكر هم هاللون بـ 11 دينار
وضروري تاخذين منظف الفرش بـ 5 دينار
يحافظ على الفرش وعلى نظافتها
لأن حلوة تنظفينهم كل أسبوعين في حالة كنتي تستخدمينهم بشكل يومي
وإذا هاللون أستخدامج بسيط نظفيهم كل شهر
وفي ( ماك ) إذا أنتي حابه أنواع معينة أخذي لج مفرد يعني كل قطعة بروحها
أما إذا حابه كل شي يعني طقم
عندهم أطقم فرش بأسعار متفاوتة ( 30 – 60 – 70 دينار )
/
وبعد أحب أخذ من ( لايف ستايل ) فرش
ناعمة ورخيصة
وهم وايد زينة
/
عندج محل ( إنقلوت في السيف & البحرين ) وايد حلوة فرشهم وأسعارهم حلوة
أممممممممم .؟!
وبس وإنتي وذوقج بالفرش
تسلمين لي يالغاليه
عساني مانحرم منكم
ممكن تستغنين عن منظف الفرش وتستعملين شامبو جونسون للأطفال "لا دموع بعد اليوم"
وبعد تحطين فيهم بلسم عقب الشامبو
وتعدلين الشعر
وتتركينهم ينشفون بروحهم، عشان يحافظون على شكلهم ومايختربون
زمثل ما قالت الاخت انا الشوق كل ما كربت الفرشاة كل ما غلى سعرها
وفرش انجلوت وايد حلوين وسعرهم زين
وبعد فرش بوبي براون زينين لكن غلي
وووو فرش فور ايفر النايلون حلوين حق الشدوا المائي
وبعد اللي قالت عندهم انا الشوق مال سيفورا السلفر وايد حلوين كان خاطري في اللي مثل مالت ماك اللي يجي شعرها نصة ابيض ونصة اسود
بس ما شريتها لان صارت عندي ها الفرشاة من كولكشنات الفرش اللي ينزلون في ماك
احسن الفرش ماك والاسعار من 10 لي فوق
في فراشي الاحسن تاخذينها من ماك مثل دمج الشدوات وفرشاه الكحل وفي عادي تاخذينهم من اي مكان
ممكن تستغنين عن منظف الفرش وتستعملين شامبو جونسون للأطفال "لا دموع بعد اليوم"
وبعد تحطين فيهم بلسم عقب الشامبو
وتعدلين الشعر
وتتركينهم ينشفون بروحهم، عشان يحافظون على شكلهم ومايختربون
الغاليه انا الشوق ممكن تخبرينه طريقة التنظيف للفرش وكيفية تنشيفهم وكم المده بين كل تنظيف وثاني ؟