بس اللي استخدمت العدسات الملونة تكلمني عن تجربتها معاها .. وهل ارتاحت لها او لا؟ وهل فعلا فيها مشاكل مثل ما قال لي البعض ؟؟
وسلامتكم
انا البس العدسات من ايام الحرب العالميه الاولى….:dd::dd:
والحمدلله مرتاحه…
وطبعا عدساتى نظر ولون….
وللحفاظ على عين سليمه وصحيه..يجب المحافظه على نظافة اليدين…
وضع العدسات قبل وضع المكياج…
وازالة العدسات قبل ازالة المكياج…
تجنب السبراى الخاص بالشعر وانتى لابسه العدسات…
تجنب المكياج البودر والمفضل استخدام منتجات تجميليه كريميه لان البودرة تتطاير على العدسه مما يؤدى الى اتساخها وتجمع البروتينات عليها…
وضع العطور بعد لبس العدسات..
التاكد من غسل اليدين جيدا من اى اثر للصابون…
عدم النوم بالعدسات…لتاثيرها المستقبلى على الشبكيه والقرنيه…وتؤدى الى التهابات فطريه وتؤدى مستقبلا الى مرض الكتاركت او امراض تفقدنا نظرنا….ويجب تجنب الالتهابات الفطريه…
يجب ان لا يزيد وضع العدسات على العين اكثر من 8 ساعات فى اليوم واذا زادت الفترة ممكن ازالتها واراحه العين لنصف ساعه وغسل العدسات ووضعها ثانية..
الاحتفاظ بقطرة العين المرطبه للعدسات فى حالة اى ترسبات او اتربه ملتصقه فى العدسات ونحن خارج المنزل..
تغيير المحلول المحفوظ فى علبة العدسات مع كل مرة يتم لبس العدسات فيها…
المحافظه على اغلاق المحلول من الاتربه ..والجراثيم فى الهواء..
غسل حافظة العدسات مرة واحدة اسبوعيه فى ماء ساخن جدا..ومن ثم وضعها على جنب لتجف طبيعيا…
فى النهايه العدسات آمنه اذا تم العنايه بها وبالعيون بطريقه صحيه وبنظافه…
وفى النهايه …استمتعى بالعدسات وبالتغيير ولكن مع تذكر النصايح عزيزتى….للمحافظه على عيون جميلة ولتجنب المضاعفات
والعدسات حلوة وعمليه لكن المحافظه ثم المحافظه ثم المحافظه…
وتحيااااااااااااااااااااااااااااااااااااااااااااتى أختج,
بنت عذارى
انا استخدم العدسات الملونة للمناسبات بس
اختاري النوع الطبي أريحج اذا بتستعملينهم
طول اليوم والاخت بنت عذارى ما قصرت عطتج
النصائح الضرورية اتبعيها لانها مهمة واااااايد ..
.. حطي العدسات قبل المكياج وشيليهم
قبل لا تمسحين المكياج ..
انا أستخدم عدسات من Fresh Look تقريبا
نفس اللون اللي في الصورة الرمزية وااايد حلوة ومريحة
ولا كأنج لابسة عدسات ..
واذا عيونج حساسه او لا سمح الله فيها مشاكل
انصحج تاخذين راي الطبيب
لان البعض ما يتحملون العدسات على طول تدمع
عيونهم ويصيرلها احمرار وحكه ..
بالتوفيق عنوني
جونسون وقبلها كانت ماركه فرش لوك بس جونسون الطف ع العين وخفيفه اكثر لدرجه انج ماتحسين فيها وانتي لابستها
ولازم طبعا
اتحافظين على نظافه يدج قبل وضع العدسات وبعد الانتهاء منها والمحافظه على نظافه العلبه وعدم وضع العدسات بعد الميك اب
والمفروض يكون قبلها وفي حاله الشعور بوخز او التهاب هناك قطرات رفرش للعدسات توضع ع العدسه في حاله تهيج العين بس
حاولي قدر ماتقدرين انج تلبسين العدسات بس وقت الطلعه من البيت وتحملي اتنامين فيها علشان العين تتقدر تتنفس وقت النوم
يا بنات انتبهوا انتبهوا انبتهوا تحطون العدسات وتستشورون شعركم بنفس الوقت
هذا أكبر غلط
لأنه بعيد الشر عنا وعنكم هذا بيأدي إلى العمى الله يحفظنها يعني وااايد خطير
عقب ما تخلطين من تسريح واالاستشوار حطي العدسات
وانا عن نفسي من زماااااااااان احط العدسات ومتعودة عليها والحمدلله ايدي خفيفة وانا البسها وطبعا لازم ايدي تكون معقمة وإذا حسيتي إنها دخلت في عينج وتقرصج وتحسين بحرقان ردي طلعيها واغسلي ايدج مرة ثانية ورديها للمحلول عشان ترد تتعقهم يعني بيكون علق فيها شي من الأتربة او الاوساخ فاتحملي هذا ممكن يسببلج التهاب واحمرار وضعف نظر
بس حلاته يوم تحطينها وانتي مرتاحة ويا سلالالالالالالالالالالام على العيون الي فيها عدسات تخليها جذابة :shy:
وعلى فكرة ترى في محلول بس بصراحة ما اعرف اسمه يبعونه مع العدسات ،، هذا وانتي لابسة العدسات ممكن تقطرين منه على عيونج عشان تنظفينها وتعقمين عينج وعدساتج في وقت واحد واذا كنتي بعد تبين اطولين فيها اكثر عن ساعتين تقدرين تستخدمين هالمحلول يفكج من إنج تشلينها من عينج وتردينها مرة ثانية
والبنات ماشالله ما قصروا ،،
والله هالله بعيونج
تحياتي
تجربتي مع العدسات الله لايعودهااااا من تجربه سببتلي ألتهابات بالعين وجفاف دائم وعلى الله
ثم على القطرات اللي تعمل عمل الدمع 😥
بس على فكره انا كنت وااااااااااااااااااااااااااااااااااااااااااااااااا ااااااااايد مهمله بالعنايه فيها
ومثل ما قالو البنات أهم شي نظافه الايدين قبل وبعد تركيبهم
وديري بالج من الحراره والغبار
ولكم تحيه(f)
شوفي بقولج عن نفسي.. انا استخدم العدسات من زمان من ست سنين تقريبا و الحمدلله ما واجهتني مشاكل معاهم
نوع العدسات اللي استخدمها ( فرش لوك ) استخدمت كذا لون.. طبعا العدسات في نوعين :
1- الدائمه 2- المؤقته
الدائمه طول عندج يعني تقعد بالسنوات… اما المؤقته بس اشهر
طبعا كلهم يحتاجون عناية و نظافه على طول..تنظفين علبة العدسات وتتأكدين من تاريخ انتهاء المحلول
والله انا عن نفسي استخدم المؤقته بس لاني محافظه عليها طولت عندي
ومثل ما قالوا الخوات اهم شي ان ايدينج تكون نظيفه لما تلبسينهم ومعقمه بالمحلول نفسه
واذا كنت شاريه العدسات الدائمه ومع الاستعمال حسيتي انها وصخه او ما قاعد تناسبج وديها حق محل النظارات وقوليلهم ابيك تسويلي تنظيف للعدسات..عندهم بالمحل جهاز يعقم و ينظف العدسات
ان شاء الله اني اكون افدتج 
تحياتي
سيافه
انا وحده مدمنه عدسات طبيه وملونه
وصارلي تقريبا 7 او 8 سنين البسهم يعني من كان عمري 14 سنه
قبل كنت البس ملونه بس ويمكن اهي اللي خففت نظري بس ما خف حيل نصبه نص% بس والحمدلله مرتاحه عليها وايد
حتى ايام المعهد كنت البسها يوميا تقريبا 7ساعات متواصله اذا مو اكثر بس كنت اريح عيوني خميس وجمعه
بس بغيت اقولج ابتعدي عن النار مثل الجوله
والبنات ما قصرو بالنصايح المهمه
تحياتي
فنوووره