بنات خبيرات العطور نصيحتكم قبل العيد 2024.

السلام عليكم ورحمة الله وبركاتة

كيف حالكم بنات عساه عيد سعيد عليكم قبل الزحمة

حبيباتي انا بغيت اسئلكم للي خبيرة في روايح العطور تقول لي ايش احلى عطر نسائي واحلى

عطر رجالي مروا عليها واسعارهم اذا تعرفونها خير وبركة واذا ما تعرفونها كله واحد

اهلي متعودين يتهادون في العيد وانا قبل اقول صغيرة واطنش بس الحين افكر ابادلهم الهدايا

وابي خبرتكم ضروري تراني ما لي خبرة ومحتاجة خبرتكم ..

وجزاها الله خير كل وحدة راح تعطيني من وقتها وترد علي ..

وعليكم السلام ورحمة الله وبركاته ,,

إمممممممم تبين هدية يعني ,, مو إستخدام شخصي ,

أهااااا ,,

شوفي يالحبيبة ,,

أنا آخر العطورات اللي شريتهم ,,

إهي مس ديور من ديور ,, الكبيرة بـ 31 دينار ,, يعني أكثر من 360 ريال عندكم ,,

وعطر ميكاليف روز بـ 29 دينار بس عندكم أغلى ! ,

أتوقع غالين كـ هدايا ! خصوصاً إنت ما تبين هدية وحدة تبين كذا هدية ,

طيب نحاول نبحث عن عطور أرخص وبنفس الوقت تكون حلوة ,,

إنت حاولي تشترين عطرواتج من نفس المحل ,, ليش ؟!!

علشان يعطيج خصم حلو على كافة مشترواتج ,,

ألحين العطروات الجديدة ,,

عطر فيكتوريا سيكرت ( so in love ) ,,

وعطر DKNY ,,

وعطر ألين ,, الصغير بـ 14 دينار ,, حلو كـ هدية وأحلى للجنطة لأنه صغير ,,

إممممممم شنو بعد ,,

عندج عطورات قديمة بس حلوة كهدية ,,

ستيلا ,,

سينما ,

جوتشي إنفي مي ,

برادا ,

نارسيسكو رودريغوز ,

أتمنى إني أفدتج ,,

جزاك الله خير يا حبيبتي يا مجد تعبتك معي ما قصرتي
انا مدحولي دكني وستيلا واغلب اللي قلتيهم تحت حق هدايا مادحينهم لي
ومعك حق انا ناوية اعمل اللي قلتيه اني آخذ لي معهم عشان يعمل لي تخفيض

ربي يسعدك حبيبتي ما قصرتي ..

مو كثير حبيبتي هدايا خالي يجيب لي عطر وافكر ارد له وواحد نسائي وبس
وانا افكر آخذ لي عطر معاهم او اثنين حسب الميزانية

اقتباس

	ربي يسعدك حبيبتي ما قصرتي ..

آآآآآمين يا رب ,, ما تدرين شكثر فرحتني هالدعوة ,, فعلاً أنا محتاجتها ,,

عموماً حبيبتي تذكرت شي ,,

عطر حجر من عند سيد عالم الجنيد ,, وهذا العطر رجالي ,, وهو على دهن عود ,,

ما أدري إذا تحبين تهدينه خالج ,, أو عطر لينستانت الرجالي من جيرلان ,, هذا العطر حلو أخوي ما يستغنى عنه ,,

وإذا تبين عطور رجالية جديدة ,, فيه ديور منزل من فترة بسيطة عطر رجالي جديد ,,

أتمنى إني أفدتج مرة ثانية ,, ولا تنسيني من دعواتج ,,

اكيد افدتيني يا حبيبتي ما قصرتي عسى ربي يسعدك دوم وينولك كل خير ويبعد عنك كل شر انتي وجميع المسلمين
اما باقي البنات اللي دخلوا الله يسامحهم اللي ولا وحدة فيهم كلفت خاطرها تكتب لو اسم عطر واحد تشوفه حلو عشان تفيدني واعرف اختار

امممممم شوفي تبين عطر نسائي روووعه ومميز عندك عطر مسكينو اللي فيه شريطه حمرا

بجد يجنن

واما الرجالي

فيه جفنشي الزرقا ودنهيل وألور

النسائي عطر ( رالف الجديد (شكله مربع والغطاء لونه اسود ولون العطر زهري) _ مس ديور _ألور الجديد لونه جاي على موف _ سبورت الجديد _ عطر شكله دائري ولون اسود والغطاء مسطح دائري ابيض بداية الاسم jd )
وعندك عطر الشيخ موجود في باريس غاليري وجوه وقزاز حلو مرررررررررررره الرجالي 550 والنسائي 780 تقريبا

عطر شانس من شانيل حلو …

احلى ماركة لرجال ماركة القرشي واحلى ماركة لنساء اجمل مو غالية وايد يعني

عطرين رجالي ونسائى ب21 دينار