بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
يا بنات بلادي
كيف حالكم عساكم بخير
الله يخليكم يا حلوين اللي مجربة فيكم مركز ألماسة أكتف تتفضل وتقول رأيها فيه
الصراحة ودي أسجل عندهم وبنفس الوقت بشوف رأيكم
قاعدة أنتظركم .. لا تتأخرون
وودي اروح
بس المشكله موقعه غلط "الفرع اللي عند رامز"
دايما افكر وين بصف سيارتي في هالزحمة اللي صوبهم
اذا حد من البنات مجربه يا ريت تفيدنا 
انا اتصلت لهم ولا حد رد عليّ
انا صار لي سنه بخاطري اشترك
بنااات انا ابي اشد جسمي بسسسسسسس
عشان جي ابي اروح لهم يمكن القى عندهم الحل
يالله اللي رايحه خل تقول لنا كل شي بالتفصيل الممل
هلا
وطن
بالفعل المكان غلط بسبب الزحمة على رامز ومندرين وباقي المحلات الموجودة
هم دوامهم من 9 صباحاً – 9 مساءً متصل
ممكن إذا رحت من بدري الصبح أو الظهر ما تكون الزحمة نفس الليل
شكراً لمرورك وننتظر الحلوة اللي مجربته تفيدنا
هلا
سحابة حب
والله يالغالية من سنة وأنا أشوف إعلاناتهم بالجريدة
وخاطري أسجل وكلمتهم وردوا علي ومكانهم كان للحين بالستي تاون
ع العموم امشي كل يوم نصف ساعة جسمك رح ينشد لحد ما نشوف باقي البنات ويجي حد يسعفنا
وانا معاهم الين ما نقلوا مكانهم اليديد
يعني راحه بمعنى الكلمه ونتيجه اكيده وانا ضعفت واايد لمه كنت اروح بس اللحين المشكله غيروا مكانهم قبل كان احسن قريب عندنا
وانا انصحكم فيه وبقوه لأنه فعلا حتى المدربااات شاطرااات ويعطونج التمارين اللي يحتاجها جسمج وغير اليوقا اللي تريح اعصابج
ومكانصراحه ما لقيت احسن منه
وانشاء الله استفدتوا من تجربتي
واي سوءال انا حاضره
هلا
النوري
حياك الله مشرفتنا العزيزة معانا
يعني تقريباً وزنك كم نزل في الشهر عندهم وكم مدة الاشتراك اللي سجلتيها
وهل كنت مسوية كنترول للأكل ساعدك
وايش حسيت أكثر شي فاد وياك أجهزة المشي أم الأجهزة الرياضية الأخرى أم الفات بيرننغ " الدروس الجماعية "
وشلون مساجهم جربتيه سمعت عندهم مساج فري
وألف شكر ع النصيحة الروعة وإن شاء الله نتم محافظين على أنفسنا
رحت أنا وأختي ناخذ فكرة ع المكان وايد حلو واستانسنا
المهم شفت وحدة تلعب وقعدت أكلمها تقولي أنا سجلت من شهر ونزلت 12 كيلو " ما شاء الله "
وقالت لي كنسلت من حياتها شي اسمه
رز + خبز + بطاطا مقلية + بطاطا مسلوقة + شوكليت + حلويات
ومستانسة على عمرها
والصراحة أنا استانست لها بعد وإن شاء الله أنزل من وزني مثلها
بصراحه انا مجربته… اختي جربته وصديقتي شافتها وسجلت عندهم وماشاء الله خلال شهر انزلت 7 كيلوو….
بس بصراحه شي مذهل خلال شهر تغيروا وايد ..وانا بعد افكر اشترك فيه….
وبالتوفيق ان شاء الله لج وللباقي…..
وهل في مدربة تكون معاج طول فترة التمرين ولا لا؟