حبيت اسأل عن طريقه حشي الفراخ بالارز
وكمان عاوزه اعرف اذا ممكن يتم حفظها بالفريز بعد السلق وبعدين تدخل الفرن عند الاكل ولا ماينفعش
يلا مستنيه ردودكم
عزيزتي الصراحة انا طريقتي تختلف انا ما احشي الدجاج بلارز اسويها غير طريقة وعلمود حفظ الدجاج بلفليزر ما اعتقد يصير لان ما سامعة احد سلق الدجاج وخلاة بلفليزر ما اعرف حبيبتي ان شاء الله الخوات يردن عليج
ولو عايزة تاخدى طريقة الارز ممكن اديهالك
وبعدين تسلقى الفرخة عادى جدا
وممكن تحطيها فى الفريزر وتحمريها فى الفرن بعد ما تطليعها وتهدى من التلج
شكرا العسوله علي الرد
يعني مفيش مشكله اني لما اسلق فراخ ينفع احطها في الفريز سواء كانت محشيه بالارز او محشيه خضار او حتي بس مسلوقه
لو سمحتي ممكن طريقة الارز اللي يتعمل للحشو
الفراخ المحشيه بالارز
اول حاجه تجيبى الرز وتسويه نصف سوا
الاول تجيبى الرز وتتبليه ببصله وملح وفلفل اسود كانه رز الحمام امكيد بتعرفيه
بعدها تحطيه على النار وتقلبيه فى شويه زيت بسيط جدا وبعدها تسقيه نص كميه المايه اللى متعوده تسقيه بيها كدا هايكون نص سواء ( نص سوا معناها نص كميه المايه)
وتسيبيه على النار عاليه شويه لحد ما المايه تغلى شويه ابدى هدى النار خالص لحد ماتجف المايه ويحسيه فاضل على سواء شويه بسيط
ممكن على فكره تقطعى كبد واوانص الدجاج قطع صغيره وتشوحيها فى الزيت قبل اضافة الرز
تجيبى الدجاج وتغسليه طبعا كويس وتتبليها بشويه بصل مقطع وملح وفلفل
لحد ما الرز يستوى هاتى الرز واحشى الدجاجه كويس جدا وخصوصا تحت جلد الصدر بيكون حلو اوى
احشيها كويس وممكن تقفليها بخيط تربطى ارجل الدجاجه بيها بس انا مش بعملها كدا
انا بكتفى انى ادهن الدجاجه برشة زيت بسيطه اوى اوى والفها بورق فويل
واحطيها بصينيه
الصينيه احط فى قاعها شويه زيت وممكن شرايح بطاطس رقيقه مش كتير على فكره كام سريحه كدا بتاخد ريحه حلوه من الفراخ
ودخليها الفرن تقريبا انا مش متذكره وقت اد ايه ممكن ساعه او كدا مش فاكره صراحه كانت بتاخد وقت ايه
بس انتى ابقى اكشفى الفويل وتابعيها طيب
بعد مامتستوى اكشفى الفويل وحطيها تحت الشوايه تاخد لون ذهبى
وقدميها
بيكون حلو لو عملتى معاها خبز بالثوم او تقدمى البطاطس اللى بالقاع معاها
خبز الثوم طريقته لو حبيتى تجربيه
عيش كيزر او فرنساوى وتقطعيه شرايح بالورب او بالعرض او اى شئ
افرشى الخبز فى صينيه
هاتى زبده يفضل زبده فلاحى
السمن الصناعى اللى مثل روابى بتكون مش حلوه ابدا ابدا وتقيله جدا مش بفضل استخدامها
السمن الصفرا اللى هى قوالب يعنى تقريبا كويسه ممكن تستخدميها
بس الافضل الزبده الفلاحى بتكون اخف
الزيت نتيجته مش حلوه فى الخبز الثومى مش بينفع فيها
تجيبى الزبده وتجيبى فصين ثوم وتقطعيهم شرايح صغيره اول ما الزبده تسيح بس حطي الثوم على طووووول وبس قلبى تقليبتين بساط اول ما تشمى ريحه الثوم طلعت شيلى الطاسه لاتخلى الثوم يصفر ولا يغير لونه فخدى بالك طيب
المهم بملعقه صغيره تاخدى الزيده الىل بريحه الثوم دى تحطى على العيش اللى قطعتيه ماتغرقيهوش زبده بس نص ملعقه بسيطه كدا
بعدها تجيبى اما جبنه موزاريلاا او جبن رومى مبشور وترشى على وش العيش
وتدخليه تحت الشوايه
بس لما الجبن يسيح او على حسب ماتحبى انا مشبحبه محمص بحبه يكون لسه طرى فمش بطول بشيله مش تحت الشوايه بعد كام دقيقه
بس وتقدميه مع الفراخ
ان شاء الله تعجبك واى استفسار ياغاليه اسالى براااحتك
واسفه علي التاخير