مرحبا يابنات
اناأقصد محل باريس للأظافر المحل الجديداللي في اللاند مارك .. عندهم اشياء حلوه … اول شي الاثاث اللي حاطينه وااااو عليه:cool2: هههههههه خلت كل شي انتبهت للديكور .. المهم مو هاي موضوعنا الموضوع وما فيه انهم يسون بديكير ومانيكير للأظافر بأحدث طرق عالطريقه الفرنسيه وشغلهم نظيف وايد غير انهم يحطون لج ماسكات على الكف والرجل فايدها التنظيف العميق .. لا وبعد يبيعون تنانير وبناطلين جنزات وفيها شك ودزينات حلوه طبعا فرنسيه .. بس انا كاتبه هالموضوع مو علشان اسوي لهم دعايه لاء.. علشان عندهم تنظيف للبشره (الوجه) وانا ابغي اسوي عندهم تنظيف وبغيت اعرف شرايكم اللي جربت عندهم التنظيف ياليت تقولي أتوكل على الله اسوي ولا اروح ميرش كالعاده:shy:
اختي الكريمه انا توني اسمع منج عن المحل
اعرف المحل الي بغرناطه روعه وتخصص بديكير ومنكير
فقط وبالنسبه لهذا قولي لي وين بالضبط احب اجرب
كل جديد وين بالستيواي طابق
تحياتي لج وانتظر اجابتج واجابات البنات بالنسبه لتنظيف
البشره
تحياتي لج
انا ماجربت
انتي جربي وقولي لنا
انا اتعامل مع ميرش وتنظيفهم روعه 🙂
اانا اسوي تنظيف في عيادات اما منيكير وبديكير هاي الي مستحيل اسويه
بس خفت اروح لهم الي فيه خبيرات بشره؟؟
وكيف التنظيف واسعاره اتمنى تفيديني
تحياتي لكم
الغويريه
انا اقصد المحل الجديد اللي في اللاند مارك داخل سيرك الاطفال جنب اللألعاب هو اظن صالون مختص لتنظيف البشره والمانيكير والباديكير
سألتها عن اسعار الباديكير والمانيكير قالت لي ب80 رق
وتنظيف البشره ابتدائاً من 180 انا اشوف اسعارهم مناسبه والمحل جديد ونظيف انتوا شرايكم؟؟؟
شعاع القلوب
هلا حبوبه .. السعر ب80رق
الله يعافيج اختي .. انا جربت ميرش وواثقه انه تنظيفهم حلو بس هذي الفرنسيه عندها آلات تنظيف جديده وطريقتهم رووعه احس انه عندها خبره اكثر تحسينه دلع ياليت تزورين المحل وتقولينلي رايج :cool2:
هلا اختي منوره الصفحه
قوليلي في أي عياده تسوين وعند اي دكتور .. وهل تحسين تنظيفهم اوكي ولا ماغير شي عادي 🙂