شلونكم يا بنات بلادي؟
حبيت اعرف منكم وين القى اغراض الحمام المغربي وتكون نوعيه ممتازه
(الصابون المغربي+الحنا الملون+الطمي+صابون الطاوس والليفه)
ووين القى جهاز السونا مع خيمته عشان اسوي الحمام المغربي بروحي
واخر شي .. حبيت اسوي تقشير كيميائي.. جربت من قبل عند الدكتور حسن عبدالله وكان اوكي بس قالوا لي في تقشير بالفواكه ونتايجه احسن للمناطق الغامقه والبشره التعبانه من حب الشباب
نصايحكم يابنات ومشكورين مقدما 
هلا غاليتي
بالنسبة للصابون المغربي تلاقينه في فت ول وفي نوعية تجي معاها الليفه
وصابون الطاووس كان موجود بالجمعيات لكن الحين ما أحصله الا في رامز
بالنسبة للحنا والطمي ممكن ينباع في الصالونات بس ماعرفهم
* خيمة الساونا تلاقينها في نزيه ( بشارع سلوى )
وممكن تلاقين عندهم أغراض الحمام المغربي أسألي مب خسرانه
* التقشير الكرستالي ما انصح فيه لان بعد فترة تتعب البشره من قلب
شكلي باشيك على رامز ونزيه عشان اغراض الحمام المغربي
وياليت الباقي يفيدوني وين القى الطين والحنا الملون (الاحمر والابيض والاخضر)
تحياتي لج