ابي رايكم بتساريح صالون سما اللي بالعزيزيه
بليز اللي تعرف شي عنه تقولي ابي احجز هناك بس خايفه رفيجتي تقول حلو بس مادري اخاف ذوق رفيجتي مايعجبني
انا ابي تسريحات الموضه الويفي وجيه
وامي شعرها خفيف ابيهم يسوون له تسريحه حلوه تغلظه
والميك اب بسويه في حلا عند امنه بس مشكله صالون حلا مايعرفون للشعر :thumbs_down:
فقلت بسوي تسريحتي عند سما ومكياج عند حلا شرايكم انتوا؟؟؟
بصراحه كل مكان اسعارهم اوفر
وفكرت في هي بس قالوا مكياجها رسماته قديمه
😐
لي اكثر من سنتين مارحت عروس ابي اطلع بالعرس هذا ستايل غير
بليز شوروا علي شسوي كل اللي يجون البيت غاليين 😡 وانا هالعرس جاني فجأة والميزانيه ماش :worn_out: والرس قريب من الاهل يعني لازم اطلع واااو 😮
عقبال اجهز لخطوبتي وعقبال كل العزابيات الله يرزقنا بالزوج الصالح 😮
ومشكورين
بس اذا تبين مكياج لبناني واسموكي عندج وحده اسمها حسينه شفت مكياجها تغبلت عليه
وبالنسبه للتساريح فانا جربت ام سالم تتميز بالحشوات والوصلات الي تستغدمهم يعني شغلها كلها بالوصلات اذا والدتج شعرها خفيف انصحها اتروحلهم
وبالنسبه لج شوفي شغلها او جيبيلها صوره من النت وخليها اتسويلج نفسه موفقه يالغلا
واذا حبيتي الرقم قوليل وانا بدزه لج
في 2024 كان عرس بنت عمتي ورحنا انا وخواتي سما كان مكياجنا حلو والتساريح وايد حلوه وثابته ,,
المهم في شهر 3 كان عرس بنت خالتي وكنت لين اللحظة الاخيره بروح لسما لكن رحت مع خواتي صالون ثاني المهم جات وحده بالعرس اعرفها صايرة تهبل قلت لها اي صالون رايحه قالت لي سما قلت في وقتها ياليت رحت سماا ,,
وبعد جايفة بنات يمدحونه …
لكن اي واحد فيهم مادري بالظبط اللي في مدينة خليفة ولا العزيزية
اختي لو تسالين في تجهيزات عرايس قطر البنات بيفيدونج هناك اكثر ..
والله يوفقج ويرزقج بالولد الحلال اللي يستر عليج ويسعدج ,,
ولي بالمثل ادعيلي ..
والحمدلله حجزت
والله ينول كل وحده ردت اللي في بالها