فى الحقيقة انا مأساتى بدات وزى طلبه كتير بعد الثانوية العامة لما اتصدمت بواقع التنسيق ولاقيت كل احلامى بتنهار قدامى ساعتهاحسيت بإحباط شديد خصوصا بعد المجهود اللى عملتة فى ثانوية عامة وللاسف من غير نتيجة بسبب ظروف حصللتلى ايام الامتحانات ،
المهم انى دخلت فى الأخر كلية الأداب قسم اعلام قولت لنفسي اى شهادة والسلام وعدت عليا سنه اولى وتانية وانا يادوب بنجح بالعافية يعنى كل سنه كنت بجيب مقبول ، وبعد سنه تانية بدات افوق واحس انى بهرج وان الدنيا منتهتش عند الثانوية العامة لاء اكيد فى فرص تانية وقررت ان فى السنتين اللى جايين اذاكر كويس واطلع بتقدير عالى وفعلا الحمد لله فى سنة تالته جبت جيد جدا والنهردة بس لسه عارفه نتيجة الليسانس وعرفت انى علشان اوصل لتقدير جيد فى المجموع التراكمى محتاجة درجتين بس لكن منين اجيبهم دلوقتى . ولاقيت نفسي ندمانه على كل الوقت اللى ضيعته فى اولى وتانية لكن يفيد بأية الندم .
نيجى دلوقتى لصلب المشكلة وهى انى وعدت بابا وماما انى هكمل دراسات عليا ومش عارفه اوصفلكوا دة بيسعدهم اد ايه ، والمشكلة الاكبر كمان هى خطيبى اللى اقنعته بعد معاناة انى اكمل دراسه وفى البيت عندة الكل عرف كده . حاسة انى شكلى هيبقى وحش قوى قدام الكل مش عارفه اقولهم ايه .
والاهم من كل اللى فات ان دة اصبح اهم حلم بالنسبة لى ونفسي احققة وخايفة يرجعلى الاحباط واليأس من تانى وساعتها حياتى بتتحول 180درجة وبعيش حياة كلها حزن واحساس بالضياع 🙁 .
ارجووووووووووكم ساعدونى الكل قاللى ان لازم تقديرك يكون على الاقل جيد علشان تقدرى تعملى تمهيدى .
وفى اللى ادانى امل وقال انه ممكن . فلو فى حد عندة اى معلومات تقدر تساعدنى ياريت ميبخلش عليا .
انا هستنى الرد رجاء الاهتمام .
مع العلم انا المفروض انى اعمل الدراسات العليا فى جامعة الزقتلان انا فى اداب طنطا وقسم الاعلام مش متاح ليه يعمل دراسات عليا هنا فى جامعة طنطا .
انا بذكر المعلومات دى علشان يمكن يكون فى حد فى المنتدى فى جامعة الزقازيق ويقدر بسألي .
انا عارفه انى طولت بس اعذرونى .
ثانيا مفيش اي حد يقدر يمنعك من انك تحضري وتكملي دراسه ولو علي التقدير لو تقديرك مقبول بتعملي حاجه اسمها دبلومه لمده سنه بالنسبه لكليتي انا في احدي كليات الطب وتقريبا هو نفس النظام حتي في اي كليه تانيه
المهم الدبلومه دي بتعادر تقدير جيد
وبعد لما تخديها تبدئي تحضري في الماجستير وربنا يسعدك ويوفقك ان شاء الله
ولا تنسينا من صالح دعائك
الله يبارك فيكى يا حبيبتى انا بجد مش عارفه اشكرك ازاى على اهتمامك ربنا يكرمك يارب ويوفقك وتحققى كل احلامك ان شاء الله.
انا فعلا كنت سمعت عن المعادلة دى بس هى اكيد سنه ولا سنتين ؟
مرة تانية بشكرك جدا.
الدبلومه دي بتختلف من كليه لكليه الكليات العملي بتبقي فيها سنه اما بالنسبه للنظري ان شاء الله اصبري عليا وانا هسالك قريب جدا ان شاء الله وربنا يكتبلك الخير ويوفقك في حياتك العلميه والعمليه
اما الدبلومه فهي عندنا لامرين اولا تغير التخصص يعني لو حبيت احضر في جيوفيزياء يبقي لازم اخذ دبلومه جيوفيزاء سته شهور والامر الثاني لو تقديري ليس بجيد اعمل دبلومه في تخصصي وبعدها لما انجح فيها ادخل تمهيدي الماجستير
بس لازم تعملي حسابك انها بتكون اصعب بكتير من سنوات الكليه ولازم ترتبي ظروفك عشان تقدري تنجحي فيها بتفوق انا كنت جبت جيد 70 في الميه وبالنسبه لقسمي لانه غلس انا كنت من العشره الاوائل لان انا كليتي علوم جامعه الاسكندريه اكيد سمعتم عن غلاستها لما جيت احضر ما جستير وبدات فيه معرفتش اوفق بينه وبين تجهيزاتي لجوازي لان قسمي يعتمد علي الرحلات والبحث العلمي وتحضير العينات وتجهيزها ودراستها بالميكرسكوب عينات الصخور والحفريات وفطبعا سفر طوال اليوم او سفر اسبوع كامل مع الدكاتره وصديقاتي وكل واحده فينا جره وراها اخوها ابوها كمحرم طبعا معرفتش وقلت احضر في قسم زي الكيما مش محتاج مرواح للصحره وجيات وريحات بس لما اخلص تجهيزات فرحي واظبط نفسي مع زوجي ابقي اكمل ان شاء الرحمن المهم عزيمتك واصرارك وترتيبك لوقتك واولاوياتك
تسلمى حبيبة قلبى على متابعتك وبجد انتى اديتينى امل من جديد .
ياريت حبيبتى متنسيش تسأليلى الدبلومة للكليات النظرية بتكون سنه ولا اتنين ، انا عارفه انى بتعبك معايا بس انا فرحى قريب ومشغولة جدا فى التجهيزات ومش لاقية وقت ابدا علشان اسافر الزقازيق او القاهرة وأسأل دة غير انا خايفة لو روحت يصدمونى .
ويارب الدبلومة تكون سنة واحدة لان دى كلها سنين بتضيع من العمر.
جزاكى الله كل خير على تعبك معايا.
انا متابعة مواضيعك وكلها جميلة ومفيدة.
اما بخصوص مرورك وردك فأنا بشكرك جدا ،
وعلى فكرة انتى فعلا معاكى حق ، الإصرار والإرادة القويةوالعزيمة والنظام هما اهم مقومات النجاح .ان شاء الله احاول اعمل بنصايحك بس ادعيلى تكون فى دبلومة اعادل بيها تقديرى واقدر احقق حلمى ، ويارب انتى كمان تحققى حلمك فى الماجستير وتكونى سعيدة فى زواجك وتقدرى تنظمى وقتك بين الاتنين.
على فكرة انا كمان كنت فى كلية علوم جامعة اسيوط بس حولت آداب علشان السفر.
ميرسى مرة تانية ولو عرفتى اى معلومات متبخليش عليا.
انا متابعة مواضيعك وكلها جميلة ومفيدة.
اما بخصوص مرورك وردك فأنا بشكرك جدا ،
وعلى فكرة انتى فعلا معاكى حق ، الإصرار والإرادة القويةوالعزيمة والنظام هما اهم مقومات النجاح .ان شاء الله احاول اعمل بنصايحك بس ادعيلى تكون فى دبلومة اعادل بيها تقديرى واقدر احقق حلمى ، ويارب انتى كمان تحققى حلمك فى الماجستير وتكونى سعيدة فى زواجك وتقدرى تنظمى وقتك بين الاتنين.
على فكرة انا كمان كنت فى كلية علوم جامعة اسيوط بس حولت آداب علشان السفر.
ميرسى مرة تانية ولو عرفتى اى معلومات متبخليش عليا.:salam: (f)