بنتي الصغيرة كملت سنتين ومب راضية .

السلام وعليكم ورحمة الله وبركاته

والله ماادري شواقولكم
بنتي الصغيرة كملت سنتين
وهي ما راضية تودر حليب الصدر
وخاصة في الليل في نهار اقص عليها في اي شيء اعطيها واحط على صدري ملح و
طبعا ماتبا في الليل شو اسوي وياها تقول اخ يعني موحلو بس تصيح صياح
حليب الصناعي ماتبى في الليل وفي نهار عادي والله كل شوي تنش من النوم وتصيح والله تعبت وياها والله ماادري شواسوي ماترقد الى تمص
الله يخليكم لا تبخلوا علي من افكاركم
ملاحظة.. ترى بنتي العودة ما شرب الحليب صدر ودرت وهي عمرها شهرين يعني ما عندي خبرة

هلا اختي الله يسااااااااااعدج

بالنسبة لبنتي قبل لاتكمل السنة خليتها تترك الحليب من الصدر

وطببببببببببببعا ماتشرب لا حليب صناعي ولا أي شي فيه حليب

وكانت فترة صعبة

حاولي معاها تعطينها عصيرر ماي خليها تتعشى لما تشبع

وحتى لو صاحت يوم يومين 3 وفي الاخير راح تتعود وتنسى

وسنتين يعني تقدر تنام بدون ماتشرب حليب اهم شي تشررب ماي قبل لا تنام

وأهم أهم أهم شي انه الام تستحمل الصيااااااااح والصراخ وأبدا لا تتنازلين وتعطينها حليب

وكلها ايام وتنسى وترتاحين انشالله

حبيبتي الله يساعدج
لان ما يجوز ترضعينها ازيد من سنتين
حطي لصقه
وكل قولي لها فيها صواب

اشكركم عالمرور الطيبة
الله يعيني

الله يعينج

بس انا رايي من راي ام علووي
اترسي بطنها
وحتى لو جات تبي الصدر لاتعطينها
كم يوم وهي بتمل من الحنة وبتتعود

اشكركن خواتي
بس بنتي في الليل وايد تصيح من كثر ما تصيح اعطيها كل شوي تنش
والله تعبانة ما ادري شو اسوي

اقتباس

المشاركة الأساسية كتبها وجيف قلب

	اختي ,, ليش ما تعطينها حليب .. هاي الحليب اللى يجي ف كراتين صغار . مثل ( المراعي ) بنكهاته المختلفة والمحببة للأطفال ( فراوله – موز – حليب ابيض ) وحتى لو قعدت ف الليل عطيها منه .. بحيث يكون دافي .. انا ولدي استخدمت له كذا ونجحت الطريقة جربي .. يمكن تنجح مع بنتج … والله يعينج ويعيننا ..

:thumbs_up:
كلامها صح

نفس ماقالت الاخت

( وجيف قلب)

سويت وفعلا شوية شوية تركت

طبعا اتأثرت نفسيتها من فطمتها بس بعدين استعدلت

حتى بنتي ضعفت وقامت اتعند وماتحبني اتحب ابوها بس بالنهااية كلشي رجع اوكي

واهم شي انتي اتحملي ولا تضعفين وتعطيها والا راح اتخربين كلشي

ومثل ماقالوا البنات طعميها الى ماتشبع

و خليها تلعب ونيميها متاخر حتى تتعب وبالتالي اتنام من غير ماترضع وبالتدريج راح تتعود

وطبعا كل بنت اعطتك نصيحة ماشاءالله عليهم كفو ووفو بالنصائح

والله يعينج ويهديها

كم عمر بنوتك الحين يعني أكثر من سنتين ؟؟!!

مايجوز أختي ترضعينها أكثر من سنتين

قال الله – تعالى – وَالْوَالِدَاتُ يُرْضِعْنَ أَوْلادَهُنَّ حَوْلَيْنِ كَامِلَيْنِ لِمَنْ أَرَادَ أَنْ يُتِمَّ الرَّضَاعَةَ)… [البقرة:233]

جربي حطي لها لون أسود وقولي لها وسخ

أو جربي حطي لها شيء ماتحبه مثلا ً انا جربت لبنتي كاتشب وهي تكرهه وفعلا أنفطمت الحمد لله بهالطريقة

أو جربي حطي لها الدواء حق الجروح الأحمر الجهال يخافون منه ويكرهوه

أو جربي تحطين لها لزقه جروح

وفي طرق واجد ممكن تسوينها لها وحتى لو صاحت شوي مسيرها بتنسى

والله يعينك ويساعدك