السلام عليكم … بنات شخباركم
انا عندي بنتي تعاني من ضعف في النظر وعندها عين اليمين اضعف من العين اليسار ووديتها ثلاث مستشفيات والنتيجه وحده والعلاج واحد وهو ان اخلي تغطيه على عينها السليمه علشان تقدر تجوف وتركز من العين الضعيفه .
اول مابتديت معاها العلاج كان عمرها 3سنوات وكنت اعاني معاها بحكم سنها وعدم رغبتها في لبس اللصقه (تغطية العين ) .
فكانت نفسيتها جدا تعبانه وانعدمت ثقتها بنفسها فكانت دائما تقول لي ماما انا مو حلو بالنظاره بس انا كنت وايد اشجعها واقول لها انتي حلوه وانتي جميله وانتي احلى البنات وانتي دكتورتي ….
لين الحمدلله تعدت هاي المرحله والحين عمر بنتي 7سنوات والحمدلله رجعت ثقتها بنفسها …
بس نظرها للاسف كما هو ماتغير مع ان كانو يقولون انها راح تتحسن ادا كبرت بس للاسف ضعف اكثر يعني المسافه اللي تقدر تجوف منها 2 سانتي بس
وقالو لي ماتنفع معاها لا عملية الليزر ولا اليزك لان نظرها مرتبط بالشبكيه والشبكيه لازم تتجاوب مع المخ علشان المخ يتجاوب مع العين بعدين بتقدر تجوف
وانا عالجتها في مستشفى الدولي وعند اخصائية العيون فاطمة الدوسري اللي عيادتها في رويان سلماباد وحاليا اعالجها في مستشفى نور التخصصي عند دكتورة هيفا ..
اتمنى من اي وحده فيكم عندها فكره عن هالموضوع تقول لي وادا تعرف اخصائي عيون سوى في البحرين او خارج البحرين هم تقول لي وبكون شاكره لكم ….
دعائكم الى بنتي بالشفاء
تقبلو مروري
ام بدوووور F:
السموحه حبيبتي والله ماعندي اي خلفيه عن الموضوع
بس اللي اعرفة ان جزر او الافضل عصير جزر بيساعد على تقوية البصر و جدا مفيد للعيون
نصيحتي لج كلما كثرتي من انج تعطين حق بنتج عصير جزر كلما كان النتيجة بشكل اسرع و احسن
هاي فكرة اللي ذكرتلج من خلال تجربتي
بنتج في عمر بنتي اسم الله عليهم وبالضبط مثل معاناتي
انا بعد بنتي نظرها ضعيف ( العين اليمين ) ومجبوره اغطيها يوميا من 4 الى 6 ساعات وصار لي الحين على نفس الحال سنتين
كانت بالبدايه النظر معدوم طبعا لان مسوين لها عملية براسها واثر على شبكية العين وحول فيها من جذيه ضعف نظرها والحمدلله على كل حال
بالسنه الاولى كان ظعيف وايد والحين احسن بس بنتي بدت تمل من اللصقه وخاصه هي بالمدرسه ونص اليوم ماتلبسها وانا بعد مليت من كثر ما اوديها بهالعيادات ونفس الكلام مافيه حل الا التغطيه
بس لما اتصلت بمستشفيات الاردن قالوا لي اذا النت للحين نظرها ضعيف المفروض تداركون العين لان هي بسن حساس وشلون مخلينها للحين !!
بصراحه انا مادري ومحتارحه كل مره اروح السلمانيه يقولون لي شهرين ثلاثه وبنعطيج خبر العمليه وللحين ماسوو لها شي
اذا كان تقدرين تروحين له ارسلي لي على الخاص اعطيك عنوانه ورقمه
واختي ام الغلا ماعليه شر بنتج ان شاء الله الله يفرج عنها وعن بنتي بس لازم نتدارك الموضوع ونجوف لهم حل وان شاء الله خير
F
:بس فعلا جربي اشياء طبيعيه مع الطب يعني الجزر وابحثي في النت عن اشياء تقوي البصر ولاتستسلمي لكلام الأطباء خلي ثقتك بالله كبيره وبأنها راح تتحسن بإذن الله واقري القرآن عليها ..
انا ماادري مااعرف في البحرين بس اعرف عندنا بالسعوديه المشهور عيادات المغربي بس للامانه ماجربتها
ماحبيت اطلع بدون ماارد عليك
الله يوفقك