( تعالوا باركولي في ركن المناسبات )
ابغي اسبح البنت بس ماعرف كيف .. !! شو الطريقة المناسبة لسبوحها؟؟
واذا شي صور افضل.. بس ابغي انظفها عدل مب تقولولي بالقطن والماي
لانه المستشفى ماغسلوها .. كانوا بس ينظفونها على خفيف ويوم اقولهم غسلوها مايطيعون مادري ليش…
..
اللى اعرفه انهم من اول يوم يسبحونهم ونصهم ف المستشفيات ما يغسلونهم شرات الكورنيش
انا بنتى صارلها 6 شهور وما عندى خبرة ولا اعرف حتى اسبح قعدت مع امي وحمايتى وحريم اخوني اشوفهم كيف يسبحونها واساعدهم لاني اخاف تنسلق بين يدي والحمدلله تمكنت واللى ساعدني الاسفنج اللى ينباع ف مذر كير اسبحها عليه..نصيحتى لج خلي حد من هلج يساعدج وبتتعلمين بعدين ابروحج..
ممكن انج تاخذين الحمام الاسفنجي اللي يكون كأنه مستطيل اسفنجي و تستلقي بس لازم ترفعين راسها و رقبتها بإيدج .. يفضل يكون معاج حد عشان انتي تمسكينها و حد يسبحها .. و اسكبي عليها ماء في حرارة الجسم بقلاص او شي صغير عشان لا تتفاجأ فيه .. و بحركات ناعمه اغسلي جسمها .. و الشعر بنقاط شامبو .. بس لا يدخل الماي في اذنها ولا عيونها بس اخذي الماي بإيدج و امسحيه على راسها .. و بعدين نشفيها و حطي لها شوية بيبي اويل .. وبس ..
نعيماً ..
ان شاء الله استفدتي مني
غسلي جسمها بالاول وتالي شعرها.
وتذكري انها بيبي يعني مو كلش وصخه يعني مجرد تنظيف خفيف وعلىالسريع وديري بالج عليها عدل .
بس الحين الثانية ماعرف كيف اسبحها نسيت.. ومايلست عند امي الحين انا يالسة في بيتي .. وعندي الخدامة بس اخاف اخليها تسبحها .. انا ابا اسبحها بس ابا طريقة سهلة ..
وكيف اجفف راسها بعد ماخلص؟؟
بالنسبه للطريقه ماقدر افيدك
لكن بالنسبه للاستحمام نفسه
حاولى استنى شويه عليها
لما تتم 10 ايام مثلا ولا حاجه ابقى اعمليلها حمام ان شاء الله
اللى اسمعه عن استحمام الاطفال بيكون بسفنجه وماء دافئ ومجرد مسح على الجسم وتحاولى تحافظى عليها من البرد
مجرد مسح فقط على الجلد
يسعدنى مشاركتك فى مشروع فرصة العمر
http://www.3roos.com/forums/showthread.php?t=200729
سيأتى يوما احمل فيه صغيرك..أهدهده وأغنى له ,,,
ألبسه ثيابه الجميله ,,,
وأمد له لعبته الصغيره ,,,
أقبله وأناغيه ,,,
أنظر له وأستخرج من ملامحه أشباهه ,,,
هل هو لأمه الحبيبه أم لوالده الغالى ,,,
حتما سيأتى ذلك اليوم فقط اصبرى واكثرى من الدعاء ,,,
وستنالين مرادك ان شاء الله ..
ايتها الغاليه لاتحزنى وثقى فى ربى الرحمـــــن ,,,
حبـــيبـــــــــه ,,,
أحس الياهل يتظايق خصوصا أنه يرجع ودايما ملفوف، يحتاج جسمه للغسل…
الأخوات عطوج طرق وايد، أسهل شي مثل ما قالوا الأسفنجة اللي تسدحينها عليها وخلي الخدامه تساعدج….
أختي ام سلـطـــــان أنا ربيت في الكورنيش وسبحوا ولدي بس ثاني يوم بعد الولادة لأنهم ما يبون يعرضونه للماي من البدايه وهو شي يديد عليه …..
السلام عليكم ورحمة الله وبركاته
عزيزتي ما يسبحون الياهل في المستشفى لان في ماده في جسم الياهل لما ينولد يفيده وايد علشان جيه ينظفونه بس من فوق ل فوق..
وعن السباحه في محلات الاطفال يبيعون كراسي خاصه للاستحمام.. يلسي الياهل فيه وغسليه بماي والصابون والاسفنجه شوي شوي.. هذي اسهل طريقه..
وشكـــــــــــــــرا..