طلعت لها حساسية
بالبداية بس في وجهها
بس الحين جسمها كله
رحت الطبيب قالي اكزيما
عطوني كريم الفاكورت
بس يخلص الكريم ترجع تظهر الحساسيه على كل جسمها
اليوم رحت اطعمها قالت لي الممرضه
غيري نوعية حليبها
شرايكم …؟
الحليب له دور …؟؟
دمتم سالمين
اختكم شريفه
الحال من بعضه انا بعد الحساسية منتشرة على جسمها ومن يخلص الكريم يرد يطلع ليها بس الآحظ مكان الحبوب بوجهها من زود ما استخدم الكريم صاير نفس المحروق على خفيف
ووديتها المستشفى قالوا لي غيري الصابونه يمكن اهي السبب وهذاني استخدم لها صابونه دهنية بس ما في فايده
ماتشوف شر نور الحلوه أختي والله يحميها من كل شر يارب
عزيزتي أم سعود ترا اختي صار ببنتها نفس الشي وجه بنتها مثل المحروق وقامت تحط كريمات المركز وما أستفادت
لكن الاكزيميا تطول شوي عن السنه وأكثر وتالي تروح بروحها شوي شوي وحتى ولدي علاوي صار له أكزيميا
بس بشكل ثاني مو مثل المحروق بس كان كله أحمراروخشن وكأنه طبقه قشره على خده وجسمه وبعد ما كمل ولدي
السنتين تقريبا راحت الاكزيميا شوي شوي
بالرغم اني ما كنت أعطي ولدي صناعي ولا كانت اختي تعطي بنتها صناعي بعد ولكن الاكزيميا صادتهم
وهالحساسيه غالبا تكون مرتبطه بحساسيه الصدر (نوع من انواع الربو)
باقول لج بعض الاشياء اللي ممكن تساعدج ..((الوقايه خير من العلاج ))
على فكره انا عندي 4عيال يعانون نفس الحاله بس تختلف من واحد لواحد ..يعني حد خفيف وحد وايد ..
اللحين بنتج عمرها 3شهور .. لاتعطينها فارليز وسيريلاك ولااي شي معلب وجاهز ..اخري الاكل لها لين عقب 6 شهور ..
اذا فراشها من الصوف غيريه .. خليه ملحف قماش ..ابتعدي عن كل الملابس اللي داخل فيها النايلون ..او حرير ..
استخدمي القطنيات وبس ..
اذا كنتي ترضعينها من صدرج ..انتي ابتعدي عن السمك ..والمانجا والموز وكل الماكولات الارياحيه مثل البطيخ ..
خلج على التفاح والبرتقال وهالفواكه ..والرهش واي شي داخل فيه السمسم ..
ولاتستخدمين الفاكورت لان صج مامنه فايده ولاالفازلين .. ومن تكبر شوي سوي لها تحاليل عشان تعرفين نوع
الحساسيه اللي فيها من شنو ..ومن اي نوع من الاكل ..
واهم شي روحي حق استشاري حساسيه ..وهو بيعطيج كريم طبي للاستعمال اليومي .. ومرهم لعلاجها ..
واستخدمي صابونه سيباميد..
بس بقولج ترا كريم الفا كورت كريم عام .. لجميع انواع الحساسية..
وثاني شغلة لازم تروحين عند طبيب جلدية خاص عشان يوصف لها كريم خاص بحالتها .. لأن الفا كورت كله كورتيزون واكيد اللي وصفه لج قال لج لا تطولين في استخدامه مو؟
وبعد فيه موضوع مميز عن كيف نعامل مريض الحساسية .. راح ادوره لج واحطه هني..
ما تشوف بنيتج شر
وجمانه لك جزيل الشكر على اهتمامج وعلى الرابط
وماتشوفون شر ان شاءالله
دمتم سالمين
اختكم شريفه
.