بنتي والمنطقة ال .!! ساعدوني أرجوكم

أخواتي الغاليات..
بنتي عمرها 5 سنوات .. ودوم تشكي من ألم في هذيك المنطقة .. ويوم شيكت شفت أشياء بيضاء مثل الجلد في الثنايا.. طبعا هذا غير الحبوب اللي من فوق .. أول مرة يستويلها جي ..أنا توقعت تكون فطريات فسويتلها ماي دافي وملح لمدة 3 أيام والحمدلله خف بس قطعت يومين .. ورد مثل أول .. ما اعرف شو أسوي ولو بعرضها على دكتورة هل أوديها لدكتورة أطفال والا نسائي (تناسلي)..

أرجوكم أفيدوني.. 🙁

شوفي حبيبتي ..

النظافه اهم شي …

لازم تعلمينها كيف تتغسل .. لان اليهال يرشون ماي وخلاص ..

انا عارفه انتي شو تقصدين .. وهاي فطريات تحتاج لطبيبة ولكريمات

مع تطهير المنطقه لان مثل ما تعرفين البنت تكون فيها افرازات وتتجمع في هاي المنطقه وتأدي الي حكاك ..

عليج بدكتورة نساء او دكتورة اطفال

وديها المستشفى افضل يمكن تحتاج كريمات او مضاد حيوي بالفم,,,

اعتقد هذا سببه ان الاطفال ما يتنظفون زين + بداية الحر الحين وحركتهم الدائمة

ما تشوفون شر ,, طمنيناعليها

سلامتها ان شالله

هي نفس بنتي بالضبط ونفس عمرها فديتهم

ووديتها لدكتوره وقالت هاي فطريات

وعطتني غسول معقم وهو لازم تتنظف زين

وسلامات ان شالله

الله يسلمكن فديتكن ويخليلكن عيالكن ..
ومشكورات عن النصيحة وإن شاء الله بوديها للعيادة..
وفعلا بنتي توها بدت تعتمد على عمرها في التنظيف .. والغلط مني كان لازم أراقبها كيف تنظف عمرها..

وديها دكتورة اطفال الغاليه
شو تبين في النسا
هاي طفله
وماعليها شر ان شاء الله

اقتباس

المشاركة الأساسية كتبها سحايب دبي

	وديها دكتورة اطفال الغاليه شو تبين في النسا هاي طفله وماعليها شر ان شاء الله

انا مع اختي في اللي قالته ..

وماعليها شر ان شاء الله..

وخلي بالج عليها ..انا بنتي عمرها 8سنين وللحين اراقبها في طريقه تنظيفها لنفسها ..

ولازم كل يوم نفس الاسطوانه ..غيري ثيابج ..تنشفي ..اغسلي زين ..

وديها عيادة الاطفال وياليت تكون دكتورة مش دكتور بعدين اذا ماكانت من النظافة يمكن يكون من اكلة معينه
ربي يشفيها ويعافيها

SIZE="5/"][green/]البنات ما قصروا بس بزيد عليك اني وانا عمري 8 سنوات صار شي مشابه لما ماما ودتني الطبيبه
قالت لها مو مفروض تنغسل الملابس الداخليه مع بعض واعطوني دوا وخفيت الحمدلله

طبعا مني صغيره دحين انا عندي بنات ههههههههه[/COLOR][/SIZE]

مشكورات الغاليات ..
والحمدلله بنتي تعافت ..