شحالكم ؟؟
كل عام وانتم بالف خير بمناسبة السنة الدراسية الجديدة:smile: اللي بتبدا بااجر ان شاء الله 🙁
المهم خلونا من المداارس
بقولكم شي …
امس قعدت عدال امي وهي مندمجة تطالع التلفزيوون وسالتها .. شو الفرق بين الجامعة وكلية التقنية ؟؟( بما انها خريجة جامعيه ) طالعتني جييه :rolleyes: وبعدين قالت الجامعة فيها تخصصات اكثر ؟؟ قلتلها وبعد ؟؟ قالتلي نظرة الناس للجامعة تختلف عن نظرتهم لكلية التقنيه يعني يقولون الجامعة احسن وخريج الجامعة احسن عن خريج التقنيه (هذا من حيث نظرة الناس ) قلتلها لييش ؟؟ طالعتني جييه :angry: وقالت لي .. خيير الين ما تخلصيين ثانويه عاامة شو فييج من الحيين قاعدة تساليني .( تبى تشوف التلفزيون وانا ازعجتها عشان جييه عصبت عليه ) 🙁
يحليلي انزيين انا ابى اعرف … كنت برووح اسال ابويه .. بس كان ابويه محد ؟؟؟
انزيييين
الحين انتو بتخبروني ..
شو الفرق بين الجامعة وكلية التقنيه ؟؟
وليش نظرة الناس للجامعة تختلف عن نظرتهم للتقنيه ؟؟
خبروني ابى اعرف ؟؟ بس باقلي سنيتن وبخلص مدرسة لازم افكر من الحيين
… وطبعا قبل ما افكر لازم اعرف شو الفرق بين الاثنين ..
السموحة عالمغثة
بنفسوجة
اول ملقوفه تدخل اللقافه شي …
وكل عام وانتي بخير ..
تراني فاااااااااااضيه ودخلت قلت لازم ارد ..
بس اسمعي جهزتي اغراضك لا تنسين شنطه الاكل وكانك ما شريتيها ادز لك وحده ..
ولا تنسين الكلبسات لونها ابيض ..
ونامي اللحين لكي تصحين مبكره (لا تشوف الكلااااااااااااام شجونه كان ترشحني مدرسه نحوووو هههههههه)
وتراني ما اعرف عن اللي تقولينهم شي ..
دخلت بس لقافه ..
وانتي بصحة وسلامه حبيبتي
اهيء اهيء هييه جهزت اغراضي .. دخييلج لا تسوييلي مثل امي .. من الصبح وهي قاعدة تقولي جهزتي اغراضج واقولها نعم جهزت .. ترد تسالني نفس السؤاال مرة ثانيه ؟؟؟ حشا ما صارت مدرسة هااي
شنطة الاكل ؟؟؟ حبيبتي انا في الثانويه مب في الروضة ؟؟ اتخيل شكلي رايحة المدرسة بشنة اكل ههههههههههاااي بصييير نكتة في المدرسة خخخخخخخخخخخخ
حبيبتي مشكوورة على اهتمامج وما تقصرين .. بس انا الحين مب نعسانه وما اقدر ارقد ابدا ..
على العموم ثاانكس على مرورج
وان شاء الله حد يفيدني بخصوص الموضوع
بنفسوجة
كل عام وانتي بألف خير ويجعلها سنة دراسية ناجحة لجميع الطلاب في دولتنا وفي بلاد المسلمين
حبيبتي حبيت أرد عليج عشان ما تاكلين علقة بكرة بسبة التاخير:cry:
تقدير الجامعة بكالوريوس أما التقنية فهو دبلوم أو دبلوم عالي يعني الجامعة تقديرها أعلى وراتبها أعلى في الشغل بس للأسف بنات التقنية بمجرد تخرجهم يلقون الوظيفة اترياهم بينما بنات الجامعة يصطفون طوابير بس عشان يقدمون اوراق الوظيفة وهات عاد يقبلون ولا لا
ارتحتي ولا لسه
إذا ارتحتي سيري نامي وادعيلي بخير الدنيا والآخرة
والسموحة
وعليكم السلام ورحمة الله وبركاته..
هلا و غلا بللي بيبدون دوامات باجر خخخخخخخ
عندي لج سؤال.. نحن بعد نسأل.. مب بس انتي.. خخ
سؤالي يقول.. بنفسوجه جهزتي اغراضج؟ خخخ
شوفي الغاليه.. انا بقولج شيء.. اهم شيء شو الشهاده… اباج تاخذين بكالوريوس مب دبلوم اوكي؟؟
اذا دبلوم ودبلوم عالي ومادري شو.. كملي بكالوريوس..
وطبعا اهم شيء.. قبل اي قرار.. استخيري 
والله يوفقج الغاليه..
:flower: :flower:
اهااااا .. انزيين دام الجامعة تقديرها اعلى ليش عيل يوظفوون طلاب وطالبات التقنيه ؟؟ مع انه المفروض العكس ؟؟؟ صح ؟؟
صح انا حرمة خاالي قالتلي هالمعلومة … قالتلي انه بمجرد انج تخلصين التقنيه على طوول تلقين شغل ؟؟؟ انا هذا اللي ما فهمته لييش .؟؟؟ عيل بنسير ندرس في التقنيه دام شهادة الجامعة ما بتنفعنا ولا بتشغلنا ؟؟؟
مشكورة الغاليه وما قصرتي
بنفسوجة
حي الله مس انجلش
حليلنا داومنا والله اول يووم كان واايد متعب خااصة اني كنت نعسااانه خخخخخخخخخ وكل ثانيه اثاوب ههههههه زين ما كفختني اللي عدالي بجوتيها ككككككككككككككككك
هيه عيل شو جهزت ايفري ثينج … شطوورة انا
انزيين خلينا نرمس عن موضوعنا ..
اها تبيني اخذ بكلريوس مب دبلووم ؟؟لييش ؟؟ انزيين وشو الفرق بين الاثنين ؟؟
هيه اكييد انا بستخير بس مب الحين يوم اخلص ثانويه عامة يعني بعد سنيتن … بس ابى اعرف شو الفرق بين الاثنين .. مس انجلش لو سمحتي فهميني ابى اعرف كل شي … ادري بتعبج بس عاادي انتي متعودة عحشرتيه ههههههههه
بنفسوجة
والله هالسالفة شااغلة باالي ..
ما رديت عليج لأنج ما يبتي لي كندر
خخخ اسمحيلي بنفسوجه … نسيت ارد عليج 😮
البكالوريوس اعلى عن الدبلوم..
فهمتي؟
وبعدها ايي الماجستير .. والدكتوراه ..
بس مب شرط تكونين محصله عالدبلوم عشان تحصلين البكالوريوس..
لكن الماجستير لازم تكونين مخلصه بكالوريوس..
حسب علمي
:flower: :flower:
لانه طلبه الجامعه على اقل شي لازم يكونون محصلين 70% علشان ينقبلون
مع انه بالتوظيف ننوظف كلنا بنفس الاماكن مثلا بالتربيه خريجات معهد التربيه مايدرسون الا ابتدائي وخريجات الجامعه يدرسون من الروضه لين الجامعه اذا حصلوا دكتوراه
وطبعا بالعلاوات والاشغال الممتازه والترقيات الاولويه لنا ياطلبه الجامعه
اما عن سالفه منو ينوظف قبل
بالتخصصات النادره كلنا ننقبل بسرعه(الجامعه والمعاهد)
وبالتربيه هم نفس الشي
بس خريجين المعاهد الادبيه يتاخر تتوظيفهم مو مثل نظرائهم من الجامعيين طبعا
سوري عالاطاله اختي بس حبيت افيدج لانه اعتقد ماكو فرق بين دول الخليج؟
دمتي لنا بنفسوجه