بدش في الموضوع على طول
صراحة عمري سويت ورق عنب وبغيت أتعلم أسويه لكن حرت في البهارات يعني شنو نوع البهارات المشكلة اللي تكون فيه
وياحبذا لو تكون تباع جاهزة بالجمعية مثل بهارات البرياني وغيره أتمنى أكون وضحت الفكرة
يعني أبغى إسم العلبة أو كرتونة البهارات وأكون شاكرة لكم لو تحطون صورة
الله يجزيكم خير اليوم بطلع أشتري المقادير عشان أسويه أتمنى تفيدوني في مسألة البهارات
لأني محتارة في هالشي وجزاكم الله خير
بالنسبة لبهارات ورق العنب طبعا تتعمد على الذوق وكل أهل بيت شنو يفضلون،،
عادة أنا احطي كمون وفلفل أسود وشوية كركم( مجرد لون) ونعناع جاف وإذا متوفر طازج بيطلع أطعم أحلى ،،
وفي ناس تحطي بزارمخلوط (اللي يستخدم دايما في الطبخ ،، للرز والصالونه وغيره) بالإضافة للبهارات السابقة
وأتمنى أكون أفتدج 
غاليتي تقدري تستخدمي الفلفل الاسود+ مرقه دجاج+بهارات عربيه + نعناع كزبره او بقدونس
((اسيره الغربه )) سابقا
احط في الحشوه كمون- وزيت زيتون -وخل- وملح وفصين ثوم متوسط الحجم وبصل -وطماط -وفلفل بارد-ورز مصري
وفي المرقه خل -وزيت زيتون -وشرائح ليمون
والطعم رهيب
رز + كوسة مفرومة +بصل مفروم+شبنت وبقدونس مفروم+عصير ليمون+كاري+فلفل اسود+سبع بهارات خاص للمحاشي وورق عنب انا اشتريها جاهزة متكونة من (هيل , قرفة, نوعين فلفل اسود ,مسمار, زنجبيل, شمر ) + زيت زيتون +ثوم
اخلطهم واحشي الورق عنب
واسوي نفس الحشوة مع اضافة لب باذنجان مفروم وعصير طماطم واحشي بصل وفلفل وباذنجان وطماطم ..الخ