وبعدها تتمسكنين لحد ما تتمكنين ( أدري شريرة) وبظل من أول ملعقة بتشوفينه يبتسم في وجهك وبنشغل في الكيك ولا بيفتكر في أحد غير أنه يبغي يقعد في البيت وسولف معاج (كلامي ثقة) ننتقل إلى المهم
المقادير:
كيس واحد خبز إفرنجي(سليس يعني)
علبة قشطه
علبة فواكه معلبة
علبة كريم كراميل
علبة دريم ويب
6 حبات جبن كيري (إختياري)
الطريقة :
في البايركس حطي الكراميل (العسل) إلي يجي في علبة الكريم كراميل و وزعيه على كل الصينية بالمعقة
بعدين إخذي لسليس وقطعي الحواف ماله وصفيه على العسل بشكل مرتب
فتحي علبة الفواكه المشكله ورشي القليل من الماء على السليس (القليل جداً) مو تخربطون
بعدين إخذي البودر ما الكريم كراميل وسويه على النار مع الحليب (الطريقه العادية مالته)
بعد ما تسوينه ضيفيه على السليس وخليه يبرد إشوي بس يبرد حطي علية الفواكه المشكله
وخليه في الثلاجة في هذا الوقت لازم إتسوين الكريمه (القشطه+الحليب+الجبن+ الدريم ويب)
وبعدين تحطين الكريمه على الطبق وتزينينه بالفستق المطحون(إختياري لأنه الرجال يحبون المكسرات)
وحطيها في الثلاجه من الصبح إلى الليل عشان تقدمينها بعد العشه وتبرد على قلبك وقلب إلأي معاك
وأدعو لي وهالمرة ما بقول تذكروني بعطيكم شوية خصوصيه وبالعافيه[/COLOR]
تحياتي لج وسلمت يمينج
بس ايش تقصدين ب ((خبز إفرنجي(سليس يعني)))
تقصدين التوست