أتمنى ينال على إعجابكم
بسم الله الرحمن الرحيم
اليـوم موضوعي غيـررر
وهذآ بطلب من العضوات ..
طبعـاً اللي عارفتني وعارفه موآضيعي بتدري اني ما اجيب واكتب إلا ششي مجرب ..
أكيد كل وحده منـآ مرت عليها هالسسالفه .. فلانه جيكره ماتنبلع (ماينشرب سورها) ومع هذا زوجها يموت بترابها
وفلانه مزيونه موووت وزوجها مايدري عنها ولا يدري وينها ..
وفي منا شكثر من تقبل ع زواجها ياتروح تجمع خلاقين والوقت كله يروح بالسوق والدوجه
يا تهتم بنفسها خلطات شعر وبشره ..
بس نسيتو شي مهم !!
شي الرجال يبيـه واذا مو موجود عندج .. مايبي الا فرقاج
واذا موجود مايهدج لو فيج كل عذروووب..
أكيد عرفتو شـ تكلم عنه ؟!
في بنات واجد مايعرفون يهتمون بنفسهم
ومايدرون هم خربانات ولا لأ ؟
بس متى تعرف ؟ لا جت عند الزوج وتفشلت فشيله ذيك الساعه عرفت الاهتمام وعرفت انها خربانه
مع ان ناس واجد يقولون معقوله في حريم مايهتمون !
ألحين مابي اعطيكم تجارب عجايز وسوالف طويله عريضه تغث الوحده وتخليها ماتهتم !
انا الشي الخفيف والسهل اداوم عليه والشي اللي فيه تعقيد لو ان حياتي واقفه عليه ما اسويه ..
أول شي
كل وحده تعرف متى موعد دورتها ..
قبل لاتجي الدوره بأيام زهبي شغلج كله عشان اول ماتجيج تهتمين ..
وبعلمكم بـ الشي السهل والنظام او علي قولتكم الجدول مو مهم كل وحده وطريقتها ..
—————
روحي العطار وأخذي منه ..
رشآد حق نص دينار ..
حلبه حق دينار ..
سويده نص دينار ..
محلب ربع دينار ..
فلفل اسود ..
مغل أو مغله ( هذي شكلها نفس المره بالضبط بس طعمها غير ولونها اغمج من المره )
بخور الهواء ..
كمون ..
دآرسين ..
مسمار ..
—————
دلاغات + ليقنز القطن (الليقنز يكون ضيج وماسك يعني لو تلبسين دراعه مايغثج ويلف الدراعه)
أول شي تسوين اللهوم وتحطينه بقوطي
وهو عباره عن :
فنجال فلفل اسود
فنجال رشاد
فنجال حلبه
فنجال كمون
فنجال مسمار
فنجال محلب
طبعا كله ينطحن ويصير نفس البودره ماعدا الرشاد يبقى نفس ماهو ماينطحن ..
وتحطينه بـ علبه
هذا اول ماتقعدين من النوم ألهمي قد ماتقدرين ملعقه ملعقتين ثلاث مايضر بعد كل ملعقه اشربي ماي
اللي ماتعرف تلهم تحط المقادير هذي مع تمره وتغفصها يعني تعجنها مع التمره بس اللهوم احسن
لأن ماتحسين بطعمه علي طول تلهمينه بماي
اما التمره بتاكلينها وتحسين بطعمها وتنغثين ماتكملين
—————
الشي الثاني
نقوعه ..
طبعا هذي تشترينها جاهزه من العطار
وتدقينها بالنجر لين تنجرش وتكسر بعدين تحطينها بالمطحانه وتطحنينها لين تصير بودره
هذي كميتها كبيره وماتخرب تقعد عندج سنين عادي حطيها بـ علبه كبيره واخذي علبه صغيره حطي فيها شوي
لأستعمالج اليومي تنشرب مع القهوه او تحطينها بماي دافي في بطل ماي الصحه وتشربينها
( على فكره النقوعه هذي اشربيها يوميا ع الريق وقبل النوم لمدة شهرين ورا بعض وبتجين تدعين لي
هالشي يخلي بطنج لاااااااازق بظهرج روووووووووووعه والله العظيم جربو وشوفو يصلح مع الرجيم ترا)
وهذا شكل النقوعه لاشريتيها جاهزه
—————
نجي للشغله المهمه :
بطل ماي صحه حطي فيه ..
10 حبات محلب
كسرة مغل
كسرة مره
شوية سويده ..
وصبي ماي دافي
هالشغله عجيييييييييييييييييييييبه شوي عليها
تنشفج من تحت جربوها هالدوره وخلوها تخلص دورتكم واراهنكم ان ماقلتو صرنا فرق عن قبل
بقولكم سالفه صغيره عن هالشي
(وحده من جماعتنا ولدت نفاس وماتهتم ابد .. وبعد ماطلعت من النفاس الا هي قااااضيه رطبه حيل
بالعربي خربانه .. قالت لها جدتي سوي هالشي وشوفي هي ناقده اول شي تقول محلب ومااي بيخلوني زينه
مستحييييل انا خربانه .. جتها الدوره وسوت اللي قالت لها جدتي (وحتى بدون دوره عادي) اقسم بالله يابنات
انها ماخلصت الدوره الا وهي نااااااااااااااااااشفه والله انها للحين تدعي لجدتي كانت متحطمه حيل)
يعني هالشي لايطوفكم خلوه كل دوره رفيجكم
كل مانقص الماي زيديه
وهذي كل مامريتي ع هالبطل اشربي منه ماله وقت محدد بس لازم لازم تخلصينه مو يقعد عندج ايام نفس ماهو
تابع لحد يرد
/ أهم شي يابنات لاتجوعين نفسج لازم لازم تقعدين الصبح وتريقين الساعه 6 وتقعدين 12 وتغدين وبين الوجبات اكلي
يعني الجوع هو السبب في خراااب المره والرجيم ممنوع ايام الدوره ..
/اي مشروب غازي ممنووووووع والبرد
/الماي لاتشربينه بارد دااااااااااااااااافي ترا مو زين
/لادخلتو الحمام لاتطولون اقضي حاجتج وقومي بسرعه هذا يسبب هوا بالرحم ولاترشين ماي واجد وحاولي انج ماتغسلين من تحت
بالرشاش استبدليه ايام الدوره بالقوري حق البر حطي فيه ماي وغسلي ترا كثرة الماي وقوته ع المنطقه وقت الدوره يخرب
/لاتشيلين شي ثقيييييل
/الدلاغات لاتطيح من رجولج هي والسروال ضروووووووووووووري
/هالأكل لاتاكلينه وقت الدوره : الملوخية..البامية..البصل الأخضر..البطيخ والشمام..الطماطم
/لاتسبحين ابد بس ثالث يوم تسبحي وتنشفي بسسسرعه ولاتطلعين بالهوا خليج مدفيه نفسج
/الحمضيات وخاصة الليمون..الموز..
/وفي طريقه بعلمكم فيها يسوونها الحريم قبل وانا اسويها طبع ويوم درت جدتي قالت هالشي زين من علمج فيه
انا سويته ع النيه (الكوتكس احط 3 فوق بعض انا ينزل معاي واجد فـ احط 3 ) ولما درت جدتي قالت الحريم قبل يسوون جذي
عشان الرحم ماينزل الثلاث يرفعون الرحم لـ فوق يكونون ضاغطين عليه
بخور الهواء ..
هذا خامس يوم تبخري فيه من تحت
طريقتي احط مبخر مانبيها يعني مو زينه حي الله مبخر واحط فيها جمرتين بخور
واخذ من البخور واحط عليه واخذ المبخر وادخل الحمام (عزكم الله) بعدين قطي الشورت او السليبوانتي واقفه حطي المبخر
بين رجولج وخليج واقفه عشر دقايق
بعدها اطلعي والبسي سروال طويل ودلاغات ودفي نفسج عدل ولاتقربين للهوا كلش لامكيف ولا هوا عادي
اللهوم اللي سويناه وقلت لكم تلهمونه سوو عجينه نفس الجباتي او خبز صاج للي يعرفونه اخذي عجين مقدار خبزه وحده بس
وحطي معاه قفشة لهوم واخلطيه عدل وخليه 5 دقايق بعد الخمس دقايق حطيه بالمقلى او ع الصاج وسويه خبزه واخر شي
حطي عليها سمن او زبده او اذا تبين تدهنينها بـ جبن قلاص عشان تقبلين الطعم بس
وسوي دارسين بالقوري واكلي الخبزه واشربي كوب دارسين وردي نامي اذا بتنامين هذا الريوق
طبعا بين الوجبات بعد الريوق بعد الغدا قبل العشا هذا تشربون اعشاب
تشربون من النقوعه
تشربون اللي نقعناه في بطل (محلب+مغل+مره+سويده)
بنات هالشي تحسون فيه صعوبه الحين بس صدقوني مافي اسهل منه
اذا حضرتي اغراضج قبلها بـ مده وعلمي الخدامه تسويلج الريوق جذي وبس مافيها صعوبه
تقييمكم فديتكم
وأي إستفسار آنه حاضره
لأمانه منقولـ
ومجرب من قبلي
طب انا بنت على وجه زواج ينفع معي هــ الطريقه وممكن تصلح شي لو انا خربانه وانا معاي افرازات اعزكم الله كثيره بعد الدوره مانشف ,,,,,,
والله اشياء اول مرة تمر علي صراحه
يعطيك الف عافيه
واحلا تقييييييم لـ عيووووونك ي عسل
تستاهلين الـ ***** ستارز
قصيميه هلا حبيبتي بقولك شنهو دوا الافرازات تعرفي قشر الرمان المجفف خذي مقدار ملعقه صغيره في كوب مويا مغلي وخليها لين تبرد واشربيها ثلاث مرات بالاسبوع وشوفي كيف النتيجه مرضيه ان شاء الله ويارب اكون افدتك حبيبتي
حفظت الموصوع Text Document
مآتعرفين وش كثر افدتيني الله يجعله في ميزان حسنآتك:L:
شكراً لك بس مآآفهمت شئ وآلله
مدري تقصدي آلحريم وآلآ آلبنوتآآت .. ومو عآآرفه كيف خربآآنه < !!!
بس آنآ بنوته ولآ جآت آلدورهـ آشرب يآنيسون وشمر آليومين آلآولى
ورغم مآفهمت منك شئ لكن طريقتك مآرآ صعبه مآ آحد رآح يستمر عليهآ آتوقع فترهـ بس
وكل بنوته آكيد رآح يطلع معآهآ آفرآزآت طبيعي هآلشئ .. !
=) ..