انا لسه جديده معاكم واتمني انكم تقبلوني صديقه جديده ليكم
بصواا بقي انا هقول تجربتي مع حبوب فيتامين ه انا قريت كتير عن فؤايدها بس انا كنت خايفه اخدها عن طريق الفم لان مش اي حاجه هناخدها
فقولت انا اصلا عايزه استخدما علي بشرتي اشوف نتيايجها فجازفت كنت بعمل ايه بقي…..
اولا بنظف وشي كويس اويييييي وبعد كده بجيب تلج وامررها علي وشي بشكل دائري وكمان مهم اوي اننا نمر التلج حوالين العين
وبعد كده بنشف وشي كويس واجيب الحبوب وافتحها بمقص لان الابره كانت بتجبلي شلل المهم وادهن علي وشي في كل وشي كان بتاخد 3 حبات
واحط حول عيني كمان وبعد كده بجيب كريم الليلي وبعملهم مع بعض علي وشي بس الكريم مش بجيبه حولين عنيه خاااالص
هوه بس في الاول حطيت من الزيت الي في البه حولين عيني وبوزع بقي الكريم والزيت بضربتات خفيفيه علي الوجه كانك بتضربي نفسك بس طبعا ضربات خفيفه جدا لغايه اما تحسي ان وشك الكريم والزيت وشك اتشربه
والكلام ده كله قبل النوم لان اثنا ء النوم بتبقي مرتاحه والخلايا بتقوم بدورها كاملا
وبتصحي بقي تلاقي وشك منور ماشاء الله علي فكره انا مجربه الموضوع ده مع العلم ان بشرتي حساسه جدا جدا جدا وجابت معاها نتيجه كويسه اوي
