يمكن تكون هاي اول مرة انزل فيها موضوع في قسم المطبخ والمائدة
بس صدقوني لان الموضوع يستاهل
وما ينسكت عنه
امس قريت وصفة في منتدى ثاني وحبيت اجربها
اذا كنتي من محبي تشيليز
اكيد بتكونين تذوقتي الماشد بوتيتو عندهم
رهيييب صح…..
تعالي اعلمج كيف تسوينه
وصدقيني بتضبطينه من اول مرة
وبتدعيلي بعد
ما اطول عليكم
اول شي احب أأكد عليه انه ما في مقادير معينه في هالوصفة
يعني زيدي او قللي حسب ما تشتهين
المكونات:
بطاطس
فلفل اسود صحيح
باربيكا
ماجي
فلفل احمر حار بودرة(شطة)
ملح
مكونات الصلصة:
زبدة
1/2 فص ثوم
قشطة الخفق
ملح
فلفل اسود بودرة
باربيكا
الخطوة الاولى:
غسلي البطاطس زين مازين عن التراب
وحطيه مدة خمس دقايق في ماي حار+ملح+خل
الخطوة الثانية:
اغلي البطاطس مع البهارات اللي ذكرتها فوق مدة 20 دقيقة
قشري البطاطس واهرسيها مع شوية زبدة و4 ملاعق كبيرة من ماء السلق
الخطوة الثالثة:
سخني الزبدة وحطي نص فص ثوم وحركي بسرعة مدة ثواني (لا تخلينه الين ما يتغير لونه)
اضيفي باقي مقادير الصلصة
وحركي على نار هادية
الخطوة الرابعة:
ادهني صينية البايركس بشوية زبد
واضيفي البطاطس المهروسة
سوي مثل شقوق بالطول
صبي شوي من الصلصة في هالشقوق
ضيفي جبن شيدر مبشور على الوجه
رشي شوية بودرة باربيكا
دخلي في الفرن خمس دقايق
الى ان تذوب الجبنة
لا تخلينه يحمر
اذا زاد شوي من الصلصة
صبيها في ملة وقدميها مع صينية البطاطس
وبالهنا والعافية
تسلمـــــــــــــــــــين ياالغالية على هالوصفة الرائعة
والله يعطيك العافـــــــــــــــــــــية
باربيكا
يعني شنو
السفيرة
فروحة حلوة
باربيكا :فلفل احمر
يجي في علبة مكتوب عليها باربيكا
ونااااااااااااااااااااااسه
انا شنو اللي معور قلبي غير الماشد بوتيتو مال جيليز
اموت فيها
مشكوره يابعد عمري على هالوصفه
جربوها وردوا علي
مع اني متأكدة انها بتعجبكم