بنات أنا رحت شريت أغراض
ومب عارفة في شنهو يستخدمونه
شريت كالتالي :
تراب مسك أبيض
مسك حب
musk ambrette
ألماني
أوراق السدر
أوراق الحناء
أتمنى أن تفيدوني في شنهو نستخدمه ..؟؟
ويزاكم كل الخير يا بنات عروس
عن المسك ممكن تخلطينه باي بودره اطفال وتستخدمينه بعد السبوح يعطي ريحه حلوه.
عن اوراق السدر والحنه ممكن انج اتضيفين الاوراق لزيت مثل زيت الخروع واتخلينه مده شهر وتستخدمينه لشعرج ( يعطي لمعه ويمنع القشره وتساقط الشعر )
او ممكن تطحنينه وتستخدمينه في مكونات الاقنعه للوجه
مثل القناع اليمني
مكوناته :
ملعقه كبيره سدر مطحون
ملعقه كبيره زبادي ( روب)
ملعقه صغيره عسل
واشويه ماي ورد .
واوراق الحنه ممكن انج اتضيفينها مع الصابون المغربي وتستخدمينه كغسول للجسم مع الليفه المغربيه يعطي مفعول رهيب ومع المداومه عليه يوحد لون الجسم وعن تجربه .
اختج
روح البحرين