تركيا أو ماليزيا أو تايلند ؟!!! 2024.

انا لو علي بختار تركيااااااااا …. لاني سافرت لماليزيا وماااااااااااعجبتني ابد وهذا رأيي شخصي .. طبعا ماليزيا اسواقها كثيررره وحلوه بس تشبه اسواق السعوديه بالضايع ولا يغرررك طريقة العرض شوفيني خميت الدنيا و والله الحين متحسفه على اللي شريته كل شي عندنا وبعد اسعارهم غااااليه وسعر الصرف يختلف مثلا لو معاك 500 سعودي بتساوي لك تقريبا 400 رنجت ماليزي .. يعني من اولها خسرانه 100 سعودي بالصرف ..؟؟؟

اما المناظر الطبيعيه فحلوووه لاكن تملين بسرعه لان جوها حااااااااااااااااااااار رطب … ورطوبه مزعجه … ملاهيها تخوووف إذا تحبين المغامره فبتناسبك العابهم … لو نويتي على ماليزي بقول لك اول شي روووحي (( لجينتق او جينتق )) مدينه العاااااب فوق الجبال وفيها تلفريك وسلسلة مطاعم وحلووووووه هالمدينه مرررره مررره وماتبعد كثيررر عن العاصمه كوالا لمبور .. واستأجروا فيها فندق مررره تستاهل وتراها باااااااااااااااااااااااااااارده وبتشوفين الضباب …. وبعدها روحي ( كاميرون هايلاند ) تجننننن وكلها مزاااارع شاهي وفرواله اشبعي فراوووله عصير ومربى وغيره …. ويكفيك يوم فيها وممكن تستأجرون فندق ليله وحده عشان تصحون الفجر وتطلعون تمشون بالجووووو الجميل والهااادئ …. وعندك ( جزيرة لينكاوي ) جزيره هااادئه وتسافرون لها ياطياره يا بالسفينه وفيها تلفريك وغيره من المغامرات ….. طبعا لو برجع لماليزيا بروح ل ( جينتغ و الكاميرون وجزيرة لينكاوي )) اما كوالالمبور ماعجبتني هي عاصمه اقتصاديه كلها اسووواق و ابراج وبرج ال كي ال سي سي (( التوأم )) …. مافيها شي …. واسوأ شي جو ماليزي ابد مووو حلووووووو رطوبه وشمس وقرررف … والاكل مووو ذاك الزود حتى المطاعم العربيه ما احس اني اتلذذ بأكلها ….. وللمعلوميه جزيرة لينكاوي مطاعهم مووو مرررره .. لقينا صرصور بمطعم اسمه السلطان للاكل الهندي هههههههه لوعة جبدك …. ودايما ناكل من كنتاكي لانه عالمي …..

تايلاند تشبه ماليزيا ….. وبتتعبون باللغه لو ماعندكم لغه ….

من رايي تركيااااااااااا..مازرتها بس وحده كانت تمدحها لي ومبين من مسلسلاتهم هههههههههه … واشبعي بقلاوه وانتظر منك بقلاوه على ذوقك ….

طبعا ماليزيا قعدت فيها 3 شهور الين كررررهت عمري

نسيت اقول لك … انا بطبيعتي ما احب الاسواق الفخمه بزيااااااده والصجه واللجه … احب الطبيعه اكثرررررررر والهدوء وامكن لاني قعدت بالعاصمه كوالالمبور اغلب الايام فحسيت بالكرررره العميق لماليزيا هههههههههههه … ادري بيذبحوني العضوات

انا اقولج تايلند شليها من قائمتج

بالنسبه لتركيا مارحتها خاطري اروح

بس ماليزياا

رحتها مرتين وبصراحه ماينشبع منهاا

واذا بتروحين ماليزيا رتبي لج جدول وما بتملين

كثري من روحات الجزر خاصه لانكاوي صج رومانسيه وبتستانسين فيها

وتقدرين منها تروحين بوكيت

اما بانكوك مانصحج فيها كلش

انا رحت تركيا عاديه جدا وغاليه ورحت ماليزيه مرتين حلوه بس جوه حر

شوفي لو تبغي طبيعة وجو خيالي عندك تركيا…شوفي تقريري بتستفيدي ان شاءالله..~~

اما لوبغيتي جنة الله فارضه من ناحية الطبيعة ماليزيا..روووعه بس جوها والرطوبة العالية تكرهك بس حلووووه ..~~

تايلند قريت عنها رووووووعه واحلى من ماليزيا فالطبيعة..~~

عن نفسي تركيااااااا..وربك الموفق…توكلي على الله…~~

ووووينك يا راعية الموضوع .. قولي لنا وش اخترتي … وليش خلينا نستانس شوي بإختيارك وعقبال ماتكتبين لنا تقرير سفرتج

تركيا ما عجبتني وااااايد انصحججججججج ف تايلند روعه ورخيصه وعندهم مطاعم معروفه هم واسواقهم رووووووووعه