تزيين غرف المواليد في المستشفى 2024.

مرحبا خواتي…

كيف حالكن؟ بغيت لو سمحتوا تفيدوني بأفكار لتزيين غرف المواليد في المستشفى..خصوصاً إن موعد ولادة زوجة اخوي قرب و بغيت افاجأها بشي حلو… و لو سمحتوا ممكن تفيدوني بأمكان حلوة يقومون بتزيين مثل هالغرف في دبي… الله يرضى عليكن بغيت الرد السريع منكن… تحياتي و قبلاتي

صباح الورد

الله يقومها بالسلامه ويرزقها بالولد الصالح انشالله

ويرزقج انتي بعد ويسعدج ويحبب ريلج فيج اكثر واكثر

الي اعرفه ان محلات الورد تنسق بس تتفقين معاهم ويوم هيه انشالله بتكون في الولاده تطلبينهم وهما يرتبون كل شي

ولا تنسين تسوين ركن للبوفيه يكون ارتب وتتفقين مع مطعم يوفر لج معجنات والعصير ووجبات خفيفه غير عن الي بتوفرينه من البيت طبعا

وفري بنتين يقهون ويقدمن لضيوف وبها الشكل بتبيضين ويهج عند هل ريلج وبتستانس خت ريلج

لانج خدمتيها وفرتي لها سبل الراحه في جو من الفخامه

وانشالله اكون ساعدتج

والفال لج

والله مااعندي خبره بهالسوالف
بلتووفيق

تسلمين عزيزتي ام حمدان
على الأفكار…. إنزين ما عندج فكرة أي محل ينسق
هالأشياء بصورة حلوة في دبي… و خواتي الباقيات
مشكورات على المرور

الله يقومها بالسلامة
فيه محل اسمه بالوونز (بالونات) يسوون حركات بالبالونات ودببه وسوالف…………..
ومبرووووووووووك مقدماً

الله يقومها بالسلامة :shy:
فيه محل اسمه بالوونز (بالونات) يسوون حركات بالبالونات ودببه وسوالف…………..
ومبرووووووووووك مقدماً:clap: :gum:

هلا الغالية عندج محل اثير في الشارجة وحدة لبنانية سوتلي في المستشفي وايد روعة

حمد الله على سلامتها مقدماا بس انا جفت مره ولاده وحده عجبتني كانت في غرفة المستشفى مو مشغله الاضاءه بس معتمده على الشموع اشكال والوان كان الجو جناان ورااقي حيل وايم سوري اذا ماقدرت افيدج

هلا اختي سهاري دبي اعرف وحده موطنه افكارها اتجننن كنت امرقده في المستشفى وكانت معدله غرفه قريب من غرفتي وعيبتني افكارها واااااااايد وعلى طول اتصلت بصاحبة الغرفه وطلبت منها الرقم وحلليها عطتني وقلت انشاء الله يوم بيكون عندي مناسبه بتصل فيها واللي حابه اعطيها الرقم ترسلي رساله وفالها طيب