من اسبوعين وأنا الف الامارات من بوظبي الى الفجيره ..
ادور محل متخصص في الشوكلاته ..
علشان عندنا عرس ( عقبالكم ) الأسبوع القادم ..
حصلت في بوظبي ودبي والشارقة محلات متخصصة لكن اسعارها نار !!
الصينية الوحدة الكبيرة توصل 1000 درهم !!
ونحنا نبغي نسوي 25 صينية ( يعني التكلفة بتتطلع 25000 درهم ) !!
ارخص محل حصلته في الشارجة لما عطيته الصواني قال لي التكلفة
بتطلع 13000 درهم !!
لكن وحدة صديقتي من دبي خبرتني بمحل صغير في ( راس الخيمة )
مفتوح من قريب , لما دخلته بصراحة تفاجأت !!
عندة تشكيلة رائعة من الشوكلاته الأوربية وطعمها رائع , اما هدايا المواليد
والمدارس والأعراس فشيء خيالي , بصراحه أحلى بواايد من اللي
شفتهم في بوظبي ودبي والشارجة , لما عطيته الصواني , طلع السعر
رخيص جدا جدا !!
لما سألته ليش ما تفتح في الامارات الأخرى , قال لي الهندي ( كل زباينا
من بوظبي ودبي ) بس في راس الخيمة الايجار ارخص بواايد !! وهذا سر
انخفاض الأسعار !!
لما استلمت الصواني , لقيت الديكورات اللي مسونها للصياني رووووعه !!
أوووه نسيت شيء مهم ( اسم المحل مدينة الشوكلاته ) وموقعه سهل
بعد دوار الساعه في راس الخيمة
اتمنى تكووون مشاركتي مفيدة لكم .. باي باي باي
ولو اني من صلالة
و بحاول اسير عنده اذا كان عدنا عرس و لا قبل العيد:clap:
بصراحه عنده انواع واايد , لكن اللي اشتريته أنا كان صناعه بلجيكية , وكان سعر الكيلو بـ 75 درهم , بس بصراحه لذيذ 
هذا النوع لقيته في دبي , وكان سعر الكيلو 145 درهم , شفتي الفرق !!
واذكر بعد عنده انواع أرخص بـ 45 درهم و 60 درهم ..
وآسفه على التأخير في الرد ..