تعالوا شوفوا لوك بدرجات الوردي من منتهى الأناقة

بحط لكم اليوم لوك سويته أمس حق ملكة ولد خالي..:yahoo:

لون فستاني كان فوشيا:9_28:.. شرات هالورد

الحفلة كانت حلوة و كنا خايفين من المنخفض بس الحمد لله ما مطرت.. حد سألج اشلون الحفلة :gum:؟؟؟!!!

المهم…

بعد تنظيف الوجه … رشيت على وجهي رشتين أو 3 من الfix مل ماك.. و انتظرت لينما نشف:happy1:

و بعدين حطيت المرطب مل الوجه و المرطب مل العيون.. و انتظرت 5 دقايق

بعدين حطيت البيس المفضل عندي و هو اضاءة بنفس الوقت.. حطيته بأصابعي..

بعدين حطيت الفونديشن من غرلاين .. و دمجته عدل بأصابعي..

حطيت الكونسيلر من ايف سان لوران على الجفن العلوي و تحت العين ,, بفرشاة 242 من ماك

والحين دور البودرة المفضلة عندي من غرلاين.. بالطبطبة وزعته عدل … و حطيت شويه تحت العين عشان الكونسيلر ما يتكتل..

و بفرشاة ماك الحلوة 187 وزعت البودرة الحرة من غرلاين بدرجة شفافة بحركة دائرية.. ليما اندمجت الخلطة كلها..زانتيجة فلة :encore:..
طبعا كل هذا الخطوات تشمل مو بس الوجه حتى الرقبة و أعلى الصدر حسب فتحة الفستان:gum:

الحين الظلال و مكياج العين..

نحط الكريم كلر بيس من ماك بدرجة شل على الجفون العلوية بالكامل بفرشاة 242 ملت الكونسيلر..

وزعت بفرشاة مكياجي مالت الظل ظل النايلون من ماك و اللي نسيت أصوره :Zb_sor1:…
في الزاوية الداخلية من الجفن العلوي لثلث العين تقريبا..
و بعدين بنفس الفرشاة حطيت الظل الوردي الفاتح من انجلوت على الثلث الثاني من الجفن العلوي

و بعدين الثلث الأخير حطيت الظل الفوشيا من انجلوت و بنفس الفرشاة

وفي الزاوية الخارجية رسمت > صغيرة بظل من ماك

و فوق عظمة الحاجب حطيت من ظل نوبا السايب الصدفي بفرشاة ماك رقم 202 بالطبطبة بس..

وبعدين دمجت الألوان كل لون باللي جنبه لحد ما اختفى الحد الاصل بين كل لون و ثاني.. طلع وايد كووول
طبعا الدمج كان بفرشاة ماك 222

بفرشاة ماك 202 وزعت بالطبطبة على الظل الوردي الفاتح الستار بودر الوردي من makeup forever

و جبت long wear gel eyeliner من بوبي براون بلون بنفسجي و حطيت على خط الرموش العلوية بفرشاة الايلسنر من بوبي براون.. و بالفرشاة المشطوفة من ماك رقم 266 حطيت خط على الرموش السفلية و بعدين بعود القطني مل الاذن موهته شوي,,

و بعدين كحلت عيوني من داخل بالقلم الكحل الأسود من ماك و حطيت من المسكرا المفضلة من ايف سان لوران

وزعت shimmer glimmer Loves pink من ماك على تفاحة خدودي و ار نبة الأنف شويونية و شوي على الجفين
طبعا أي شي كريمي أحب أوزعه بأصابعي

حطيت على شفايفي روج فوشيا من لانكوم رقم 303 بعد ما حددتهم بلب لاينر مناسب من لانكوم نفس الشي

و بعدين غلوس ماليبو باربي من ماك

اخر شي اخذت الستار بودر الوردي و حطيت شوي بس على اعلى خدودي و رشيت الفكس مرة ثانية على وجهي ,,,
و خلص…