حابة انزل موضوع جديد والموضوع دا قررت اكتبه بعد بحث طويل عن طرق تفتيح المنطقة الحساسة
ومن خلال بحثي عرفت انها مشكلة تختلف عن المشاكل الجمالية الاخرى كحب الشباب وتحتاج لمعرفة الاسباب قبل العلاج
ومن اغلب الاسباب الي تسبب السواد
هي الرطوبة
يب بجد اغلبكم سمع عن كريم البيتادين انا بصراحة ماجربته لكن الي فهمته ان يقضي على البكتيريا المسببة للسواد
فقررت انو اول خطوة اعملها هيا التخلص من دي الفطريات
بشي مرة حلو ومعقم طبيعي اغلبنا غفل عنه الي هوا
موية وملح
الشي دا مرة ممتاز لاي بكتيريا ويعتبر معقم طبيعي
وقررت ابدأ فيه ان شالله من بكرا
وحهتم بتعقيم المنطقة قبل كل شي
تاني سبب لسواد المنطقة هوا
انو المنطقة مكتومة وتحتك بالملابس الداخليه والاحتكاك يسبب لنا سواد
فأحسن حل للمشكلة هادي هي اننا نلابس شورتات شوية تكون فضفاضة
اخر سبب ومن اهم الاسباب هي النظافة
الرجاء
الاهتمام بشيل الشعر مزبوط ومانخليه ابدا لانو هوا سبب تكاثر البكتيريا
خلصنا من دا كلو
نبدأ بخطوات العلاج :thumbs_up:
اول شي زي ماقلنا راح نهتم بالتعقيم
والي هوا كريم البيتادين او موية ملح
خلصنا من المرحلة دي
راح تبدأ بخطوة تانية مرة مهمة والي هي التقشير
واحسن شي ممكن نستخدمه للتقشير هو زيت الزيتون + السكر
المرحلة التالته راح يجي دور الترطيب وهادا شي مرة مهم
وانا عندي خلطة انما ايه جربتها على ركبي وكانت النتايج من الاسبوع الاول
والحمدلله صار لونهم مرة خفيف وقريب من لون جلدي
وقررت استخدم الخلطة على المنطقة لانها ترطب وتبيض
الخلطة هي
ربع فنجان زيت لوز
ربع فنجان زيت خروع
ربع فنجان زيت جنين القمح
ربع فنجان زيت الجلسرين
وعصير نص ليمونه
بعد مانخلص من خطوة التقشير نحط الخلطة على المنطقة وننام
وياليت مانلبس ملابس داخلية ضيقة
😉
وبس هذا موضوعي واتمنى الكل يستفيد منه
وانا ان شالله راح اتابع الموضوع واكتب ملاحضتي عن تجربتي كل اسبوع
واشوف اذا في فرق او لا
😮
ليــ عودة
وشكل الخلطة حلوه ..^^
نتريـــاااا البقيه ..