بنتي عمرها سنة وشهر وترضع بس طبيعي وترفض الاكل وانا بصراااااحة تعبت وصدري يعورني…. ممكن بعد ها الوقت تتقبل الرضاعة الصناعية.. وبعد كيف اخليها تاكل… لانه وزنها 9 واحس انها كتكوته..
ورمضان على الابواب واحس اني بتعب لانها ماشالله ترضع وااااااااايد
ياريت اتحلووووووووووني وتساعدوني..
اختكم
والله انتو في نعمة يوم بنتج ترضع منج طبيعي ما شاء الله
انا حليبي شوية ولا يشبعها حتى ساعات ترضع هواء مافيني حليب واظطر اسويلها حليب صناعي
الله يخليها لج وبارك فيها
حليلة كل ما يرضع احس انه ما يطلع شي .. فقير يمص ويمص واخر شي ينام.. مادري يمكن يتحراها مصاصة ..
بس بنت خالتي تقولي هو يشرب بس انتي ما تحسين ..
كنت داشه اكتب مشكلتي بس قلت خلني اشوف الموضوعات يمكن احصل شي يفيدني لقيت مشكلتي مكتوبه واللي هي مشكلتج تمام الفرق ان بنتي عمرها سنه وشهرين
ودي اكمل رضاعتها بس مثل ماقلتي تعبت وصدري يعورني فوق هذا كله اتم طول الليل تقريبا ترضع ..
وانا وياج اتريا حلول الخوات ابي اعرف كيف افطمها من غير ما اتعب انا او هي
ارجووووووووووووكن ياالمجربات ساعدونا الله يوفقكن ..
تحياتي
اذا ما طاع يشرب بالمرضعه بالكاس واذا ماطاع بالابرة اللي يعطيها لكم الدكتور وقت ما يكون الطفل مريض وافضل ابرة ام 10
مل انا تعبت في البدايه مع ولدي بس الحين الحمدلله يرضع من المرضعه
وعقبالكن
وكيف اعرف اذا شبع ولالا؟؟
يالله والله احيانا عقب ما ارضعه ويرقد اقعد احاتي يمكن ما طلع شي والفقير نام وهو يوعان .. بس من ينش يرجع .. :think: معادلة صعبة
بنتي اتسويلي هالحركات لو مافي حليب اتحرج وتنكمش ووتتحرك فديتها والله
اخواتي الامهات .لا تقلقون ولا شي الحليب موجود عند كل ام .وهذا رزق من ربي للطفل وياخذة من خلال امه ..والام الي تقول ما فيها حليب غلطانه ..هو يبيله صبر واصرار على الرضاعه الطبيعيه …انا عندي خمس اطفال ..والحمد الله كلهم رضعتهم طبيعي ….واخر واحد رضعته حتى صار عمرة ثلاث سنوات ……
شوفو حبيباتي .مهب شرط ان الطفل يرضع بالرضاع اي نوع من السوائل .استخدمي المصاص مع الكوب وحطي العصير او اي شي سائل له .افضل من الرضاعه لانها تسبب امراض كثيرة وبعد الطفل يتعلق فيها وصعب تفطمينه عنها.وهذا الكلام من تجربتي ……. والطفل وهو عمرة ست شهور قادر على استخدام المصاص مع الكوب .انا كنت اخذ المصاص من علب العصير واصب للطفل عصير طبيعي بالكوب العادي وامسك الكوب بيد والمصاص بيد ثانيه وشوي شوي يتعلم عليه وبسرعه هذا ما يحضرني الان .واي سؤال انا جاهزة
اهم شي ان كل ام ترضع طبيعي يجب ان تفتخر بنفسها …..ولا تفطم طفلها قبل السن المفروض للفطام وهو عمر سنتين ….. ولا تخاف ولا تحزن .لها اجر عظيم عند ربي ….والطفل الي يرضع من امه يكبر ويصير طفل حنون والكل يحبه .وهذا الكلام من تجربتي مع اولادي ..ثلاثه والحمد الله جامعين والكل يشهد لهم بحسن الاخلاق والطيبه والمحبه وبارين بوالديهم
طمنوني اخاف ايوعة ….
حبيببتي لا تخافين ولا شئ حليبك يكفي وزياده …والله هذا الكلام اليوم ناقشته مع الدكتورة ….. وقلت لي كل ام عندها الحليب الكافي وزياده .اهم شي رغبتها وحبه بالرضاعه الطبيعي هذا الاحساس يساعد على ادرار الحليب