من زمان ما كتبت موضوع يديد…
السلام عليكم و رحمة الله و بركاته…
mixing medium
Duraline
eyeseal
أسماء مختلفة لمنتج واحد… الغرض منه تثبيت الشدو الحر…
اليوم بنصنع مثبت الشدو الخاص فينا…
بنحتاج لـ :
1- ماء
2- جليسرين
3- وعاء غرشة قوطي علبة للحفظ
الفكرة من هالاختراع بسيطة جدا … انج تخلطين هالشيئين بس بنسبة محددة …
3:1
يعني مهما قلت كمية الخلطة أو كثريتها سواء 1 مل او 1 لتر لازم تظل هالنسبة ثابتة…
و 3 للماي و 1 للجليرسين…
يعني فرضاً بيكون المعيار مالج ملعقة طعام.. اتحطين ملعقة جليسرين و 3 ملاعق ماء…
او اذا بغيتي تزيدين ملعقتين جليسرين و 6 ملاعق ماي… , و هلم جره
استخدمت غطاء الجليسرين كمعيار للقياس … و أول شي تحطين الجليسرين
خلصنا الجليسرين… و بعدين نحط الماي و نخلطهم بالرج الخفيف
و هذا المنتج النهائي مع معشوقتي الأبدية هلو كتي :16:
التطبيق…
لما تبين تستخدمينه … تحطين قطرتين او ثلاث في غطاء الشدو و تمسحين الفرشاة في الغطاء…
طبعا نوعية الفرشاة وايد تؤثر…
و طبعا مع الجلتر الخشن أحس ضروري تستخدمين المحلول… و لا بيطيح على كل ويهج الجميل
و شوفوا كيف لصق الجليتر في الفرشاة… على فكرة هالجليتر من ماركة كلاسيك و فعلا رهيب
**إضافة**
الخطوات بالترتيب…
1- تشيلين غطاء الشدو… و غالبا ما بيكون فيه فائض على الغطاء و هالكمية غالبا ما تكون كافية من وجهة نظري…
2- تحطين قطرتين أو ثلاث قطرات بس من المحلول
3- شكله غريب شوي هني
4- و بعدين تمررين الفرشاة غلى الغطاء و تلتقطين الكمية المناسبة…
5- شكله بيكون جي…
6- و بعدين تحطينه على عيونج… بس طبعا انا حطيته على ايده عشان تشوفون كيف ان اللون بيطلع واااضح.
(g)
ما شاء الله كيف خطرت هالفكرة على بالج؟؟؟
اول مرة اعرف كيف يصنعون المثبت …واستغريت من المكونات
كشخة نروم نسوي كل اللي نحتاجه من افكاركم الحلوة
الدور والباجي نتعلم كيف نصنع المكياج …اسميها جيوبنا بترتاح من الدفع 
تسلم ايدج حبيبتي وتسلم افكارج المبعدة
ويقولون من طول الغيبات ياب الغنايم
 |
اقتباس |  |
 |
| طيب كيف يثبت الشدو؟؟؟؟ | ||
 |
 |
عادي حبيبتي … شوفي الجليسرين مادة كثيفة و سميكة جدا… يعني هي اللي تخلي الشدو يمسك في بعضه..
و الماي نستخدمه للتخفيف من كثافة الجليسرين…
|
اقتباس | |
|
| يا سلام على الغالية حصوصة
ما شاء الله كيف خطرت هالفكرة على بالج؟؟؟ اول مرة اعرف كيف يصنعون المثبت …واستغريت من المكونات كشخة نروم نسوي كل اللي نحتاجه من افكاركم الحلوة الدور والباجي نتعلم كيف نصنع المكياج …اسميها جيوبنا بترتاح من الدفع تسلم ايدج حبيبتي وتسلم افكارج المبعدة ويقولون من طول الغيبات ياب الغنايم |
||
|
|
ههههههههههه… و الله لو تعرفين كيف رسمتي البسمة على شفاهي…
طبعا الفكرة ة … وايد قريت عنها قبل في مواقع أجنبية … بس تقدرين اتقولين اني النسخة المعربة مثل المسلسلات المكسيكية..
و اللي خلاني صدق اتشجع اني اسوي هالشي اني كنت تعبانه من الاي سيل من ميكب فور ايفر … وايد ينقط و يوسخ السدة …فحسيت انه هالطريقة أفضل…و أنظف
طيب لو بغينا نثبت به الكحل والشدو كيف نستخدمه يعني نحطه بعد ما نخلص والا قبل؟؟
|
اقتباس | |
 |
المشاركة الأساسية كتبها الإبتــ:)ـسامه  |
 |
|
| مشكوره حبيبتي ما قصرتي الله يعطيك العافيه طيب لو بغينا نثبت به الكحل والشدو كيف نستخدمه يعني نحطه بعد ما نخلص والا قبل؟؟ |
||
|
|
شوفي يا الغالية… لا قبله و لا بعده … لما اتحطين الشدو في الفرشاة… نفس الوقت تحطين يكون المحلول موجود,…
و الكحل تحطين نقطة على ايدج من المحلول و تمررين القلم عليه…
بحطلج الحين توضيج بالصور…
اسفة اذا ما كان جوابي واضح… احس اني ما فهمت السؤال عدل..
اعذريني يالغالية… و ان شاء الله الحين بحط صور أكثر
مشكوووره على الطريقه ..
بحاول اجربها ان شاء الله !
والطريقه هذي حلوه وسهله والمكونات متوفره عند كل حد.
تسلم ايدج الغاليه:clap:
|
اقتباس | |
|
المشاركة الأساسية كتبها حصوصة الخربوطة |
|
|
| شوفي يا الغالية… لا قبله و لا بعده … لما اتحطين الشدو في الفرشاة… نفس الوقت تحطين يكون المحلول موجود,…
و الكحل تحطين نقطة على ايدج من المحلول و تمررين القلم عليه… بحطلج الحين توضيج بالصور… اسفة اذا ما كان جوابي واضح… احس اني ما فهمت السؤال عدل.. اعذريني يالغالية… و ان شاء الله الحين بحط صور أكثر |
||
|
|
يعطيك العافيه حبيبتي
أنا فرحت لما شفت الموضوع لأني كنت ناويه أشتري الآي سيل من فور إيفر
وفرحت إن فيه بديل بس أبغى أعرف طريقة الإستخدام بالضبط