بنات انا ابي اعرف ليش لازم الوحده قبل ماتحط مكياج تنظف وجهها بغسول وليش تسوي تقشير ؟؟؟ شنو الفايده من هالخطوة؟
والسؤال الثاني ..
انا بشرتي جافه جدا .. ودايما احس ان في جلد ميت صوب جبهتي وخدودي .. بصراحه انا بس ارطب ويهي وعقب احط المكياج وللاسف يطلع متقطع واحس الجلد الميت يبين تحت الميكاب .. هل هذا بسبب اني مانظف ولا اقشر ويهي قبل وضع المكياج؟؟
ورجااااء .. الله يخليكم .. حد يقولي شنو احتاج حق بشرتي الجافه قبل وضع المكياج .. وشنو احتاج للعنايه اليوميه 
والله صرت ماحب احط مكياج في ويهي لان البودره تطلع مقطعه ومب حلوه .. يطلع تحتها نفس الحبوب الصغيره ..
انتظر حلكم:15:
ولا وحده تعرف شنو يناسب البشره الجافه!!!!!
التقشير ينعم البشرة وينظفها من الجلدة الميتة
زي المشكلة اللي صايرة معك
علشان كذا لازم تسوين تقشير خفيف مثل مقشرات همالايا
رهيبة تعجبني حق المشمش
ورطبي وجهك قبل النوم بفازلين جونسون أو فازلين ب فيتامين E
وكثري من شرب الماء (8 أكواب يومياً)
إستخدمي مرطب قبل وضع المكياج مايكون دهني مرة
مثل اللي أستخدمه يناسبني أولاي بخلاصة روق التوت البري
حلو لقبل المكياج ..
سوي روب بوجهك لمدة 5 دقايق
بعدين سوي عليه إسكينول بابايا
مرة حلووو
وأهم شي لما تكوني في البيت
ترطبين البشرة دايماً
وأي سؤال أنا حاضرة
دعواتك أن الله يحقق لي أللي أتمنااااه
بقولك أنآ وش أسوي لوجهي وآن شآء الله تستفيدين
أنآ اسوي أقنعه لوجهي كثير يعني لازم با الأسبوع مرآ مرتين
عند الزبآدي والعسل مرآآ روعآآ , وعندك الخيآر وملعقتين حليب بودره وبيآض البيضه جنآن مرآ تشد الوجه توني مغسلته من وجهي .
وهذي الأشيآء مرآ مخليه بشرتي نآعمه وجنآن مآشآء الله
والله يسآعدك يآقلبي لاتنسيني من الدعآء
ان شاء الله اجرب
انه مشكلتي وجهي يطلع نووع الحرار الصغير بوجهي بس يكوون دااخل البشرة ، مو ظاهر مثل حب وموعارفه اشلوون انظفه
استخدم انه غسووول كلين ان كلير المقشر اليومي الصبح وغسوول النييم من هميلايا لليل وكل مااحس وجهي وصخ او صاار دهني وطبعا ارطب بمرطب الصباحي من مجموعة الشاي من البودي شووب …واسويها تقشير بالطين الاخضر المغربي كل اسبووعين
اللي عنده حل ياريت يفيدني
انا رحت السوبر ماركت وخذيتلي كمن شي وان شاء الله يفيدوني