توزيعات الورد في عرس أخوي بالصور 2024.

صباح ومسا الخير على كل العرايس والبنوتات

يا ورد يا مهديني الورد
شكرا على لطفك وذوقك
تسلم وتسلم هذي اليد
لي بروزت حبك وشوقك

وإن كان لي في خافقك ود
والحب يجري في عروقك
سلم عليه وبلغه أن
بلغ تحياتي خفوقك

اليوم راح أعلمكم اشلون سويت توزيعات عرس أخوي بالخطوات المصورة والشرح الوافي إن شاء الله

فكرتي عبارة عن توزيعات ورد داخلها شوكولاه، وايكونون في سلة مرتبة، طبعا أخذت فترة طويلة وأنا أدور على نوع الورد المناسب كنت أبغي ورد يكون في فراغ في الوسط عشان أثبت فيه الشوكولاه، وأخيرا بعد طول معاناه حصلت الورد المطلوب، وابتديت العمل.

الأدوات المستخدمة:
3 باقات ورد، عدد الورد 72 وردة
5 علب شوكولاته فيريرو روشية الذهبية
سلة كبيرة
قماش تول ذهبي بلمعة مترين
قطعة فلين
ورد صناعي كبير وصغير وغصون ذهبية وخلافه
مسدس الشمع الحراري

طريقة العمل:

هذي كانت السلة قبل العمل

أخذت التول وقصيت منه قطعة وثبتها على المسكة بطريقة حلزونية، وبعدين أخذت الباقي ولفيته على السلة وعملت حركة على الطرف.

بعدين زينت الطرف بالورد ونسقته بطريقة مرتبة وناعمة، ووزعت حبات اللولو على المسكة وصار بهالشكل

والحين نجي لطريقة عمل الورد، أخذت باقات الورد وقطعت كل ورده على حده بهذي الطريقة

وبعدين أخذت الورده وحطيت بوسطها الشمع الحراري ولصقت عليها الشوكولاه، وصار هذا شكلها عجيبببببببب

وبعدين جبت الفلينه وحطيتها داخل السلة وقمت أغرز الورد فيه حتى كملت الكمية كلها

وهذا شكلها النهائي

وطبعا وزعناها في العرس بعد الزفة ولما إرتاحوا المعاريس وشربو العصير وقطعو الكيك، أخذت السلة ووقفت في الممر بين الطاولات وخليت بنتين يقطفون من الورد ويوزعونه على الناس، وكانت الحركة وايد حلوه.

إن شاء الله تعجبكم توزيعاتي

ما شاء الله فكرة بسيطة وروووووووووعة ..

ومختلفة تقريبا ..

يعني فكرة انج تستخدمين شوكليت فيريرو جديدة وغير مستهلكة ..

ما شاء الله عليج مبدعة ..

الله يهني المعاريس ان شاء الله ويتهنون ببعض ..

ما شاء الله ……
شغلك إبداع ….
وروووووووووووعه

وايد حلو

موضوعج حلو وفكرته ذكية
حاولت التقييم بس ما خلاني

كثير روعة فديتك

بس سؤال الورد كان طبيعي او صناعي ؟؟

تم قييمك

عجييييييييييييييييبة الحركة واااااااايد حلوة ونعومة

ما شاء الله فكرة وايد حلوة يعطيج العافيه اختي وعساج على القوة