أنا بصراحة أمشي يومياً أو شبه يومياً نص ساعة على آلة المشي
وأحس اني محافظة على وزني لا أضعف ولا أمتن
لكن بصراحة هالأيام ألاحظ اني أمتن مع المشي
وشفت لقاء في إحدى القنوات .. مع طبيب في التغذية أمريكي .. قال المشي فائدته لتوزيع سوائل الجسم وتنظيم الدورة الدموية والنشاط إلخ من هالكلام .. لكنه ما هو وسيلة للتخسيس .. إلا إذا جلستي طول اليوم تمشين !
حتى لو كان مشي سريع .. وإن عملية الأيض وحرق الدهون .. تخف تدريجياً مع التقدم في العمر ..
فنحتاج إلى رياضات أكثر عنفاً من المشي .. للحفاظ على الوزن .. والعظام والمفاصل سليمة ..
بعد سن 25 وحتى سن 45 .. وقد يكون أكثر ..
قال الرياضات اللي تحرق سعرات حرارية .. هي الركض .. أو السباحة لفترات طويلة .. أو الرياضات العنيفة الأخرى .. مثل كرة السلة وكرة القدم .. إلخ ..
أنا قررت لما عرفت الموضوع اني أجري في البيت ..
على آلة المشي نفسها ..
بس بصراحة ما أعرف كيف أجري ؟ أقصد كم مفروض تكون السرعة للمبتدئين والمسافة والوقت ؟
وهل هالسرعة والمسافة تزيد يومياً ولا كل أسبوع ؟
وهل لها علاقة بضربات القلب ؟
أنا أبغي اللي عندها خبرة في هذا المجال ..
انها تسوي جدول يومي للركض .. لي ولكل أخت حابة تشاركني ..
وكل أسبوع راح نحط عدد الجرامات اللي نقصناها ..
شرايكم ؟
.
إن اللي بتحط الجدول الله يجزيها خير ، أتمنى انها تكون فعلاً خبيرة في مجال الرياضة
لأن الجدول غير المدروس قد يكون خطر ويضر بعضلة القلب .. والتنفس
فهل في موقع عروس دوت كم خبيرة في مجال الرياضة ؟
شاكرة لكم
وان شاء الله بتلاقي اللي يريحك هنا…
طول عمره المشي احسن انواع الرياضه لتخفيف الوزن
وياما ناس ضعفو من المشي
اممممم بس الركض بعد وايد زين ويضعف اسرع
شوفي بصراحه ما اروم افيدج بشي لاني مب خبيره
لكن انتي ركضي بالسرعه اللي ترومين عليها والوقت اللي تقدرين تستمرين فيه
وكل مره زيدي اشوي
موفقه حبوبه
أنا فعلا مستغربة زي أختنا كيف المشي ما يخفف الوزن
شوفي بقلك شغلة بسيطة إنتي لو كان عندك جهاز السير أعلى سرعة فيه 12 كيلو امشي بسرعة 6 كيلو أو خمس في البداية وتتدرجي من 5 لخمسة ونص ل 6
امشي باليوم الواحد بداية 2 كيلو
لمدة اسبوع مثلا
وبعد كذا امشي 3
وبعد اسبوع
4 كيلو في اليوم
وعلى فكرة ممكن اذا شفتي المسافة4 في اليوم كثيرة قسميها 2 صباح و2 ليل
وشيء مهم خلي يومين في الأسبوع راحة عشان العضلات ماترهق
وبالنسبة للركض تقدري تركضي على سرعة 7 أو 8 لمدة بسيطة مبدئيا بعد ماتتعودي على المشي ويكون الركض 5 دقائق …
ترى السير جدا رائع لتخفيف الوزن ومعاه اعملي تمارين شد البن بتلاقي نتائج طيبة
وملاحظة
أنا مش أخصائية لكن مجربة
تحياتي لك
أريش العين
فتاة الجزيرة
جزاكم الله خير على الردود والمشاركة
أنا فعلاً استغربت من رأي الأخصائي
ويمكن اقتنعت بكلامه لما فعلاً صرت ألاحظ اني ما نحفت مع المشي
يمكن يقصد اللي تمشي كثير يعني يمكن 3-4 ساعات في اليوم
هي اللي تستفيد
أما اللي مثلي كسلانة .. تمشي بس نص ساعة
راح تستفيد أكيد .. لكن مثل ما قلت .. تكون نشيطة والدورة الدموية عندها منتظمة
وتمنع الترسبات الدهنية والسيلولايت ، وتمنع بإذن الله حدوث الجلطات
لأنها فعلا تساعد على التخلص من الدهون الضارة " الكولستيرول "
لكنها ما تخسس أو تنحف أو تحرق السعرات الحرارية بشكل كبير مثل أي رياضة عنيفة أخرى أو شبه عنيفة
بالعموم مثل ما يقولون " الجهر ولا العمى " 😎
اللي تمشي أفضل من اللي جالسة على التلفزيون وهالقنوات
" أكل ومرعى وقلة صنعة " 
أنا بإذن الله بطبق تجربتج اختي فتاة الجزيرة
وإن شاء الله تفيدني وبقول لكم النتائج
جزاكم الله خير مرة أخرى
ولا تحرمونا من آرائكم ومشاركاتكم
.
ممكن كل يوم نص ساعه مرة ركض ومرة مشي
أو ربع ساعه مشي وربع ساعه ركض في نفس اليوم
وانا باشترك معاج من بكره ان شاء الله وباقولج النتيجة الاسبوع الجاي
تقبلي مروري
