شخبار عرايسنا الحلوين؟ عساكم دوم بخيرإن شاء الله…
الله يسلمكم، الأسبوع اللي فات كنت أتفرج على Giada De Laurentiis على فتافيت… و كانت تسوي صينية الكوسا بالجبن… و خطواتها سهلة كثير و شكلها كان يشهي…
طبعاً أنا ركضت عالمطبخ و طبقتها… طلعت أكثر من راااائعة… و من كثر ما حبيتها ثاني يوم جربتها بالبطاطس، بس سويت فيها تغيير بسيط…
و ثالث يوم سويتها و جمعت الكوسا و البطاطس مع بعض… و الطعم ما زاال راااائع… أنصحكم تجربونها…
نبدأ فيها بسم الله…
أنا مقاديري اللي استخدمتها هنا كثيرة لأني سويت صينيتين… و انتوا سووا الكمية اللي تحتاجونها….
4 ملاعق كبيرة زيت
3 بصلات كبيرة مقطعة شرايح رفيعة
3 فصوص ثوم مقطعة شرايح رفيعة
خمس حبات بطاطس كبيرة مقطعة شرايح رفيعة
نص كوب ماء
نرفع البصل و الثوم مع الزيت في قدر كبير، أو مقلى عميق و نقلبهم على نار هادية لحد ما يذبل البصل و يصير لونه شفاف…
اللي ما يحب البصل يقدر يستغني عن هذي الخطوة…أنا أضفتها من عندي عشان تعطي نكهة…
بعدين نضيف عليهم البطاطس و الماء، و نقلبهم مع بعض…
نخفف الحرارة و نغطي القدر… نتركهم عالنار لحد ما ينتشرب البطاطس الماء، و نقبلهم من وقت لوقت…
طبعاً كل ما قلت كمية البطاطس، نقلل كمية الماء…استخدمنا الماء هنا عشان نطبخ البطاطس نص سوا… تقريباً بياخذ ربع ساعة… بعدين نخليها تبرد شوي…
نجيب الحين:
7 حبات كوسا كبيرة مقطعة شرايح طولية رفيعة
ملح – فلفل أسود
جوزة الطيب (إختياري)
كريمة خفق
2 كوب جبن تشيدر مبشور
1 كوب جبن بارميزان مبشور
2 كوب جبن موزاريللا
2 كوب بقسماط
2 ملعقة كبيرة زبدة لينة
نبدأ الحين عملية التجميع 
في صينية بايركس عميقة مدهونة… نصف طبقة بطاطس، و نورزع فوقها البصل و نرشها بالملح و الفلفل الأسود و جوزة الطيب…
بعدين نصف فوقهم طبقة من شرايح الكوسا، و نرشها الملح و الفلفل الأسود و جوزة الطيب…
نجيب الحين الكريمة… مقدار الكريمة نقيسه بالعين، نصبها بشكل خطوط خفيفة فوق الكوسا، بس مو نغرقها…
بعدين نرش فوقها نص كمية الأجبان (التشيدر، و البارميزان، الموزاريللا)
و في الأخير نرش نص كمية البقسماط…
نرجع نكرر نفس الخطوات مرة ثانية… بطاطس، بصل، بهار، كوسا، بهار، كريمة… بعدين نضيف باقي كمية الجبن و البقسماط… في الأخير ناخذ الزبدة و نوزعها على الوجه… اللي يبي يخفف الدسم، يستغني عن الزبدة…
ندخلها الفرن في الرف الأوسط، بحرارة 350 و لمدة 45 دقيقة… قبل ما تطلعونها من الفرن بطرف سكين حادة تأكدوا إن الخضار استوت تماماً… إذا تحمر الوجه و الخضار ما استوت، غطوا الوجه بورق ألمنيوم لحد ما تستوي…
و هذا شكلها بعد ما طلعتها من الفرن…
و بعد ما تطلعونها من الفرن خلوها لمدة 10 دقايق قبل ما تقطعوها عشان تتماسك…
و هذا شكلها النهائي…
(f)و ألف عافية و صحة على قلوبكم (f)
مجهود رااااااااااااااائع…بس سوالي لك ممكن نقلي شرائح الكوسا علشن الإستواء ولا عادي نحطها بالصينة بدون استواء وهي بالفرن بعدين تنضج…و الكريمة هل خففتيها ولا بدون إضافات ….وتقبلي مروري وأشكرك على المجهود
 |
اقتباس |  |
 |
المشاركة الأساسية كتبها الدب السمين  |
 |
 |
| يشرفني أكون أول وحدة ترد عليكي..بصراحة فكرة روعة ومن شكلها أكيد طعهما بيكون لذيذ وبصراحة الشغل جدا مرتب ونظيف …قناة فتافيت هاي مجننتني وووووووااااايد مدمنة عليها وعندهم وصفات روعة … مجهود رااااااااااااااائع…بس سوالي لك ممكن نقلي شرائح الكوسا علشن الإستواء ولا عادي نحطها بالصينة بدون استواء وهي بالفرن بعدين تنضج…و الكريمة هل خففتيها ولا بدون إضافات ….وتقبلي مروري وأشكرك على المجهود |
||
 |
 |
العفو حبيبتي..
يشرفني مرورج…
بالنسبة لشرايح الكوسا، ما في داعي تقلينها… لأنها شرايح رقيقة فتستوي بدون أي مشاكل 
أما البطاطس أنا طبخته شوي لأنه أقسى من الكوسا… بدون ما أقليه، لأن الصينية أساساً دسمة، والقلي بيزيدها دسومة
و الكريمة أضفتها بدون تخفيف… بس صبيتها فوق الخضار لكن ما كثرت
و سلامتج (f)
ماشاء الله تبارك الرحمن طبق شهي …
تسلم الايادي ياحبيبتي
أسعدني مرورج الحلو…
نورتي موضوعي (f)
من روووعةوانشالله بجربهاااا ……………………..
http://forums.3roos.com/showpost.php?p=14674754&postcount=262
|
اقتباس | |
|
المشاركة الأساسية كتبها saloa |
|
|
| ماشاء الله طبق شهي … تسلم الايادي.. | ||
|
|
الله يسلمج يالغالية…
نورتي الموضوع بمرورج (f)
|
اقتباس | |
|
المشاركة الأساسية كتبها TekTakToe |
|
|
| تسلم ايدج على هاي الطبخة اللي اكثر من روووعةوانشالله بجربهاااا …………………….. |
||
|
|
انتي الأروع بمرورج عزيزتي (f)
|
اقتباس | |
|
المشاركة الأساسية كتبها أسيرة حنانه |
|
|
| تجنن بس للاسف ما حب الكوسا | ||
|
|
يا هلا فيج عزيزتي…
مو مشكلة الكوسا… ممكن تعملينها بالبطاطس بس