السويس رول بالرمان………
المقادير: هذي مقادير صينية بايريكس كبيرة
2 باكيت كيك سويس رول ( الأصابع) مقطع شرائح ونرصه في البايريكس ( طبعا حسب حجم البايريكس يمكن تحتاجون أكثر من أو أقل من 2 باكيت سويس رول
2 باكيت رويال جلي
2رمان
مقادير الخلطة:
2 قشطة
2دريم ويب
1حليب نستله المركز المحلى
الطريقة :
تخلط في الخلاط الخلطة المكونة من ( القشطة + الدريم ويب + الحليب) ونصب الخلطة فوق الكيك ونضعه في الثلاجة….تقريبا ساعة وأثناء وضع الكيك مع الخلطة في الثلاجة نعمل الآتي:
نسوي جلي ونخليه يبرد بعدين نحط الرمان مع الجلي ….. وبعدين نصب الجلي والرمان فوق الكيك اللي في الثلاجة …. وتقدم باردة ………….
طبعا كل ما كثرتي الرمان كان ألذ يعني الحلاوة من فوق كلها لون أحمر رمان مع الجلي ….ممممممممممم لذيذ……………. جربوها وخبروني شو رايكم فيها
بس حبيت
أتأكد سويس رول في منه نكهات وماركات
أي منهم تستخدمين
والحليب أي حجم
وسلمت يدااااااك
اختي لمياء البحرين …… أنا أستخدم أمريكانا بنكهة الفراولة أو المربي على ما أعتقد………. الحليب المركز الحجم الوسط
جود الدلع
الأنوار
تسلمون والله يعطيكم الصحة والعافية
اختي أم حمدان………يمكن ما ربط يوم حطيتيه في الفريزر ……… بس حتى لو طفح السويس رول فوق والجلي والرمان فوقه .. بعدين حطيه في الثلاجة أكثر من ساعتين ….اتحسين الخلطة كلها لونين ممزوجين أحمر وأبيض كأنه أيسكريم …. وطعمه لذيذ