حل لمشكله التعرق 2024.

خواتي بلييييز ابا حل لمشكلتي
اكتب وانا منحرجه الصراحه
انا تكرمون من النوع اللي ما اعرق وايد واذا عرقت ما تطلع مني ريحه فايحه ذاك الزود
ربيت من اسبوعين ولاحظت على عمري اني اعرق بزيادة والريحه الصراحه اول مرة اشمها ف عمري
لاعت جبدي من عمري شو ممكن اسوي وشو الحل يا جماعه
ويوم ارقد بليل احس اني دايما اعرق
ابا الحل بسرعه قبل لا اخلص الاربعين
*

عادي طبيعي يمكن من الحلبة والاشياء اللي تاكليها بهالفترة
الاستحمام والديودرنت يخفف المشكلة

مشكورة ريمان
بس انا ماشرب حلبه او اي شي يخلي ريحه الجسم جيه اكلي نفس ما هو ما تغير

عشان تاكلي وتشربي اشياء ساخنه وترضعي اتوقع

عادي هذى السوئل محجوزه بالجسم والان يتخلص منها
والحلبه ضروريه لنفاس خاص اول عشرين يوم

امين
يارب

الحمد لله على سلامتج عسولة ومبروك البيبي …

+ مادامج نفاس اشربي هذا الشاي وحده مدحته تقول ينظف الجسم عدل في النفاس وهو عبارة عن زعتر + ينسون بكميات متساوية حطيهم في دلة وصبي عليهم ماي حار وخليهم 10 دقايق وبعدين اشربي منه طول الوقت ينظف الجسم

+ شيء ثاني حطي ملعقة ماي ورد في بطل ماي الكبير مال الشرب …واشربي منه على الريج وكل ما عطشتي وايد بعد يمدحونه حتى لما تعرفين بتصير ريحتج حلوة

+ وأخر شيء سوي ماسك للجسم من السدر وحليب نيدو وروب يصفي الجسم وبعد يخلي ريحة الجسم حلوة

هذا الي عندي ان شاء الله يفيدج وطمنينا عليج

Tayma
مشكورة حبيبتي عالمعلومات اللي عطيتيني اياها
يزاج الله الف خير