الخطوط: طيران الإتحاد عن طريق مطار أبوظبي
الوصول: ظهرا 6/6/2009
هذي صورة كوالالمبور من الطيارة وصورة للمدرج… وبعدها عبودي بالمطار وهو حاط الكمامة…
أخذنا تاكسي المطار أول ماتطلعون من بعد الشنط تلاقون مكتبهم تدفعون وبعدين يعطونكم الرصيد وتطلعون وتشوفون تكاسي الشركة واقفين (70 رنجت لسنواي لاجون)..
أتجهنا مباشرة لفندق سنواي لاجون Pyramid Tower وبسرعة خلصوا إجراءتنا وماقصروا عطونا حجرة تطل على البارك مباشرة كان منظر ولا أروع (الغرف شوي صغيرة أحنا لما رحنا أنا وزوجي من قبل أخذنا السويت وايد كان أحلى وأوسع وبالمطبخ والصالة والبلكونة) المهم أهم شي تكون نظيفة… وهذي صورة للغرفة وصورة لمنظر الغرفة..
أول يوم قضيناه بالمجمع وعبودي لعب بالألعاب…
اليوم الثاني.. من الصبح تفطرنا ومباشرة على البارك وأخذنا التذاكر حق 3 باركات الألعاب والحيوانات والماء… وهذا عبودي في ال WildPark وبعدين في ال Water Park…
وبعدها تغدينا في الطربوش بداخل المجمع بس قعدته برع تطلع على البارك…
ويشرفني اكون اول وحدة ترد
لكن احسسسسسسس ماليزيا فنننننننننننننننننن
بانتظار التكملة
وأقلتنا لجزيرة بننق (مدة الرحلة أربع ساعات ونص) ولاتسألوني شلون كان الطريج حطيت راسي ونمت من التعب ماكنت أوعى الا على عبودي يبي ماي أو زوجي يعدل لي حجابي ههه وآظن شاخرت بعد…
وصولنا لجزيرة بننق.. نزلنا عند المحطة وأخذنا تاكسي للفندق.. المدة من المحطة للفندق تقريبا 40 دقيقة..
وصولنا فندق هوليدي أن.. جهة البحر مو في التاور.. بس الصراحة ماعجبني الفندق مو ذاك الزود وخدماتهم ماعجبتني…. المهم ريحنا بعد مشوار الباص وبعدها طلعنا على المجمع جيرمي بلازا ورجعنا الفندق صلينا ونزلنا تمشينا في السوق الصيني وبالأخير بنفس الشارع تعشينا في مطعم عمر الخيام…
هذي صورة للمدخل والصورة الثانية من الغرفة..
اليوم الرابع.. كان يوم حافل.. ماخلينا مكان مع السايق من الصبح طلعنا على حديقة الفراشات.. حديقة الفواكة .. متحف الألعاب… مصنع الشوكلت.. مصنع النسيج.. وبالأخير حديقة القرود… وتغدينا ورجعنا الفندق…
أترككم مع صور الجولة..
عبودي في حديقة الفراشات..
عبودي بحديقة الفراشات وبنهاية الجولة عطونه من هالفواكة الزينة..
صور من متحف الألعاب…
صورة لحديقة القرود… وهذي القردة مانسينا نصورها بعد…
بقية اليوم قضيناه في الفندق بين البحر وبركة سباحة الأطفال وكان في مساج للأرجل رجال ونساء ومن التعب سويته… وطلعنا تعشينا في مطعم لبنان بالضبط عند الفندق
اليوم الخامس.. الصبح بعد شلنا أغراضنا وطلعنا على المحطة يكون نرجع كوالالمبور.. ومدة الرحلة تقريبا أربع ساعات ونص وفي إستراحة لمدة عشر دقايق بنص الطريق (والسعر نفس الشي 55 رنجت مع الوجبة)…
عبودي وأحنا ننتظر الباص لكوالالمبور…هذي البحيرة اللي في العاصمة جورج تاون وأحنا ننتظر الباص..
أول ماوصلنا كوالالمبور.. بعد لازم نصور الأبراج…
وصلنا كوالالمبور على فندق كراون بلازا قريب من بوكت بنتانج (شارع العرب)… ريحنا وبعدين طلعنا على مجمع ساقو….
صور للفندق.. المدخل.. الغرفة وتكرمون الحمام..
صورة من بركة السباحة بالفندق وبالخلف أبراج كوالالمبور..
اليوم السادس.. تفطرنا وطلعنا على الأكواريا (قريب من الفندق ننزل من الباب الخلفي للفندق ومباشرة الشارع اللي وراه) الصراحة المكان روعة والسمك أشكال والوان وعبودي أستخف عليهم لأن حياته عالم الأسماك والبحار..
خلصت الجولة داخل المكان ودشينا محل الهدايا وتشرينا وكان في ال Aquazone وين ما السمج يعضضون في الريل.(إذا تعطونهم رصيد الدخول للأكورايا يحسبون بس على الواحد 15 رنجت). ههه مادري شلون تجرأت وحطيت ريلي.. بس وناسة…
المجمع اللي فيه الأكواريم وايد كبير.. وأحنا من التعب بس تغدينا في روسترز ورجعنا الفندق ونمنا للساعة ست…
بعد المغرب رحنا ال Mega Mall في ال Midvally وتسوقنا وتعشينا هناك…
اليوم السابع… كنا ناويين على جنتنغ.. لكن ولدي أصر يبي يروح السنواي لاغون مرة ثانية ورحنا هناك من الصبح..لحد الظهر وتغدينا هناك وتسوقنا بالمجمع لحد العصر وبعدين رجعنا كوالالمبور…
والمساء رحنا تمشينا في بوكت بنتنج ودخلنا المجمعات اللي بالشارع… وهذي صورة للمونوريل..
اليوم الثامن والأخير.. رحنا على البافليون مجمع حلو وكبير وكل شي فيه والصراحة يبي له يوم أو يومين إذا الواحد بيدور فيه كله.. أحنا رحنا لأماكن معينة كان قاصرنا منها أغراض وتغدينا في ناندوز ورجعنا الفندق وجهزنا الشنط والأغراض يكون ناخذ التاكسي ونروح على المطار…
هذي صورة أخيرة لنا بالمطار.. مادري شكان واصل او بيسافر المنتخب الفريق وفود الله وأعلم بس كان في مجموعة من الماليزين واقفين باللبس الشعبي مالهم وكانوا يصورون مع المسافرين وأنه ماكثرت خبر…
وبكذا أنتهت زيارتنا السريعة لماليزيا بس الصراحة على الرغم من قصر المدة الا إنها كانت روعة وتغيير لنا أنا وزوجي وولدي…
سامحوني يمكن الموضوع ملخبط شوي بس لأن أول مرة أنزل بموضوع بهالكمية من الصور وماعندي خبرة عدله به…
بالنهاية كل من عجبها موضوعي تقول ماشاء الله على عبدالله وربي يحفظه لأمه ويجعله من الأولاد البارين…
الله يخلي لج اولادج وتسافرين معاهم كل سنة
MEME^MOON
meme moon أشكرك أختي وربي يحفظ لك كل أحبابك ويارب يسمع منك ونسافر كل سنة…
وااااااااااو رووعة رحلتكم ام عبدالله
شوقتينا ازور هالبلد
وما شاء الله على عبدالله يجنن الله يخليه ويجعله من الاولاد البارين
وعساكم دوم تسافرون والجاية مع فجورة بعد
واكثر شي عجبتني حديقة الفراشاات تجنن
والصوور روعه واللي محليها زياده صورة عبودي الله يحفظه ويخليه لك ويجعله من الصالحين ..