السلام عليكم يااحلى بنات في احلى منتدى
وتحيه خاااااصه للعروسات والمقبلين على الزواج لان موضوعي هذا بس للعروسات اما المتزوجات مثلي فقد اكل عليهم الدهر وشرب الا اذا عندك اراده قويه
نبداء مع بعض يابنات واتمنى تفهمون كلامي زين زين وتحطونه حلق في اذانكم
لان ماراح اقول الله الله باهل زوجك وخواته وامه ومدري مين لالا
انا هينا اوضح لكم بعض الاخطاء اللي سويتها وابيها ما تتكرر معكم لانكم خواتي و
ارجوكم لا تفهموني غلط انا ما اثير المشاكل او الفتنه انا بس اوضح نقاط كثير منكم وانا اولكم نسيناااااااااااها
يابنات لاتغلطون غلطتي ترا والله حياتك كلها تصير عذاب ونكد
اليكم القصه ولا تنسوني من الدعااااااااااااء
يسالوني عن اشياء تحرجني ومايذكرون اسم الله مثل بشرتك صافيه جسمك حلو كم وزنك شعرك كثير الطقم هذا ذهب ساعتك بكم وكنت اعديها واقول معليه بس طبعا بشرتي اندمرت وشعري راح فيها اما الساعه وقفت من يومها وحاولت اصلحها ما في فايده وكان من ابسط حقوقي اني اقول قولي ما شاء الله مثلا ولا تقولون ما حصنتي نفسك لا والله احصن نفسي
ما يستفاد
1-لاتسمحين لاحد يتدخل في خصوصيات مثل وزنك لبسك والخ
الموقف الثاي بيتي وغرفه نومي طبعا كان معاهم مفتاح لشقتي يدخلون ويطلعون على كيفهم وايام اصحى من النوم والقى ام زوجي في غرفتي ولاحظوا اني في غرفتي وعروس يعني لابسه قميص نوم وللاسف اتحنط في الفراش واستحي اقوم لين تروح واحيانا اسوي نفسي نايمه
اما خواته فكانوا يدخلون ويتعطرون ويتمكيجون بدون اساذان واذا اخذوا حاجه معد ترجع واحيانا يدخلون وانا مش موجوده
اما الثلاجه كانوا 24ساعه عندها حتى الليمون حقي ياخذونه ويفركون فيه اباطهم اما انا كنت استحي افتح ثلاجتهم
مايستفاد
1- انا ما اقول لاتعطونهم شي ولا يدخلون شقتك لا الرسول عليه الصلاه والسلام قال استاذنوا
2- لاتعطين احد مجال يدخل غرفتك ابدا ابد مهما كان السبب
الموقف الثالث لما انزل عندهم او نكون معزومين في مكان او عندنا ناس تتعمد ام زوجي تحرجني مثلا شعرك مو حلو بسم الله علينا شفيك كذا امسحي الروج نزلي البلوزه ارفعي التنوره ارفعي شعرك وانا كنت انحرج ويحمر وجهي وما لها حق تعطيني رايها خصوصا اذا كان زوجي هو اللي اختار التسريحه او اللبس او العطر بعدين فيه 1000اسلوب تقدر تكلمني وتنصحني فيه مو قدام الناس
مايستفاد
1-لاتسمحين لاحد يحرجك او يبدي رائيه فيك ببساطه رضى الناس غايه لا تدرك
2-حاولي تفرضين احترامك ولا تعطينهم مجال يحطمونك
الموقف الرابع كثير ماا كانت ام زوجي تتكلم في قبيلتي وتشتم بطريقه غير مباشره مثلا وع اكلهم يسد النفس كلامهم يفشل الخ الخ
وانا كنت اكتفي بالسكوت وتوزيع الابتسامات مع ان اسهل شي اني اقوم من المكان لين يغيرون موضوع حديثهم
واحيانا كانت تتكلم في امي واخواتي وتقول خواتك مو حلوين وغيره
مايستفاد
1- اياك اياك اياك تسمحين لاحد يتكلم عن اهلك او امك واخواتك لا تسكتون وتصيرون مثلي ولاتردون بقله ادب لالا بس اقلها خذي موقف وقومي
يابنات ماتتخيلون شقد كنت اتعب واتضايق من حركاتهم وماكنت اتكلم او اشتكي بس اسكت اسكت اسكت حتى زوجي ما كنت اقوله واكتفي باني ادخل الحمام وانتو بكرامه وابكي لين ينفجر راسي واطلع واندعس بالفراش وانا م واحيانا كثير كان النوم يطير من كثر القهر وراح شهر العسل وانا بس نكد وقلق واثر على نفسيتي حتى صرت معد اطلع لاحد ولا اروح ولا اجي وحتى ثقتي بنفسي تلاشت
حبيباتي هذا غير التجسس والحركات الغبيه اللي يسوونها مثل اذا جاي عندي صار يدقدقون الباب واحيانا يدخلون يشوفون التلفزيون عندنا واحيانا نطلع مكان واتفاجاء انهم راكبين قبلي
ياخواتي انتبهي على حياتك
مايستفاد
1- خليك قويه ولا تسمحين لاحد يدوس لك على طرف ترا القوي ذا الوقت هو اللي الناس تحترمه
2- ان لم تكن ذئب اكلت الذئاب
3- انا ما اقول انفخوا وارفعوا اصواتكم لا بس ردوا بطريقه حلوه ومؤدبه وبعدها ابتسموا
4- بيتك لاحد يدخله الابستاءذان كما قال الرسول عليه الصلاه والسلام
5-زوجك ثم زوجك ثم زوجك جنتك ونارك والباقي على جنب
6- لا تسمحين لمين من كان يتكلم عن اهلك حتى زوجك وخلي ردك بسيط مثل لو سمحت لاتتكلم عن اهلي او غيرها وخير الكلام ما قل ودل
7- لا ترفعين صوتك على احد منهم ابدا
8- مو لازم تحبين اهله او يحبونك بس المهم الاحترااااااااااااااااام الاحترام
9- تانقي واكشخي واللبسي ولا تضيعين احلى ايامك مثلي
فالقافله تسير والكلاب تنبح
10-لاتذلين نفسك لاحد عزنفسك تجدها
11- ملاحظه كانوا بنات خالاته وبنات عمه وخوات نسيبه يدقون عليه ويكلمون بحجه انه مثل اخوهم وانا مثل الجماد ما اتحرك ولا اقول شي وبس اروح الحما وابكي
12-لاتسمحين انه يقلل من احترامك عندهم ولا تخلينه يكلم الا المحارم فقط
واخيرا انا والله حاولت بشتى الطرق مع ام زوجي اهديها ذهب تبيعه اهديها ملابس تقول ما احب ذا الالوان اطبخ لها تقول وع والله احترت معها لكن في الاخير صرت اعتز بنفسي واهم شي زوجي وبس واتمنى اكون افدتكم واعطوني رايكم واذا فيه حل لمشكلتي لا تبخلون علي
2-وقفي امه وخواته عند حدهم لانك ساكته وهادية من تقوليلهم ما اريد حد يدخل بيتي ويستخدم اغراضي واذا انا ما عاجبتكم يكفي زوجي راضي عني ولا تذمي اهله قام زوجك لانهم اهله ولو ضروك قدامه بيقولك ما يقصدوا
3-اذا زوجك يحبك وشاريك صدقيني كفاية
واذا هالشي بيريحك -مصائب قوم عند قوم فوائد
انا حماتي وخواته واخوانه يتدخلوا بحياتي حماتي تقول اني مرة طلعت من البيت من غير ما استأذن وان زوجي طلع من الغرفة وقعد يدور علي ما لاقاني والله شاهد ماصار شي من هاللام ولا خواته اتهموني باقوال انا ما قلتها واللي تقول شافتني ورى السوق مع العلم انا ماعندي سيارة وزوجي ما كان موجود بالعاصمة واخوه مره تبعني وقال انا شفت فلانة تدور في النهار ليش وو تخيلي بس انا ما يقدروا يقولوا شي دامي لاني ارد عليهم بس زوجه اخو زوجي يشتمونها قدامي وما يحترمونها حتى قدام زوجها لانها سكتت
مثلا أهل أبوي كذا و زيادة دوبهم و دوبنا إحنا البنات ما يبونا نتهني بشيء حتي و صلت أنهم يشوهونا قدام أي شخص يتقدم لنا عشان بنات عمي الكبير
اي و الله كلامك كله صح
اذا ما تصيرين قوية يروح حقك
بس عندي سؤال شلون تبين حل بعد كل هالجواهر و النصايح و الحلول اللي كتبتيها؟؟
ما اعتقد محتاجة شي من احد
ابرار الجنه يسعدك ربي كلك ذوق انا قلت يمكن عندكم حل احسن من حلولي بس بعد كلامك خلااااااص
الله يجبر بخاطرك
واحب اضيف شئ لكل متزوجه بتعاملها مع اهل زوجها
انت اللى حطي لك منزلتك عندهم وارفعي قدرك انت في البدايه
ولا ترضخين لهم بكل صغيره وكبيره
وابتعدي عن المجامله لانه هي اللى راح تحوس حياتك معهم
وبعدين انتبهي تفجرين حزنك في الحمام مره ثانيه !!!!!! مو زين طبعا
بس بجد تحملتي كثير >>>
مشكوووووووووووووره قلبي ع النصايح …. انتي اللي اعطيتينا حلول وشدعوه تدورين حل …!!
اسعدك الله بحياتك ويخليك لزوجك انشاالله
…