بنات اول مره الجأ لكم
شغالتي الجديده ان شاء الله بتوصل على يوم السبت (يوم العيد)
طبعا مافي مجال اسويلها فحص طبي الا بعد ما تخلص الاجازه
شو تنصحوني اسويلها من اول ما توصل؟؟
شو اشتريلها؟؟
هي فلبينيه مسيحيه
بليز بنات بسرعه ما عندي الا اليوم اتشرالها
بس لو يايبة لج مسلمة اريح
المفروض تجهزين لها لبس علشان ما تنشغلين بمشاريها
اعنقد دامها مسيحية ما ظن بتلبس حجاب!!!!
انا عن نفسي خدامتي حجاب ومحتشمة من فوق لتحت
عرفيها على غرف البيت وعلى غرفتها، عقب اكيد بتتعرف على اهل البيت..
علميها شلون تنظف البيت غرفة غرفة طبعا باشرافج..
[move=left]عندي سؤال هذي اول خدامة ؟[/move]
للأسف صار لي شهووووووووووور و انا ادور مسلمه بالمواصفات الي اباها مو محصله
وخلاص عاد مب قادره اقعد بدون خدامه
الغاليه هاي مب اول خدامه
كل مره اييب خدامه و تيلس بالكثير شهر و ارجعها
المشكله انها بتيي اول العيد ومحد بالبيت
وما اقدر احبس نفسي عشانها
وبنفس الوقت ما اقدر اطلع بدون خدامه
لأنه هاي بتعتبر اول طلعه لي مع العيال بعد ولادتي خصوصا انه عندي دسك وصعبه اني اتابع اليهال بروحي
فشكلي باخذ خدامه امي معاي
وهاي بخليها في البيت لين ما افضالها
بس ابا اخذ لها اغراض وما اعرف ليش ناسيه كل شي
مب عارفه شو الي اخذه
متوهقه خصوصا بالملابس
مب عارفه اي قياس اخذ لها
وما اباها تيلسلي بالبنطلون في البيت
شامبو
صابون
بودر
مزيل عرق
هالاشيا لازم تاخذينها وتفهمينها من البدايه ان النظافه مهمه
صج الفلبينيات نظاف لكن بعد لازم تعلمينها
اشتري لها يونيفورم ونعول
اممم بالنسبه للشغل لاتخلينها تغسل المواعين او تجهز االاكل
خليها تنظف البيت وتكوي الثياب
لين ماتفحصينها وتطلع سليمه
خبريها عن نظامج وطريقتج فالبيت
لاتطيحين الميانه من اول يوم
ولا تكشرين في ويها من اول يوم
يعني خلج رسميه شوي عشان ماتاخذ عليج وبعدين تستقوى
ودام هي مسيحيه عادي لو تقعدينها يوم العيد فالبيت لانها ماتعرف شي عن عيدنا
سلامتك اختي وماتشوفين شر ان شاءالله
اول ماتدخل البيت حطي يدك ع راسهاوقولي ((اللهم اني اسألك من خيرهاوخيرماجبلت
عليه وأعوذبك من شرهاوشرماجبلت عليه ))
وأشتري لهاحجاب وقميص لحدماتجي وتعرفين مقاسهابسس يصيراحتياط عندك 0
فوطة
فوط صحية
معجون وفرشاة أسنان
مفرش للنوم وبطانية للبرد
أحجبة
زي خادمات – عدد 3 ع الأقل
بلوزة للبرد – عدد اثنين أنها يمكن مي جايبة معاها احتياط يعني تقدرين تعطنها من ملبوساتش القديمة
دفتر كتابة الرسائل ومظاريف
بطاقة للاتصال بأهلها وتطمينهم عليها حال وصولها
صحن خاص – كوب خاص وكأس خاص وملعقة خاصة وصينية بشرط مايكون لها مثيل في البيت عشان ما تستخدم أدواتكم
هذا طبعا بالإضافة للأدوات الصحية من شامبو ومشط ومفركة وصابونة
ولو تذكرت شي بخبرش وأكيد الحين شغالتش وصلت وانت مشغولة الحين بها 
تحياتي
أم مرام