خاص بالمنتقبات او المقبلين على النقاب ان شاء الله 2024.

السلام عليكم ورحمة الله وبركاته …….. انا ان شاء الله قريبا جدا هلبس النقاب وبجهز فى لبس النقاب الحمد لله فى الوقت الحالى وادعو الله ان يمن عليكم بنعة النقاب قريبا ………… وفكرت كتير ولقيت ان مافيش اى اقسام خاصة بالملابس الخاصة بالمنتقبات او ما يناسب المنتقبات والحمد لله ربنا وفقنى لان اخرج بفكرة اتمنى انها تعجبكم اخواتى فى الله وفى المنتدى …………… والفكرة هيه ان كل واحدة شافت استايل مناسب للمنتقبات او افكار للمنتقبات مناسبة ليهم توصف الاستايلات ديه او تنزلها فى صور وتقول الافكار ديه بحيث ان احنا فى الاخر نعمل قسم خاص بملابس المنتقبات بالجهود الذاتية……………. واتمنى ان الفكرة تكون عجبتكم واتمنى انكم تشاركونى فى فكرتى ونحاول نخلى الموضوع مميز ونخلى ادارة المنتدى يثبتوه

وانا عن نفسى جبت لملابس النقاب تونيك وجيبة ده اول استايل وعباية جينز شيك وعليهم خمارات لف والنقاب ولسه بشترى فى ملابس واستايلات مناسبة للنقاب

الصراحه يزاج الله خير اختيه على هالفكره الحلوه ,, والكثير من خواتنا من المتنقبات واكيد محتاجين لمثل هالقسم ,,

وحايه الصراحه اكون من هالفئه ,,

أنا برايي المنقبه مايصلح لها الا العبايه وبسس يعني عبايه بحركات حلوه وناعمه ومش أوفر وقماش خامته حلوه مع شنطة وصندل حلو بتصير ستايل ناعم
لكن سالفة ملابس وتنانير للنقاب مو داخله مزاجي وأحس ماراح تتقبله العين ممكن يكون مع حجاب اوكي بس نقاب لا والله يازين العباه
تحياتي:9_33:

مبارك اختي الحبيبة

الله يباركلك يارب ويارب يثبتك ويفرح قلبك

ما شاء الله تبارك الله

أحسنت ياغالية بارتدائك للزي الشرعي الكامل

انتي تسألي عن موديلات واشكال للنقاب

حبيبتي الحمد لله شكل الزي الشرعي محدود جدا

شوفي ياسكر

هاقولك على حاجه حلوه

انتى هاتلبسي نقاب ليييييه؟؟

علشان تطبقي أمر الله صح؟؟

وتعملي اعلى درجة بالزي الشرعي سواء فرض او فضل او او او عايزه تعملي احسن حاجه وتنولي اعلى الدرجات صح ياحبيبتي

انا بقولك كدا ليه فى الاول

علشان لما تيجي تلبسي حاجه وتنقي لبسك تفكري كدا هابقا رضيت الله بالظبط ولا لااااء فيه حاجه ناقصه لسه

على اكمل وجه يعني مش نص نص او ناقص حاجه صغيره كدا ولا كدا

لان انتي الان في أعلى درجات الحجاب ما شاء الله تبارك الله

شوفي الرابط دا ان شاء الله يفيدك

http://www.3roos.com/forums/showthread.php?t=207030

فالزي الشرعي محدود

لو طبقتي كل الشروط الىل فيه بالظبط هاتلاقي أشكاله محدوده ياحبيبتي

عايزه موديل للنقاب

الاسدال او عباءة الرأس او بيسموها بمصر الملحفة

دي اكتر زي متوفر فيه جميع الشروط للزي الشرعي ياحبيبتي

ساتره ومسدله من الرأس وفضفااافه ولا زينه ولا زخرفه ولا نقوشات ولا ضيق

فيها كل الشروط ان شاء الله

وسبحان الله اختلفت المسميات لكن النتيجه واحده ان شاء الله مادام متوفر فيه كل الشروط اللى بالرابط الىل انا اديتهولك ياغالية

وانتى شوفي كدا اقري الشروط وصفات الزي الشرعي كويس وشوفى اى زي قدامك هاتعرفى تحددي دا شرعي او لا

مبارك ياحبيبتي الله يتقبل منا ومنكم صالح الأعمال

وفرحينا ياغالية لما تلبسيه طيب

ثبتك الله أختي الغاليه على النهج القويم يارب

ماشاء الله
الاخت حبيبه
قالت ماكنت اود ان اقوله

أنا جربت الإسدال وما ارتحت فيه بيشد رقبتى وأنا فقرات ظهرى ضعيفه فوجعلى رقبتى جامد وأنا مرتاحه فى العبايات جامد
ممكن تلبسى عبايه سمرا والنقاب والطرحه أسمر برضه بس الشنطه والحذاء يكونوا ألوان
أو مثلا تلبسى عبايه بنى غامق وطبعا كلنا عارفين إن البنى بيليق على ألوان كتير مثل التركواز أو الأورانج أو أو
المهم هتلبسى طرحه تركواز وهتكوت تحت وتلبسى فوقها طرحه بنفس لون العبايه ( بنى غامق) على أساس إن التركواز ميبنش منه غير طرف خفيف جدا يعنى لو إنتى مش حبه إن تكون الأوان ظاهره(وده أقضل) متبينيش التركواز أوى هيبان بس لو خلعتى النقاب أمام أهلك مثلا والشنظه والحذاء بنفس لون الطرحه اللى تحت
وربنا يوفقك

أختي الغالــــــيه كم أسعدني كلامك وكم فرحت عندما وجدت مشاركتك هذه وأحببت

أن أبارك لك أولا وهنيئا لك بالحجاب وثانيا أحب أن أخبرك عزيزتي بأن الحجاب لم يوضع للزينة

ولفت الإنتباه وكما نقول(للكشخه ) بل وضع لستر المرأة وصيانتها وعفافها وكم أسعدني كلام

الأخت حبيبة جزاها الله خير الجزاء وعسى الله تعالى أن يكتب لها الأجر والمثوبة،،وأن يضعه في ميزاااااان حسناتها،،

فياأختي الغااااااليه وياحبيبتي نصيحة من أخت أحبت الشريعة الإسلامية وأحبت تطبيقها
أنصحك ثم أنصحك ثم أنصحك بتطبيق الحجااب الشرعي كما أمر به ديننا الإسلامي وكما أمر به
الشاااارع الحكيم ففوائده جمة فهو الستر بعينه وهو العفاااااااف فيااامن أحببت الحجاااب أقدمي
على طاااعة الله وعليك بالحجاب الشرعي عليييييييك ثم علييييييييك بعبااااااااءءءءءةةةةة الرأس

تقبلي نصيحتي بصدر رحب وسعة بال فالحجاب ليس للزينة ليس للزينة وليس فيه كما نقول موديلاااااااات وألوان وقصاات ،،،،،

شكرا على ردودكم الرائعة وطبعا طبعا انا واخدة كل نصائحكم بصدر رحب جدا وشكرا جدا طبعا على اهتمامكم وردكم عليه………… انا لم اقصد ابدا انى مش هطبق الشريعة ولا الزى الشرع ولا هلبس الوان ملفتة للنظر ولا موديلات سخيفة مش مناسبة للنقاب ان شاء الله انا براعى جدا انى اطبق شروط الزى الشرعى فى ملابسى كلها بس طبعا ربنا مش حدد لينا اننا نلبس الاسدال او الملحفة بس حدد شروط الزى الشرعى وكمان مش حدد لون اللبس بس اكيد لازم تكون الوان غامقة عشان مش تبقى ملفتة للنظر وانا اصلا والله ما بحب اللون الاسود ده ابدا مع انه بيكون شيك فى حاجات كتير بس والله بيسبب ليه حالة اكتئاب رهيبة وعمرى فى حياتى ما لبسته بس بقية وجربت مرة البس الاسدال ما ارتحت فيه خالص ……….. وقصدى بانى عايزة افكار جديدة واستايلات خاصة بالمنتقبات اكيد اخواتى فاهمينه بان لازم مش يكون ملفت بس يكون انيق فى اللبس واكيد كل اخواتى عارفين قصدى ده واكيد عارفين شروط الزى الاسلامى وعشان كده هيفدونى واللى مش عارفة يبقى اكيد هتعرف مننا واحنا اصلا فى المنتدى عشان نستفيد ونفيد ………… وارجو ان تتقبلو رايى دون ازعاج ………. وشكرا جدا جدا مرة تانية على مشاركاتكم وانتظر منكم المزيد المزيد من المشاركات ويارب يثبتوا الموضوع او يعملو قسم للمنتقبات يارب ادعو معايا ………… جزاكم الله كل خير ………… :9_33: :9_33: :9_33: :9_33:

ايه ياجماعة فينكم وفين ردودكم ارجو ان تنشطوا الموضوع شوية وتكونو معى عشان كلنا ان شاء الله يجزينا الله كل خير بتنشيط هذا الموضوع