السلام عليكم ورحمة الله وبركاته
كيفكم بنوتات .. يا عرايس يا حلوييين
😮
أنا زمان كنت مهتمة بنفسي كثير 😎 بس مع الشغل والدوام قل اهتمامي 😐
فبجد أبغى أرجع آهتم فنفسي مو بس زي أول .. إلا أكثر بكثير جداً
لأنو الواحد كل مازاد حبو لنفسو .. يبين هذا الشئ عليه
وعلى اهتمامو بحالو :thumbs_up:
وبما إنو انخطبت الخميس اللي فات 😮
قولوووولي مبروووك لووووول
:L:
فقلت بسيب كل الخلطونات اللي بدأت فيها من كم شهر
وراح أبدأ خلطة تكون متعوب عليها وباستمر فيها لمدة شهر
وأشوف
قررت تكون هذي الخلطة هيا خلطة صابون الغار من كثر ما يمدحوون فيها
باستمر عليها من بكره بإذن الله ولمدة شهر
أبغى كذا حمآآآآآآس .. كم بنوته بتغى تبدأ معانا
وكل يوم نكتب ونحمس بعض عشان نستمر
لأنو أكثر الخلطات مشكلتها إنو مانتسمر عليها
فهنا أبغى مره نحمس بعض
وهذي طريقة خلطة صابون الغار
أخذتها من النت
.
.
.
المقادير :
1- صابون الغار
2ـماءورد
3- علبتين جلوسليد الاحمر حجم صغير
4- علبة جليسرين السائل
5- فنجال قهوه من ( زيت الزيتون + زيت الخروع + زيت اللوز المر )
6- ملعقتين كبيره كركم للجسم مو للطبخ (وهذا بتلقونه عند العطار قولو كركم للجسم وهو بيعرف وش تبون )
7- علبة فكس صغيره ،،
واليكم الطريقه :
تبشرون الصابونه بشر ناعم وبعدين تحطونها في كاس ماء ورد من الليل الى الصبح عشان يذوووووب الصابون في المويه وبعدين اذا اصبحتو تضيفون الجلوسليد والجليسرين السائل والزيوت وملعقتين كركم وعلبة الفكس الصغيره واخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه وتستخدمونها اطول فتره ممكنه وبعد كذا تحطونها على جميع مناطق الجسم (يعني الجسم كله حتى الوجه ) وتخلونها ساعتين وبعد كذا تجيبون ليفة الجسم اللي من بودي شووووووووب صايره على شكل قفازات احسن من الليفه المغربيه وتحطون عليها ملح خشن وتعصرون ليمون فوق الملح ويالله تبدأون بفرك الجسم فرك جيد والله يطلع لكم كل شي وتحسون بالنظااافه من اول استخدام وبعد كذا يبدأ التفتيح يوم ورى يوم وطبعا هذي الخلطه بشكل يومي واكيد اللي بيتزوجون مهتمين اكثر!!!!!!!!!!!!
:thumbs_up:
يلا همتكم معايه يا حلوووين
أنا شريت الأغراض وسويت الخلطة وراح أبدأ فيها بكره بإذن الله
F:
انا عندي صابونه غار وصرت دايم اسبح فيها ماستخدم الصابونات الكيماويه
بس بجد روعه وراح استمر عليها ان شاء الله 
ودي اسوي معك الخلطه بس ماراح استمر بسبب الدراسه وخاصه انها اخر سنه لي
يلا ان شاء الله تسوينها مع البنات
مووفقه=)
.
انا سويت الخطلة الصابونية ..
داخلها صابونة غآر ..
ومن بكرا ببدا فيها ان شاء الله ..
موفقه يا عسل
والطريقه سهله وحلوه وانا كنت استخدمها لاكن شكلي برد ثاني عليهاااا
وبالتوفيق
لك ودي ووردي
::
خاطري اجربها لكن مشكلتي ما احب ريحة صابونة الغار
و ألف مبروك الخطوبة
عقبال كل العزابيات
تم التقييم
حلووة فكرتج والخلطة من زمان استخدمها قبل اسجل بالمنتدى والله نتايجها روووعة وقفت عنها فترة ورجعت لها
والحين سوويتها مرة ثااانية وراح استمر عليها ان شاء الله للجسم ماعدا وجهي الخلطة رووووعة جدا
لانها تعطيج بياااض مو طبيعي وعن تجربة شخصية وعن تجربة
اغلبية البنات اللي اعرفهم وخاصة العرايس..ويسمونها الخلطة الصفراء او خلطة الكركم,,
بس يبغالها وحدة متفرغة لا مدرسة ولا دوااام..وانا الحين مخلصة جامعة ومخطوبة ومتفرغة للخلطاات ههههههههههه
يعطيج العاافية ياقلبي وانا اول المسجلين معج..
طريقة شرحج حلووة بس ناقصها الصووور
هذه طريقة من احدى الاخوات الله يجزاها خير مع الصور للي حابين ينضمون معنا
http://forums.3roos.com/showthread.php?t=391456
حبيت اضيف شغلة انا بشرتي حساسة جدا والحمدلله ماسببت لي اي شيء وصراحة مااحب الكريمات المبيضة