خلطة لتوحيد لون المنطقة الحميمة ومنطقة ال under arms ، 2024.

مرحبا بنات ،

اليوم حابة أفيدكم بهالخلطة ،
وللأمانة ، هالخلطة من ابتكار الأخت anl من أحد المنتديات ،
أخذت هالخلطة وضفت عليها شوية شغلات مني ، والنتيجة ولله الحمد جداً طيبة ،
ويا رب تستفيدون منها مثل ما استفدت منها ،

طبعاً الخلطة الأساسية للأخت anl هي :
كريم درابولين
كريم بيبانثين
زيت اللوز

وهذه خلطتي :

أولاً علبة زجاج ، أحب أخلط الخلطات خصوصاً إذا كانت كريمات طبية بعلب زجاجية ،

كريم درابولين
أو بالإمكان تستبدلونه بـ سودو كريم ،

كريم ألدو كون ،
وعلى فكرة أكو من هالكريم نوعين ،
نوع للوجه بتركيز 4% ،
وللجسم بتركيز 2%
وأكو منه حجمين ،
14 جرام
و28 جرام

أنا أخذت للخلطة 2% و28جرام

بيبانثين

زيت اللوز أو زيت جنين القمح ،
بس أنا حطيت جنين القمح ،

هذه المقادير ، والحين نبدأ بالخلط :

والنتيجة ، بعد الخلط

ترى مو خالطتها عدل ، فلا تغركم الصورة 😎 ،

ملاحظات :

– إذا كثرتوا الزيت وحسيتوا الخلطة دهنية ، ممكن تحطون عليها شوية نشا " وهذه من عندي " ،
لذلك أنصحكم ما تكثرون زيت ، من 20 إلى 30 مل ،
– ممكن تستبدلون كريم درابولين بكريم سودو كريم ، لأنهم يعطون نفس النتيجة ،
– البيبانثين نوعين ، ممكن تاخذون البيبانثين اللي فيه خط أحمر ترى أحلى ،

هذه الخلطة توحد لون المنطقة الحميمة والأندر آرم ،
جربتها والنتيجة ولله الحمد حلوة ومن أول أسبوع ،
هذا غير ترطيبها ، وتغنيج عن استخدام الديودرنت ،
بس تستمرون عليها والأهم إنكم توزعونها على منطقة نظيفة وجافة ،

وأنصح تستخدمون وايبس الأطفال لتنظيف المنطقة ومسحهها قبل وضع الخلطة :

وايبس سيبا ميد للأطفال من أفضل الأنواع الموجودة ، أفضل من جونسون وغيرها ،

أو ممكن تستخدمون غسول خاص للمنطقة ، وأنصح بهالغسول وسبق وحطيت لكم فوائده :

وهذه فوائده مرة ثانية :

أتمنى إني قدرت أفيدكم ،
F: