السلام عليكم
السالفه ما فيها اني امس كنت فاضيه فقرره اسوي خليه نحل و حشيتها بالشوكليت بدل الجبن
ممكن تستخدمين اي عجينه انتي متعوده عليها و عن نفسي استخدمه عجينه الاخت اهات الصمت ..و كميه العجين في طريقتها طلعت بالضبط قياس صينيتي …لاني عندي كم طريقه و كل الكميات تكون كبيره
و هذا رابط طريقتها للي تبي
http://www.3roos.com/forums/t315552.html
اني للمهم
بعد ما سويت الخليه و دهنتها بالبيض ((الصوره الاولى))
ما هنالي شكلها و فكره و فكره شو احط عليها و دورت كبتات المطبخ فقررت ارش عليها قرفه و سكر بني ((الصوره الثانيه))
و بعد ما طلعتها من الفرن ((الصوره الثالثه))
بعد ما هنالي شكلها و فلت تحتاج الي صوص …فيبت سكر بودره و خلطه مع شوي حليب بالتدريج لين صار عندي صوص ..و بالملعقه صبيته على الخليه ((الصوره الرابعه))
و بعد تامل الخليه حسيت ناقصنها شويه لون ..فشو احلى من الفراوله مع الشوكليت …فسخنه شويه مربى الفراوله في الميكرويف و صار سائل و قبل لا يبرد صبيته على الخليه ((الصوره الخامسه))
و بعدين رضيت عليها و خذت لي شويه و رحت استمتع بالطعم العجييييييييييب (الصوره الاخيره و حشوه الشوكليت واضحه ) و وصل زوجي و قضينا عليها بنفس اللحظه …وحليلها ما لحقت تستانس بالدنيا قضينا عليها…و بعد ما خلصت قال زوجي ليش ما سويت لنا واحد ثاني بعد
جربوا و صدقوني بتعجبكم
هني و عافيه
ماشاء الله شكلها رووووعه
فكرتك حلو مع حشوة الشوكولاته
بالعافية عليكم
وأن شاء الله اجربها واذا ضبطت معاي راح اصورها وانزلها
تسلم الايادي اختي مرمر
فكرتها عجبتني كتير
تسلم ايديكي
ما شاء الله ..
تسلمين على الطريقة وان شاء الله اجربها وتستوي عندي هههه..
تقبلي مروري..
و ربي يسلمكم و يسلم لكم كل غالي
همسه في انتظار تجربتج و رايج و ان شاء الله تعجبج الطريقه